San Lucas 3:7 - Zapotec Yareni

⁷ Ixeru ka benne ririake ki rugadi Juan‑ni ke inda, nianna rana ke: ―¡Aalexa nu ruin satsa! ¡Lebi'i ankale ttiba ka belha‑na! ¿Nú chi rana le deki gwalále lo elha disa tsitsi nu chi dabigana ute Tata Do Yebáha gele?

San Lucas 3:7 Iomraidhean Croise

San Mateo 12:34

¡Aalexa nu ruin satsa! Lebi'i ankale ttiba ka belha‑na. ¿Gasina aka gele innele nu anka tse, ki lebi'i nu ruin satsaba ankale? Kumu nu re lhe'e lastobale, nuha‑ba riria ro'ole rinnele.

San Mateo 23:33

’¡Aalexa nu ruin satsa! Lebi'i ankale ttiba ka belha‑na. ¿Gasina uinle ki lhaale kini abittu tsiale lo giha?

San Mateo 3:6

Nianna rigixxi'ake ge ka tulha ruinkeha nna rugadi Juan‑ni ke inda lhe'e yoo Jordán‑ni.

San Juan 8:44

Nu xxegwiha‑ba anka xxudile nna nu raka le nuha‑ba ruinle. Nuha attili sisi'a tteha ankana ttu nu runi elhutti lhe labí ridú tsitsina lo nu anka gwalíha lhe, kumu labí rinnena nu anka gwalí. Tti rinnena nna rinnebana nu ankabana, kumu ruinba leni lhe ankabana xxudi ka nu ruin lekani lhe.

Hechos 13:10

nna rana na: ―¡Aaluxa nu gwen lasi lhe nu ruin iyá looba nu satsa lhe! ¡Lu ankalu xi'ini nu xxegwiha lhe abittuba ru'u lelu uinlu nu dika ixú lhe! ¿Nukala udú siilu abitturu unnittilu neda ge Tata Xisiha?

1 Tesalonicenses 1:10

Anágaba nna se'egabale ubeda Xi'inieha, delába Jesús benne belhidha ben Tata Do Yebáha lo elhuttiha lhe dedábie yebáha kini odilábie ri'i lo elha disa nu si daa; delába elha disa ute Tata Do Yebáha geri'i.

Hebreos 6:18

Kumu labí ruin lebie, gwa ruinbe nu chi rabie unie. Laxkala tti bodha'an tsitsi tisa geeha lhe tti bedetti lábieha lhe, ixpaba ka nuha begwekana lidhaka nu chi reeha. De nuha nna ri'i ka benne chi ubigari'i kwe'ebie kini edíe ri'i, ruxxen tsitsiba leri'i deki gwadíbari'i nu ribedari'i dhiri'iha.

1 Juan 3:8

Ttaka nu ruin tulhaha, ge nu xxegwiha‑ba anka nuha, kumu nu xxegwiha attili sisi'a tteha udulona ruinna tulha. De nuha nna bisia Xi'in Tata Do Yebáha yiesi lo yu‑ni kini betse'e loobie nu ruinnaha.