San Lucas 2:10 - Zapotec Yareni

¹⁰ Ttaka anjeliha nna ree ke: ―Bittu gasinle, kumu neti daya ugixxi'en le ttu tisa tse, tisa nu dika odú ittana le iyába ka benne.

San Lucas 2:10 Iomraidhean Croise

San Mateo 14:27

Ttaka Jesús‑ni nna unne ttebe, ree ke: ―Tsitsi gwalikweki lele; bittu gasinle. Netiba nuní.

San Mateo 28:18

Jesús‑ni nna ubige ata se'ekeha nna ree ke: ―Tata Do Yebáha chiba betebie lo neda len neti kini innabiaya yebáha lhe yiesi lo yu‑ni lhe.

San Mateo 28:5

Anjeliha nna unnebie, rabie ka benne nuilaha: ―Bittu gasinle, kumu neti gwayúbaa deki lebi'i regilale Jesús ge Nazaret benne betákana lo ya kurusiha.

San Marcos 1:15

Nianna ree ka benneha: ―Chiba gwa dona sá ga'anani Tata Do Yebáha lhe chigaba dabigana innabie. De nuha nna gwalodúna le nna gwaltsia lele ge ka tisa geeha.

San Marcos 16:15

Nianna tti ra Jesús‑ni ke: ―Gwaltsia itú tte yiesi lo yu‑ni nna gwalikixxi'ani iyá ka benne ka tisa ge Tata Do Yebáha.

San Lucas 1:13

Ttaka anjeli ge Tata Xisiha nna rane: ―Zacarías, bittu gasinlu kumu Tata Xisiha chiba biyieninie ge nu rinnabalu lenie, de nuha nna benne nuila gelu, Elisabet‑ni, chi utebie ttu xi'inlu. Nutoha nna kixxalu lábi Juan.

San Lucas 1:19

Anjeliha nna bekabie nna ree: ―Neti láya Gabriel. Doa rixúa runia nu ra Tata Do Yebáha. Labie udhelhe neti kini inne lania lu, kixxi'ania lu ka tisa tse.

San Lucas 1:30

Ttaka anjeliha nna rabie na: ―María, bittu gasinlu, kumu Tata Do Yebáha‑ba aka lenie lu.

San Lucas 2:11

Lhe'esi ata uli David‑ni, nasá chi uli ttu benne ki odilábie ka benne. Labie anke Cristu lhe anke Xxanari'i lhe.

San Lucas 24:47

Anágaba nna rixxi'agaba ra deki teeki tsiakana innekana kwenta gebie, kixxi'akinna ka benne deki teeki odúna ke nna odaxxuke neda ge Tata Do Yebáha, kini anáchu nna ixú elha xen lasi ge ka tulha ruinke. Dhulokana kixxi'akana lhe'esi Jerusalén‑ni, nianna tti tsiakana lhe'e iyába ka yiesi se'e itúba yiesi lo yu‑ni.

San Lucas 8:1

Iki de nuha nna ugwekiru Jesús‑ni len iyába ka benne tsi'inu (12) rudhetinieha lhe'e iyába ka yiesi se'e niha. Rigixxi'e ka tisa tse, delába rigixxi'e gasina ki akake ka benne innabia Tata Do Yebáha ke.

Hechos 13:32

lhe anágaba ri'itu rigixxi'agabintu le ge benneha. Rigixxi'entu le ge nu chi ra Tata Do Yebáha ka benne ukake xuttori'iha deki unie ttu bixa len lebi'i.

Romanos 10:15

Lhe, ¿gasina tsiake ugixxi'a ka tisa ge Tata Xisiha, ganna anúba tee idhelhana ke? Akaba attiba raba lo ka yetsi ge Tata Xisiha ata dia ra: “¡Gáruba lhe'e ule'e ganna chi isia ka benne rekike ugixxi'a ka tisa ge Tata Xisiha!”

Efesios 3:8

Meskila neti labí dakaa, tuttíruba gwexxa dua delo iyá ka benne chi biriesike ki akake ge Tata Do Yebáha, ttaka len netila bedá lebie betebie elha tse kia kini kixxi'ania ka benne abittu ankake nu Israel, delába kixxi'ania ke ge nu anka xxatta tse rute Cristuha geri'i,

Colosenses 1:23

Aní aka ganna lebi'i tsia tsitsi lele lhe tse'e tsitsile lo neda gebie lhe, anágaba uxxen lele ge nu ra ka tisa tse biyieninle ge Cristuha, abittu udhanle ke. Ka tisa‑ni nuní chi ugwadhi itúba yiesi lo yu‑ni nna neti Pablo ankaa benne rigixxi'aya ke.