SAN JUAN 1:1 - Zapotec Isthmus

¹ Dxi bizulú Dios bizá' guidxilayú ne ibá' maca nuu tobi ni rabi cabe Diidxa', ne uyuu Diidxa que ra nuu Dios, ne Diidxa que Dios laa.

Porciones en Zapoteco de las Delicias

¹ Kati zia'a sulau yugute' chik'z de Diidza'a; len bënni'a nake Diidza'a gzue' len Dios len Le' nake Dios.

SAN JUAN 1:1 Iomraidhean Croise

Mateo 1:23

Laguuya ni chi gaca ri': Ti binni dxaapa zaca xiiñi ne zapa ti badu huiini', ne zabee lá cabe laa Emanuel. Ni riní' Emanuel la? nuu né Dios laanu.

Lucas 24:53

Ne qué niree ca ndaani yu'du ro', bisisaca ca Dios ne bidii ca diuxquixe laa. Amén.

SAN JUAN 1:14

Beda gaca dxa Diidxa que binni, ne uleza be lade du. Ne bidu'ya du enda nandxó' stibe. Nandxó' be purti laabe nga tobi lucha Xiiñi Dios Padre. Uca be nacha'hui ne binni, ne bi'ni be puru si ni jneza.

SAN JUAN 1:18

Iruti binni guidxilayú qué huayuuya Dios sínuque tobi lucha si Xiiñi be ni nuu né laabe tobi si, laa beda usiene binni ximodo laabe.

SAN JUAN 1:2

Dxi bizulú guidxilayú ne ibá' maca nuu né Diidxa que Dios.

SAN JUAN 16:28

De ra nuu be biree' benda ndaani guidxilayú ri'. Yanna ma chi usaana guidxilayú ibigueta ra nuu be sti tiru.

SAN JUAN 17:5

Yanna la? Bixhoze', bisisaca naa ra nuu lu' casi bisaca raqué dxi ca'ru uzá' lu guidxilayú.

SAN JUAN 20:28

Para na Tomás rabi laabe: ―¡Señor stinne' ne Dios stinne'!

SAN JUAN 8:58

Para rabi be laaca': ―Laucaa diaga chaahui ni chi tidxe laatu ri': Dede ante gale Abraham, naa maca nuaa'.

ROMANOS 9:5

Laacabe nga xiiñi ca primé bixhoze gola nu, ne de lade cabe nga beeda Cristu dxi beda gaca binni guidxilayú. Laa nga Dios de lade irá xixé, ne laa nga qué ziaana dxí de isaca. Amén.

EFESIOS 3:9

Ma xadxí gudixhe Dios ni bizá' irá xixé ni nuu, xi chi guni yanna, peru qué nuluí' be ni binni. Yanna ma gudixhe be ni ladxi naya para güe ni.

FILIPENSES 2:6

Neca Dios laabe peru qué ña be tu naca be,

COLOSENSES 1:15

Qué randa ridu'ya nu Dios, peru bisihuinni Xiiñi be tu naca be, purti casi laabe Xiiñi be, ne maca nuu Xiiñi be ante cha irá xixé ni nuu.

COLOSENSES 1:17

Maca nuu Xiiñi be que dxi ca'ru cha irá ni, ne laa naaze irá ni. Nga runi nexhe chaahui ru ni.

1 TIMOTEO 3:16

Iruti zanda iní' cadi nandxó' ni runi cre nu, neca nagana guiene binni ni casi ze'. Ndi nga laani: Beda gaca Dios binni guidxilayú: bisihuinni Espíritu Santu qué nuchee be, ne biiya ca ángel laabe. Bireeche stiidxa be lade irá binni, uyuu tu bini cre laabe, ne bigueta be ibá'.

TITO 2:13

laga cabeza nu enda nayeche uní' be udii be laanu, o zanda gabi nu dxi idu'ya nu enda nandxó' guedané Jesucristu, Dios stinu ni bilá laanu.

HEBREOS 13:8

Qué ziuu dxi idxaa Jesucristu de ni naca. Cásica laabe neegue', zaqueca yanadxí, ne zaqué si guiaana be.

HEBREOS 7:3

Ra cá de laabe lu Xqui'chi Dios la? qué riete gasti de bixhoze be nin jñaa be nin bixhoze gola be, nin dxi gule be nin dxi guti be. Ne zacá zeda aca be casi Xiiñi Dios, purti qué riete pa uyuu dxi biree be de sacerdote gola.

2 PEDRO 1:1

Naa nga Simón Pedru. Rune xhiiña Jesucristu ne naca apóstol sti'. Cucaa gui'chi ri lu irá cani ma runi cre casi runi cre du. Jneza runi Jesucristu, Dios stinu ni bilá laanu, ucané para bini cre tu casi pe runi cre du. Nabé risaca modo runi cre nu.

1 JUAN 5:20

Laca nanna nu ma beeda Xiiñi Dios, ne bisiene laanu ti gunibiá' nu tobi lucha Dios. Nuu né nu Jesucristu Xiiñi be tobi si. Laa nga tobi lucha Dios, ni maca nuu dxi uyá' guidxilayú ne laa rudii enda nabani ni qué zaluxe.

1 JUAN 5:7

Chonna nuu ibá' na dxandí ni: Dios Padre ne Xiiñi ne Espíritu Santu. Chonna cabe peru tobi si laacabe.

APOCALIPSIS 1:11

na rabi naa: ―Naa bizuluá' irá', ne naa unduuxe ni, casi ca letra A ne Z. Bicaa ni gu'ya lu ri lu gui'chi ne biseenda ni lu ca xpinni Cristu ni nuu ndaani gadxe guidxi sti Asia. Cuzeete Efeso, Esmirna, Pérgamo, Tiatira, Sardis, Filadelfia, ne Laodicea.

APOCALIPSIS 1:17

Ora biiya laabe biaba xa ñee be casi tobi ni ma guti. Peru gudixhe ná be luguia'ya ne rabi be naa: ―Cadi idxibi lu'. Naa bizuluá' irá', ne naa unduuxe ni.

APOCALIPSIS 1:2

Ne laa bicaa irá ni bi'ya', ni gudxi Dios Jesucristu uluí' laa.

APOCALIPSIS 1:8

Na Señor Dios ni jma nandxó': ―Naa bizuluá' irá', ne naa unduuxe ni, casi zeeda A ne Z lu alfabetu. Nuaa yanna, qué huayuu dxi guiaadxa', ne qué ziuu dxi guiaadxa'.

APOCALIPSIS 19:13

Nadxé' daata xhaba be de rini, ne lá be Stiidxa Dios.

APOCALIPSIS 2:8

Ni chi tidxe lii rarí di la? bicaa lu ni cayapa ca xpinne ni nuu Esmirna: “Sicarí na ni bizulú irá', ne ni unduuxe ni, ni guti ne bibani:

APOCALIPSIS 21:6

Bigueta rabi be naa: ―Ma uca irá ni nexhe aca'. Naa bizuluá', naa unduuxe', casi ca letra A ne Z. Ni cayati nisa la? gueeda ra nuaa', zusiga'de laa nisa ni rudii enda nabani.

APOCALIPSIS 22:13

Maca nuaa dxi bizulú irá ni, ne zaluxe irá ni, naa nuaa rua'. Naa bizuluá' naa unduuxe', casi ca letra A ne Z.

APOCALIPSIS 3:14

Ne ni chi tidxe lii rarí di la? bicaa lu ni cayapa ca xpinne ni nuu Laodicea: “Sicarí na ni qué rusiguii sínuque irá ni riní' la? jneza ni, ne de laa zeeda irá ni bizá' Dios: