Lucas 11:9 - Zapotec Isthmus

⁹ Nga runi cayabe laatu: Lainaba lu Dios, zudii laatu. Lauyubi, zadxela tu. Lauxhidxi ná', zaxele chu' tu.

Porciones en Zapoteco de las Delicias

⁹ Lena'a rea' lbi'ili: Gulunaab'de Dios len le' gunne kieeli; gulugiilje, len udzëëli'li'ne; gulkapa puert len uyaalj.

Lucas 11:9 Iomraidhean Croise

Mateo 21:22

Irá ni inaba tu ora iní' né tu Dios, pa inaba tu ni ne fe la? zacaa tu ni canaba tu que.

Mateo 21:31

Yanna xi na tu. Uná de lade iropa cabe bi'ni ni na bixhoze. Para na ca': ―Primé que. Oraque na be rabi be laaca': ―Gabe ca' laatu, jma nagueenda ziuu cani ruquixe impuestu ne ca gunaa dxaba ra runi mandar Dios que laatu.

Mateo 6:29

peru nin rey Salomón qué ñanda nuzuchaahui casi laacani neca nabé bisaca.

Marcos 11:24

Nga runi cayabe laatu, irá ni inaba tu ora iní' né tu Dios zacaa tu, peru pa guni cre tu zaca ni.

Marcos 13:37

Ni cayabe laatu ri la? cayabe irá binni: chu' listu.

Lucas 11:10

Purti tutiica inaba zacaa, ne ni uyubi zadxela, ne ni uxhidxi ná' zaxele chu'.

SAN JUAN 14:13

Irá ni inaba tu lu Bixhoze gune purti xpinne laatu la? zune ni, ti usisaca binni Bixhoze pur naa.

SAN JUAN 15:16

Cadi laadi tu gulí tu naa, sínuque naa gulié laatu. Ne gudixhe laatu para iree ndu ni guni tu ne cadi initilú ni, ti intiica inaba tu lu Bixhoze', zudii laatu purti xpinne laatu.

SAN JUAN 15:7

Pa guiaana né tu naa ne guiaana stiidxa ndaani ladxidó' to la? lainaba intiica gacala'dxi tu, zacaa tu.

SAN JUAN 4:10

Para rabi be laa: ―Pa lii ñannu xi cudii Dios binni, ne ñannu tuu nga canaba lii nisa gue la? ninaba lu laa, ne laa nudii lii nisa ni rudii enda nabani.

ROMANOS 2:7

Zudii be enda nabani ni qué zaluxe irá cani qué ixhacala'dxi de guni jneza, cani ucaa ique guni ni chu'la'dxi be, ne uyubi ni dxandí risaca ne ni qué ziuu dxi initilú.

2 CORINTIOS 6:2

Purti sicarí cá lu Xqui'chi be ra caní' né be binni: Bigaanda stidxi tu naa, dxi pe ma nuaa para ucaa dia'ga laatu, ne ucaniá laatu dxi ma gudixhe ula'ya binni. Nga na be. Ne dxandí ma bidxiña dxi acané be binni, ne yanna ri nga na be ulá be laaca'.

HEBREOS 11:6

Peru qué zanda guni binni ni riula'dxi Dios pa qué runi cre. Purti para idxiña cabe laabe la? napa cabe xidé guni cre cabe nuu be ne rulabi be cani uyubi laabe.

HEBREOS 4:16

Nga runi zanda idxiña nu ra nuu Dios stinu ni nadxii laanu sin idxibi nu, purti nacha'hui be, riá be laanu, ne zacá zacané be laanu ora caqui'ñe nu tu acané laanu.

SANTIAGO 1:5

Pa nuu tuuxa de laatu ca'ru guiene chaahui xi naquiiñe guni la? inaba lu Dios usiene laa ne zusiene Dios laa. Purti tutiica inaba', rudii Dios ni laa de idubi ladxidó' sin tinde né laa.

SANTIAGO 5:15

Ne pa dxandí runi cre ca zuni Dios ni canaba ca la? zalá be, ne zandisa Señor laabe, ne pa huachee be la? zuxhá Señor stonda be.

1 JUAN 3:22

ne intiica inaba nu laabe zudii be laanu purti cuzu'ba nu stiidxa be ne cuyubi nu guni nu ni riula'dxi be.

APOCALIPSIS 2:24

Peru ca xcaadxi de laatu ni cadi zinanda modo nabani cabe ca, ne qué huaziidi ni na cabe enda nuu xpiaani sti binidxaba', ma qué zuguaya rua' laaca gasti'.