APOCALIPSIS 1:6 - Zapotec Isthmus

⁶ Bidxiiba be laanu casi cani runi mandar ne bi'ni be laanu sacerdote para guni nu xhiiña Dios Bixhoze be. Iruti ru nandxó' casi laabe. Cadi guiaana dxí de usisaca binni laabe. Amén.

APOCALIPSIS 1:6 Iomraidhean Croise

Mateo 6:13

Ne cadi udiiu lugar cuba yu binidxaba laadu, sínuque bilá laadu de lu ná be. Purti lii nga jma nandxó' lo' ne jma risaca lu que irá xixé, ne qué ziuu dxi guiaana dxí lu de guni mandar lu'. Amén.

SAN JUAN 5:23

ti usisaca irá binni Xiiñi be casi rusisaca ca laabe. Ne tu qué usisaca Xiiñi be ni biseenda be la? laca qué rusisaca laabe.

ROMANOS 11:36

Purti irá xixé zeeda de laabe, ne pur laabe nuu irá ni, ne para laabe. Ne qué ziuu dxi guiaana dxí de isaca be. Amén.

ROMANOS 15:6

Ne óraque irá tu zusisaca tu Dios Bixhoze Jesucristu Señor stinu, ne zuni tu ni juntu casi ñaca tobi si caní'.

FILIPENSES 2:11

ne iní' ca nezalú irá': “Jesucristu nga Señor”, ne zacá usisaca ca Dios Bixhoze be.

1 TIMOTEO 6:16

Laa ti qué ziuu dxi gati', ne nabé naya'ni ra nuu dede iruti qué zanda idxiña. Nin ti binni guidxilayú qué huayuuya laa ne qué zanda gu'ya laa. Lausisaca laabe purti iruti ru nandxó' casi laabe. Amén.

HEBREOS 13:21

Yanna rinaba lu Dios, ni riguixhe dxí ladxidó' binni, udii laatu irá ni naquiiñe tu para ganda guni tu ni na, ti irá nu aca nu modo racala'dxi aca nu. Ne zanda aca ni purti ma runi cre nu Jesucristu. Cadi guiaana dxí nu de usisaca nu laabe. Amén.

1 PEDRO 4:11

Ni napa gracia para iní' la? güi né binni stiidxa Dios. Ne ni napa gracia para acané stobi la? guni ni bia' stipa ni bidii Dios laa. Ne irá xixé ni guni tu, laguni ni para gusisaca tu Dios purti xhiiña Jesucristu cayuni tu. Cadi guiaana dxí nu de usisaca nu laabe, ne qué ziaana dxí be de guni mandar be.

1 PEDRO 5:11

Laabe qué ziuu dxi guiaana dxí be de isaca be ne guni mandar be. Amén.

2 PEDRO 3:18

Sínuque lauyubi gunibiá' chaahui tu Señor Jesucristu ni bilá laanu, ne laca lauyubi gaca tu nacha'hui casi laabe. Laabe jma risaca be lade irá xixé, ne qué ziuu dxi guiaana dxí be de isaca be. Amen.

APOCALIPSIS 1:9

Hermanu stitu naa ne nuaa nia laatu tobi si ra cayacaná tu ne lu enda runi mandar sti Dios. Ne laca huayacané Jesucristu naa cadi ixhacaladxe', casi cayacané laatu. Biseguyoo cabe naa lu isla Patmos purti canayué stiidxa Dios ne irá ni nanna de Jesucristu.

APOCALIPSIS 20:6

Dichoso cani ibani primé que. Ma bia ladxidó' ca'. Ma qué zanda guniná rairopa enda guti laacabe, sínuque zaca cabe sacerdote para guni cabe xhiiña Dios ne xhiiña Cristu, ne zuni mandar né cabe laa ti mil iza.

APOCALIPSIS 4:11

Señor Dios stidu, lii siou' nga naquiiñe udxi'ba du ne usisaca du ne iní du nandxó' lo'. Purti lii bizá' lu irá xixé ni nuu. Uyá' ni ne nuu ru ni purti nga ni na lu'.

APOCALIPSIS 5:10

Ne bi'ni lu laadu sacerdote para guni du xhiiña Dios, ne rey para guni mandar du binni guidxilayú.