APOCALIPSIS 15:2 - Zapotec Isthmus

² Ne laca biiya xiixa ruluí espeju nucha gui, ti lapa si nexhe ni casi ra'ta nisadó'. Ne uriá ni zuhuaa cani qué nusisaca dxa mani ngola que ne bidó' sti', ne qué nicaa seña stime. Naaze cabe arpa ni bidii Dios laacabe.

APOCALIPSIS 15:2 Iomraidhean Croise

Mateo 3:11

Naa caguaa ni'sa laatu casi ti seña ma unaba tu perdón Dios, peru nuu stobi ni gueeda ru', ne ngue jma risaca que naa. Naa qué risaca dia' nin para indade xquela guidi be ñee be. Laabe zudii be Espíritu Santu cani guni cre, ne zulaa be cani qué runi cre lu bele.

1 PEDRO 1:7

Zeda gaca fe stitu casi oro. Ne casi rutiidi cabe oro lu gui para ihuinni pa dxandí oro la? zacaca cadi'di tu ra naná para ihuinni pa dxandí runi cre tu. Ne pa tidi tu ni sin guiaba tu la? zasaca fe stitu jma que oro, purti oro rinitilú. Nga runi pa usihuinni tu dxandí runi cre tu Dios la? zudxiiba be laatu ne zusisaca be laatu dxi gueeda Jesucristu.

1 PEDRO 4:12

Hermanu ni nadxiee ca', cadi idxagayaa tu ora gueeda xiixa ni nabé naná luguiá tu, maca nanna tu zaca ni.

APOCALIPSIS 12:11

Gunda gudixhe dxí ca laabe purti guti Dendxu huiini que pur laaca', ne purti qué nidxibi ca ñui' ca xpinni Cristu laaca', neca nanna ca zándaca gati ca'. Qué ña ca xpida ca'.

APOCALIPSIS 13:1

Bizuhuaa uriá nisadó' ne biiya biree ti mani ngola ndaani nisa, napa gadxe ique ne chii cachu. Nuu ti la'pa cada xcachu ne cá ti diidxa lu cada ique me ni riguu dí Dios.

APOCALIPSIS 13:14

Zacá udxite me binni, ne irá ni ucuaa me lugar guni me nezalú dxa mani ucaná ne espada peru qué ñati que. Ne bicaa me irá binni uzá' ti bidó' chura mani que.

APOCALIPSIS 13:17

Iruti qué ñanda nutoo nin nizí' pa qué gapa seña que, ne nga nga lá mani que o númeru sti'.

APOCALIPSIS 21:18

Naca lindaa que de guie jaspe, ne guidxi que de oro cha'hui casi vidriu ni nayá.

APOCALIPSIS 4:6

Ne nexhe casi lapa nisa ra lu trono que, ruluí' espeju naya'ni'. Nuu tapa bultu nabani cue' trono que, tobi cada ladu, napa stale guielú nezalú ne neza deche.

APOCALIPSIS 5:8

Ne casi unaaze be gui'chi que bizuxibi idapa bultu que ne ca binni gola que nezalú be. Cada binni gola napa ti arpa ne ti braseru de oro dxá de gu'xhu rindá' naxhi. Zeda aca gu'xhu que stiidxa ca xpinni Dios ra uní' né ca laa.