San Lucas 7:16 - Zapotec Yareni

¹⁶ Iyába ka benne se'e niha usibakanie nna ráke: ―¡Gáruba ttipa xxeni ra le Tata Do Yebáha! Lagwi gebari'i chi ulea lo ttu profeta ra xxeni leni. Tata Do Yebáha chi bisiabie kini aka lenie ka benne gebie.

San Lucas 7:16 Iomraidhean Croise

San Mateo 15:31

Laxkala ka benne tupa niha rebanabakanie tti rilákanie ka benne anka biríaha chi renneke, lhe ka benne riyasa ttu lha'a ni'ake o nákeha chi reyakake ida'a, lhe anágaba ka benne ridá natsaha chi redá tseke lhe ka benne xua lokeha chi relákanie lhe. Nianna tti ráke: ―¡Xxeniba ra le Diosi ge ka benne Israel‑ni!

San Mateo 21:11

Ka benne danalhake bieha nna ráke: ―Jesús ge lhe'esi Nazaret nu rena daka Galilea‑niba benne‑ni. Benne‑ni anke profeta ge Tata Do Yebáha.

San Mateo 28:8

Aníha‑ba uka nna jeru tteba deyya ka benne nuilaha beru'unake ro'o yieru baaha, rasibakanie lhe redeakabakanie deyyake gwattixxi'akanie ka benne bedhetinieha.

San Mateo 9:8

Ka benne saa niha, nna uka tébakanie tti bilákanie nu ukaha, nianna tti ráke: ―Xxeniba ra le Tata Do Yebáha de betebie lo neda ge ka benne se'e yiesi lo yu‑ni kini reyoinke ka benne rani.

San Lucas 1:65

Iyába ka benne se'e gaxxa ata do yo'o gekeha nna bebanabakanie. Anágaba ka benne se'e itúba daka iki ka i'iya sia daka Judea‑ni rinnegabake ge iyá nu chi ukaha.

San Lucas 1:68

¡Xxeniba ra le Tata Do Yebáha benne anka Xxana ka benne Israel‑ni, kumu chi bisiabie kini odilábie ka benne gebie!

San Lucas 19:44

Tuttíruba kweki tinnikana lu, itupa lenlu ka benne se'e lhe'elu‑na. Niruba attu íyya laa odha'ankana iki luesini, kumu lu de labí betabinlu tti bisia Tata Do Yebáha odilábie lu.

San Lucas 2:20

Ka benne reki lo ka neruha nna beyekibake deyyake rulhake ge Tata Do Yebáha lhe ráke deki xxeniba ra lebie. Aníha ráke de bebanakanie ge nu biyienkanieha lhe ge nu bilákanieha lhe, kumu ukaba atti tteba chi utixxi'ani anjeliha ke.

San Lucas 24:19

Labie nna bekabie, ree ke: ―¿Bí uka? Lake nna ráke: ―Nu gwate Jesús ge Nazaret‑niba xa. Benneha uke profeta ge Tata Do Yebáha. Yalhá lhe'e unnebie lhe xxeniba anka nu benie arlo Tata Do Yebáha lhe arlo iyába ka benne lhe.

San Lucas 5:26

Iyába ka nu se'e niha bebanabakinna nna itú rasibakinna, rákana: ―Xxeniba ra le Tata Do Yebáha. Nasá chi bilenri'i uka ka elha tsagwi.

San Lucas 5:8

Tti bilani Simón nu tegaba láni Pedro, tti chi bilenna nu chi ukaha, nianna tti bedú xibini arlo Jesús‑ni nna rane: ―¡Ubi'etta kwe'a xa tata! Kumu neti ttu nu runi tulhaba ankaa.

San Lucas 7:15

Benne yattiha nna beyadha ttebe bedoe nna udulo ttebe rinnebie. Nianna tti bote Jesús‑ni benneha len nan geeha.

San Lucas 7:39

Fariseo nu uxina Jesús‑ni lisiniha, tti bilenna nu ruin nuilaha, nianna belaba lhi'u leni rakinna: “Ganna ttixka gwalígin nubiyú re nii deki ankana profeta ge Tata Do Yebáha, la'ania nna gwa ute dálinna nú nuila nuní rigánna latini, ki nuila ruin satsaba nuní.”

San Lucas 8:37

Nianna iyába ka benne se'e itúba daka lo yu ge Gadara, de rasi xxattakanie, de nuha nna unnabake len Jesús‑ni kini eriabie lo yu gekeha nna eyye attu ta subi. Aníha uka nna beta'a Jesús‑ni lhe'e barcuha nna deyye.

San Lucas 9:19

Lake nna bekabike, ráke: ―Ttu chupa ka benne ráke deki lu ankalu Juan benne begadi indaha. Attu a chupake nna ráke deki lu ankalu Elías. Adíke nna redenáke: “Ttu ka profeta use'e itú nu reha‑ba nuná, chi beyaka benna.”

San Juan 1:21

Lakana nna bedennaba tisakana, rákana: ―¿Núla ankalu ganna? ¿Si lu nuná Elías ak? Lee nna bekabie, ree: ―¡Labí neti! Nianna redeakane: ―¿Si lu nuná profeta benne chi ga'anna isiaha ak? Lee nna bedekabie ree: ―¡Labí neti!

San Juan 1:25

Nianna tti unnaba tisakane, rákane: ―Ki ganna labí ankalu Cristu lhe nigaba Elías lhe nigaba profeta nu chi ga'anna isiaha lhe, ¿beakala nna rugadilu ka benne inda ganna?

San Juan 4:19

Nuilaha nna rane: ―Neti rakati profetaba ankalu xa tata.

San Juan 6:14

Ka benneha tti bilákanie milagru ben Jesús‑ni, nianna ráke: ―Benne‑niligaba gwalí anke profeta chi ga'anna isia yiesi lo yu‑ni.

San Juan 9:17

Nianna tti bedennaba tisakana nubiyú uka lo xuaha attu libe, rákana na: ―Lu nna, ¿bíla ralu ge nu bedhalina lolu‑na? Lana nna bekabina, rana: ―Neti ria, ankabana ttu profeta ge Tata Do Yebáha xa.

Hechos 5:5

Tti biyienin Ananías‑ni nu ra Pedruha, nianna ubixxie nna utti ttebe. Iyába ka benne binake ge nu ukuha, yalhá usi xxattakanie.

Hechos 7:37

’Moisés‑nigaba nuha rana ka benne Israel‑ni: “Tata Do Yebaa benne anke Xxanari'iha, benneha unie kini iria ttu profeta lagwi gele attiba neti. [Ge benneha udo nagale.]”

Gálatas 1:24

Laxkala de neti nna ráke: “¡Xxeniba ra le Tata Do Yebáha!”