APOCALIPSIS 19:6 - Zapotec Isthmus

⁶ Laca bina dia'ga ti ridxi casi ora rucaa ridxi stale binni, ne casi ora rixidxi ra zidi'di stale nisa ne casi rixidxi rayu ro', na: Usisaca nu Señor Dios stinu ni jma nandxó', purti ma bizulú cayuni mandar.

APOCALIPSIS 19:6 Iomraidhean Croise

Mateo 6:13

Ne cadi udiiu lugar cuba yu binidxaba laadu, sínuque bilá laadu de lu ná be. Purti lii nga jma nandxó' lo' ne jma risaca lu que irá xixé, ne qué ziuu dxi guiaana dxí lu de guni mandar lu'. Amén.

APOCALIPSIS 1:15

Ne ruzaani ñee be casi bronce ni uluu cabe lu gui para bisiá cabe. Ne zeda aca stidxi be casi rixidxi ra cadi'di stale nisa.

APOCALIPSIS 1:8

Na Señor Dios ni jma nandxó': ―Naa bizuluá' irá', ne naa unduuxe ni, casi zeeda A ne Z lu alfabetu. Nuaa yanna, qué huayuu dxi guiaadxa', ne qué ziuu dxi guiaadxa'.

APOCALIPSIS 12:10

Oraque bina dia'ga ucuá ti ridxi de ibá': ―Ma bidxiña dxi ulá Dios stitu laanu. Ma chi usihuinni enda nandxó' sti', chi guni mandar, laa ne Cristu sti'. Purti ma uladxi be ni uluu xqueja ca hermanu stinu, dxa ni uluu xqueja ca nezalú be ridxí ne huaxhinni que.

APOCALIPSIS 14:2

Ne bina dia'ga ti ruidu casi ora rixidxi stale nisa ne casi ora rixidxilaa rayu ne casi ora cuxhidxi stale binni arpa.

APOCALIPSIS 19:1

Udi'di si irá nga, bina dia'ga cacá ridxi ibá', casi ora cucaa stale binni ridxi, na ca': ¡Aleluya! Usisaca nu Dios stinu purti nandxó' ne bilá laanu.

APOCALIPSIS 19:4

Oraque bizuxibi idubi veinticuatro binni gola ne ca bultu nabani que, bisisaca ca Dios ra zuba lu trono, na ca': ―¡Amén! ¡Usisaca nu Dios!

APOCALIPSIS 21:22

Qué ñuuya nin ti yu'du ndaani guidxi que, purti Señor Dios ni nandxó', laa ne Dendxu huiini que, naca yu'du stini.

APOCALIPSIS 4:5

Biree xpiaani rayu lu trono ni nuu galahui que, ne ucuá ridxi ne uxidxi rayu. Cá gui gadxe ndaa guiri bidxi nezalú trono que. Zeda gaca cani gadxe Espíritu sti Dios.

APOCALIPSIS 6:1

Biiya ora bixhele Dendxu huiini que primé sellu ne uní' tobi de ca bultu que casi ora rixidxi rayu, na: ―Gudá' gu'yu'.

APOCALIPSIS 8:5

Oraque ucuaa be braseru que bichá be de gui ni nexhe lu altar que, bisindaa be ni guidxilayú. Uca ruidu ne uxidxi rayu ne uyuu xpiaani rayu ne uca xu.