San Lucas 16:3 - Zapotec Yareni

³ Nu ren sinaha nna belaba tteba leni, rana: “¿Bíla anka nu unia ganna? Nnanna abíruba sina kia ute nu anka xxanaa‑ni, neti nna labíru lheaka ankaa ki kwenia ka lo yu. Gwea nna rettulati tsekia innabaa belhiu.”

San Lucas 16:3 Iomraidhean Croise

San Mateo 20:8

Atti chi ulha sáha nna ra xxana yuha nu baninna ka nu riben sinaha: “Beyaxi ka nu yu'u sina‑na nna begwekana lhiaxakani. Dhulolu len ka nu bisia bitoha nna ulhuxalu len ka nu bisia dila tteha.”

San Marcos 10:46

Bisinba Jesús‑ni lenie ka benne rudhetinieha lhe ixe juisiru ka benne lhe'esi Jericó. Tti chi deyyake eriake lhe'esiha, ro'o neda deyyakeha re ttu nubiyú a raka ilenna, rinnabana belhiu. Nubiyúha lána Bartimeo. Bartimeo‑ni ankana xi'in ttu benne tee lábie Timeo.

San Lucas 12:17

Nianna belaba lhi'u leni, rana: “¿Galasina unia ganna? Labí doti gaxa oga'aya iyá lena kia‑ni.”

San Lucas 16:2

Xxana sinaha nna uxina nubiyúha, rana na: “¿Bíunna rákana ruinlu? Loora tte nnanna raka lasia kixxi'enlu neti ttixa rudhálu sina kia‑na, kumu neti labíru raka lasia kwenlu uyúlu nu tee kia.”

San Lucas 16:20

Udogaba ttu benne utta lábie Lázaro; uke ttu benne dii nna ubia xxatta yiesu itúba latie. Benneha ridobie ro'o lisi nu tee xxatta geniha

San Lucas 16:22

Ttu sá nna uttiba benneha nna ka anjeli ge Tata Do Yebáha nna betexíbake bie nna besine kwe'e Abraham‑ni. Nubiyú utta xxatta geniha nna uttigabana nna bigatsibana.

San Lucas 16:4

Nianna rana: “Chi yua bí unia kini ganna chi uchúna neti sina, la'ania nna chi tse'e ka benne gaxike neti lisike.”

San Lucas 18:4

Isába gwadána, labí bedo naga xuedaha ge benne nuilaha. Ttaka delola nna belaba leni, rana: “Meskiba a ria lasia Tata Do Yebáha lhe meskiba a ria lasia ka benne lhe,

San Juan 9:8

Ka benne se'e gaxxaba ata do benne uka lo xuaha lhe ka benne chi bilákanie ridoe rinnabe belhiu, ka benneha ra luesike: ―¿Laaba nuníba nuha ridona rinnabana belhiu?

Hechos 3:2

Ro'o yotuha do ttu nubiyú anka xii ka ni'ani. Aníha‑ba ankana attili ulinaha nna ttu ttu sába radokana na daka ata du puerta nu tee láni Puerta Nu Anka Latsiru. Radokana nuha niha kini rinnabana belhiu len ka benne ra'a lali'a ge yotuha.

Hechos 9:6

Lana nna itú rixidibana de rasi xxattinna, nianna tti unnena rana: ―Tata Xisi to, ¿bí raka lelu unia? Labie nna ree na: ―Beyadha nna uta'a lhe'e yiesi‑na. Lhe'e yiesi‑na kixxi'akinna lu bixa anka nu uinlu.

2 Tesalonicenses 3:11

Ratu aní kumu chi binatu ge ttu chupale bittiba ruinle rekile, labí bixa sina ruinle, sun tteruba rekile ruga'a ro'ole ata labí ralhale innele.