San Lucas 23:2 - Zapotec Yareni

² Nianna udulokana besiakana ikie, rákana: ―Nubiyú du nii gwaxxakatu na rekina ruchixxina iki ka benne getu‑ni lhe rusunana uteke belhiu nu ruteri'i len César nu rinnabia xeniha. Anágaba nna rana deki lana ankana Cristu nu rinnabia.

San Lucas 23:2 Iomraidhean Croise

San Mateo 17:27

Ttaka ki abittu ituxxukinna nna, ugía ro'o indatoo‑na nna bedelha yexxa nu rudaxxu belha‑na. Belha nu udaxxulu sisi'a tteha nna ixxálu ro'oni. Ro'o belhaha saxxakalu ttu belhiu. Bedaxxu belhuha nna ugía gwatixa gelu lhe gwatixa kia lhe.

San Mateo 22:21

Lakana nna bekabikana, rákana: ―Lá César nu rinnabiaha‑ba nuní. Nianna ree kana: ―Ganna aníha nna gwalugweba César‑ni nu anka geni nna Tata Do Yebáha nna gwalugwegabe nu ankaba gebie.

San Mateo 27:11

Jesús‑ni nna bisin lenkane arlo Pilato nu rinnabiaha. Nuha nna unnaba tisane, rane: ―¿Si lu ankalu nu rinnabia ge ka benne Israel‑ni? Lee nna bekabie geni, ree: ―Luba chi ra deki nuná ankaa xa.

San Marcos 12:17

Nianna bekabi Jesús‑ni, ree kana: ―Ganna aníha nna gwalugweba César‑ni nu anka geni. Anágaba Tata Do Yebáha nna gwalugwegabe nu anka gebie. Nianna bebanabakinna gebie.

San Marcos 15:2

Pilato‑ni nna unnaba tisane, rane: ―¿Si lu nuní ankalu nu rinnabia ge ka benne Israel‑ni? Labie nna bekabie geni, ree na: ―Luba chi ra deki nuná ankaa xa.

San Lucas 23:14

Nianna tti rana kana: ―Lebi'i betega'ale nubiyú du nii loa, rusiale ikini rale deki rekina rutsatsana ka benne lhe'esi‑ni. Ttaka neti nna arlobale chi unnaba tisaa na nna labí gwaxxakaa deki ruinna nu rusiale ikinna.

San Lucas 23:5

Ttaka lakana nna doelhaba ruinkana, rákana: ―Rekina rutsatsana ka benne. Itúba daka Judea‑ni rekina rule'enna ke nu yuna. Udulona daka Galilea‑ni nna axtaba bisiana nii.

San Juan 18:29

Nianna tti biria Pilato‑ni ata se'ekanaha nna rana kana: ―¿Bí ge nuní rusiale iki nubiyú‑ni?

San Juan 18:30

Lakana nna bekabikana geni, rákana na: ―Gannala ttixka abittuba ankana ttu nu ruin satsa, la'ania nna abittula bisia lentu na arlolu ganna ttixka.

San Juan 19:12

Debá la'ania ruin Pilato‑ni odilána Jesús‑ni, ttaka ka nu Israel‑ni ribesi'abakana, rákana: ―Ganna odilálu nuná, la'ania nna labí gwalí do tse lenlu César benne rinnabia xeniha, kumu iyába ka nu uinkana deki xxenirula ra lekani tti César‑ni, tti uinkana aníha, rigu'uba ni'akani benneha.

Hechos 24:13

Anágaba lhe labí tee bixa ule'ekana deki gwalí benia nu rusiakana ikia‑ni.

Hechos 24:5

Ri'itu gwaxxakatu nubiyú du nii rekina rutsetsinna ka benne nna iyába ata rekina rilha'ana lhe'e luesi ka benne Israel‑ni. Lana ankana nu loni ge ttu dhi ka nu tee lákani nazareno.

Romanos 13:7

Gwalikixa iyá nu daa lole kixale len ka nu rinnabia‑na: ganna daa lole kixale belhiu nu riden nári'i ge yiesi, gwalikixa nuná nna ganna se'e ka nu ralhakana tsia lele kana, gwaltsia lele kana nna ganna se'e ka nu ralhakana ugwele lidhakakani, gwalugwe lidhakakani.