APOCALIPSIS 10:1 - Zapotec Isthmus

¹ Oraque biiya zeda yete sti ángel de ibá', nandxó', renda ti za ne nuu arcu iris ique. Ruzaani lú casi gubidxa ne ruluí' bele ñee.

APOCALIPSIS 10:1 Iomraidhean Croise

Mateo 17:2

Ne raqué mala biiya cabe ma adxé modo bihuinni Jesús purti bizaani lú casi ruzaani gubidxa, ne bihuinni xhaba be casi biaani'.

Lucas 21:27

Oraque zuuya cabe Hombre Biseenda Dios, zeeda lade za de ria'qui biaani ne stale enda nandxó'.

Hechos 26:13

Guca ni bia' galaa dxi, señor rey, ziaa neza, mala biiya ti biaani de ibá' jma ruzaani que gubidxa. Ne bizaani ni laadu, naa ne cani ziniá que.

APOCALIPSIS 1:7

Zuuya tu zeeda be lade za. Ne irá binni zuuya laabe, dede ni bindizi lanza laabe, ne zuuna cabe ora gu'ya cabe laabe. Dxandí zacá zaca ni.

APOCALIPSIS 18:1

Udi'di si irá nga, biiya zeda yete sti ángel de ibá' ni nabé risaca ne dede ria'qui biaani ladi be ne biaani ndaani guidxilayú ra biete be.

APOCALIPSIS 18:21

Oraque uluu ná ti ángel nandxó' ti guie casi guie sti molinu, bindaa ndaani nisadó', ne na: ―Zacaca zalá Babilonia, guidxi ro' que, ne qué zahuinni ru ni.

APOCALIPSIS 20:1

Udi'di si irá nga biiya zeda yete ti ángel de ibá', naaze llave sti dxa bizé ro' que ne ti cadena ro'.

APOCALIPSIS 4:3

Ne ruzaani ni zuba raqué casi ti guie jaspe o cornalina. Naguu ti arcu iris le' trono que, ruluí' guie esmeralda.

APOCALIPSIS 5:2

Ne biiya ti ángel nandxó' cucaa ridxi: ―Tu risaca bia' para uxhele gui'chi ri ne indadi ca sellu stini.

APOCALIPSIS 8:13

Bigueta biya dxie ne bina dia'ga canapapa ti ángel galahui ibá', cucaa ridxi: ―Ria'ya cani nuu ndaani guidxilayú. Nagana zaca para laaca ora uxhidxi xhonna ángel ca trompeta.