San Lucas 3:11 - Zapotec Yareni

¹¹ Juan‑ni nna bekabina geke, rana: ―Ganna ttu benne se'e chupa xobie, teeki utebie ttu nuha len attu benne abittu xobie tee; lhe ganna ttu benne tee lena robie, teeki kidhie nuha ugwebie benne abittu gebie tee.

San Lucas 3:11 Iomraidhean Croise

San Mateo 25:40

Neti benne ankaa nu rinnabiaha nna ekabia geke, upeya ke: “Netiru ria, atti bete nále len ttu ka betsi to geri'i, ka benne labí ra xxeni leke, attisidiba len netiba nuha bete nále.”

San Lucas 11:41

Lebi'i nu uinlale, itú iki itú lele gwalute nu tee gele len ka benne abittu geke tee kini aníha nna itú ttele eyarile.

San Lucas 18:22

Tti biyieninie nu ra nuha, nianna bekabie geni, ree: ―Sa riyasabalu uinlu attu nu uinlu: betto'o iyá nu tee gelu nna utidhi belhiu ge nu betto'oluha nna begwe ka benne abittu geke tee. Ganna aníha uinlu nna gwattaba elha tse gelu yebáha. La'anialigaba nna chinka utá, tenalha neti.

San Lucas 19:8

Zaqueo‑ni nna udú liilana rana Jesús benne anke Xxanari'iha: ―Biyúruga xa tata, neti ugwea ka benne abittu geke tee salhe nu tee kia‑ni lhe anágaba lhe ganna si nuxa ttu benne chi bekixaa yani, ttapa lisiala odekia geke.

San Juan 13:29

Kumu de Judas‑ni denna beduti to yu'u belhiu gekeha, laxkala ttu chupake rakakanie ganna raba Jesús‑ni na: “Ugía gwayo'o nu ixuinri'i laní‑ni” o ree na: “Begwe ka benne dii abittu geke tee latti belhiu.”

Hechos 10:2

Nubiyúha lhe iyába ka benne se'e lhe'e lisiniha ankake ka benne rudoruna leke ria leke Tata Do Yebáha lhe rudo tsitsibake tisa gebie lhe. Anágaba Cornelio‑ni yalhá redá leni rutena nu teeba geni len ka benne Israel‑ni, ka benne abittu geke tee lhe anágaba satíaba rilhapina tisa len Tata Do Yebáha lhe.

Hechos 10:31

nianna tti rabie neti: “Cornelio, Tata Do Yebáha chiba biyieninie ge ka tisa rinnelu lenbie lhe chigaba upe kwenta ge nu tse ruinlu de rutelu nu tee gelu len ka benne abittu geke tee.

Hechos 10:4

Cornelio‑ni nna rulanni tsittabana lo anjeliha nna itú rasibinna, rana benneha: ―¿Bí raka lelu xa tata? Anjeliha nna rabie na: ―Tata Do Yebáha chiba biyieninie ge ka tisa rilhapilu lenbie lhe anágaba nna gwa rapabe kwenta ge nu tse ruinlu de redá lelu rutelu nu teeba gelu len ka benne abittu geke tee.

Efesios 4:28

Nu runi ubanaha, bitturu lhanana; kwenlana sina len ni'a náni. Uinna ttu nu dika ixú kini anáchu tee nu utena len ka benne riyasakanie.

1 Timoteo 6:17

Ka nu tee gekani se'e yiesi lo yu‑ni usi kana abittu uinkana ttaba, nigaba uxxen lekani ge elha tse tee gekani, kumu elha tse tee gekinna eyába nuná. Ge Tata Do Yebaa benne anka baniha‑la uxxen lekani. Benneha rutebie iyá tte nu riyasinri'i lhe rute tame geri'i kini ri'i edí baari'i nu ruteeha.

1 Timoteo 6:18

Usi kana uinkana latsiru, uinkana iyá nu anka tse, lhe edá lekani itú iki itú lekani utekana nu tee gekani len ka benne.

Hebreos 6:10

Kumu benneha anke nu runi nu dika ixú. De nuha nna labí rixulhanie ge nu tse chi benle lhe anágaba labí rixulhanie tti bete nále len ka benne chi ankake gebie. Tti benle aníha, elha si'i lasi geeha nuha bele'ele nna aníha‑ba sa diale ruinle nnanna.

Santiago 1:27

Ttaka ganna ute nári'i len ka nuto bidabi to lhe len ka benne nuila bidabi ttixka ruyúke ttu bixa elha disa lhe anágaba ganna abitturu uinri'i nu satsa raka yiesi lo yu‑ni, nu uinri'iha nuha nu gwalíga anka tse lhe nu gwalíga ru'u le Xxudiri'i do yebáha lhe.

Santiago 2:14

Betsi to kia, ganna ttixka ttu benne innee: “Neti gwa riaba lasia ge Jesús‑ni”, ttaka ganna benne rinneha abíba runie latsiru, la'ania nna labí ixú nu rinneeha. Lebi'i nna, ¿bí rale? ¿Si gwa rudhaka lele deki ukare'aba chi ra benneha: “Neti gwa riaba lasia”, la'ania nna chiba odilá Tata Do Yebáha benneha?

1 Juan 3:17

Ganna nuxa ttu benne tee gebie nna riláxanie attu betsi to geri'i risá lo xxatte, benne tee geeha nna labí ratua lebie benneha kini utebie nu riyasanie, benne runi aníha labí do elha si'i lasi ge Tata Do Yebáha lhe'e lasto benneha.

1 Juan 4:20

Ganna nuxa ttu benne innábie: “Neti gwa rakabati ge Tata Do Yebáha”, ttaka ganna sa ritisibanie attu benne, la'ania nna ruinba le benneha. Kumu, ¿gasina akanie ge Tata Do Yebaa benne abí rilánieha, ki benne du kwe'eha gwa rilálanie benneha nna a rakanie gebie?