San Lucas 4:8 - Zapotec Yareni

⁸ Jesús‑ni nna bekabie geni, ree: ―Lo ka yetsi ge Tata Do Yebáha dia ra: “Suna arlo Tata Do Yebaa benne anke Xxanaluha, suna arlo benneha‑ba udú xibilu lhe suna nu innabe uinlu lhe.”

San Lucas 4:8 Iomraidhean Croise

San Mateo 16:23

Jesús‑ni nna beyekie, ree na: ―¡Ubi'etta kwe'a xa nu xxegwi! Sunruba rattalu lo neda kia. Kumu lu suna nu anka ge ka benne se'e yiesi lo yu‑niba do ikilu, labí do ikilu nu anka ge Tata Do Yebáha.

San Mateo 4:10

Jesús‑ni nna bekabie geni ree: ―Nu reha ugía xa nu xxegwi, kumu lo ka yetsi ge Tata Do Yebáha, dia ra: “Sun arlo Tata Do Yebaa benne anke Xxanaluha, sun arlo benneha‑ba udú xibilu lhe suna nu innabe uinlu lhe.”

San Lucas 4:4

Jesús‑ni nna bekabie geni, ree: ―Lo ka yetsi ge Tata Do Yebáha dia ra: “Laa sunruga len yettaxtila aka ben ka benne.”

San Lucas 4:7

De nuha nna ganna si lu udú xibilu arloa nna utsá lolu neti, la'ania nna iyába ka nu chi bele'a‑na akakana gelu.

Santiago 4:7

De nuha nna gwaludo tisa ge Tata Do Yebáha nna nu xxegwiha nna gwaledú disa loni. La'ania nna gudhanba nuha le.

1 Pedro 5:9

Tsitsi gwaledú loni lhe gwaluxxen tsitsi lele ge Tata Do Yebáha. Lebi'i gwa yúbale, luesi elha disa ratele‑nagaba rate ka betsi to geri'i se'e itúba yiesi lo yu‑ni.

El Apocalipsis 19:10

Nianna tti bedú xibia arloe ki utsá loa bie, ttaka benneha nna ree neti: ―¡Bittu uinlu aná! Arlo Tata Do Yebáha‑la bedú xibilu, kumu neti ankagabaa benne rixúa lo sina ge Tata Do Yebáha ttiba lu lhe ttiba adíru ka benne raka betsi to geluha lhe, delába ka benne rudaxxu tsitsike nu utixxi'a Jesús‑ni. Kumu ka tisa utixxi'a Jesús‑ni, ka benneha nuha rudaxxu ni'a ka benne kini rigixxi'ake nu ra Tata Do Yebáha.

El Apocalipsis 22:9

Ttaka benneha nna ree neti: ―¡Bittu uinlu aná! Kumu neti ankagabaa benne rixúni Tata Do Yebáha ttiba lu lhe ttiba ka betsi to geluha lhe, delába ka benne ankake profeta geeha lhe anágaba neti ankagabaa ttiba ka benne rudoke tisa ge nu dia lo yetsi‑ni. Lu arlo Tata Do Yebáha‑la bedú xibilu nna betsá lolue.