San Lucas 16:2 - Zapotec Yareni

² Xxana sinaha nna uxina nubiyúha, rana na: “¿Bíunna rákana ruinlu? Loora tte nnanna raka lasia kixxi'enlu neti ttixa rudhálu sina kia‑na, kumu neti labíru raka lasia kwenlu uyúlu nu tee kia.”

San Lucas 16:2 Iomraidhean Croise

San Mateo 12:36

Ttaka neti ria le, ganna chi bisia sá uin Tata Do Yebáha elhuxtisi ge ka benne, la'ania ge iyába ka tisa a ixú unnekeha, kixxi'ake.

San Mateo 20:8

Atti chi ulha sáha nna ra xxana yuha nu baninna ka nu riben sinaha: “Beyaxi ka nu yu'u sina‑na nna begwekana lhiaxakani. Dhulolu len ka nu bisia bitoha nna ulhuxalu len ka nu bisia dila tteha.”

San Lucas 12:20

Ttaka Tata Do Yebáha nna ree na: “¡Aaluxa nu akaa elha rieni ikini! Loolha‑ni tteba gattilu nna nu tua tsenlu‑na nna, ¿núla ge nuná?”

San Lucas 12:42

Jesús‑ni nna ree na: ―¿Laaba ganna nu rudo tsitsina tisa ge xxananiha lhe ruinna attiba ankaba geni, laaba ganna lana nuha bodha'an xxananiha na ki uyúna adí ka nu riben sina lhe'e lisi nuha lhe kini ugona ka nuha ura geni lhe?

San Lucas 16:1

Jesús‑ni nna utixxi'agabanie ka benne rudhetinieha, ree ke: ―Udo ttu nubiyú utta xxatta geni. Nianna udogaba ttu nu uren sina geni. Nuha biyúna iyába nu tee geniha. Nianna ugía ka benne gwattixxi'akanie nu anka xxana sinaha, ráke nuha: “Nu ren lo sina geluha, kwentaba rutse'e loona nu tee geluha.”

San Lucas 16:3

Nu ren sinaha nna belaba tteba leni, rana: “¿Bíla anka nu unia ganna? Nnanna abíruba sina kia ute nu anka xxanaa‑ni, neti nna labíru lheaka ankaa ki kwenia ka lo yu. Gwea nna rettulati tsekia innabaa belhiu.”

Romanos 14:12

Laxkala kua ttu tturi'i, arlo Tata Do Yebáha otso duri'i nu benri'i.

1 Corintios 1:11

Xpeya le aní xa betsi to kia, kumu ka benne se'e lhe'e lisi Cloé‑ni chi utixxi'akanie neti deki lebi'i se'e tilhabale.

1 Corintios 4:2

Aná nna ri'itu ka benne rule'etu ka tisa ge Tata Do Yebáha teeki akatu ka nu rudotu tisa.

1 Corintios 4:5

Laxkala abittu iyubaxxinle innele. Axtaliba ganna chi esia Jesús benne anke Xxanari'iha yiesi lo yu‑ni, la'anialiba nna unie kini ilá nu raka gatsiha lhe kixxi'e nu rulaba le ka benne lhe. La'aniagaba nuha kua ttu ttu ka benne kwea tse Tata Do Yebáha ke ge nu tse benke.

2 Corintios 5:10

Kumu iyábari'i teeki eso duri'i arlo Cristuha kini unie elhuxtisi geri'i nna kua ttu tturi'i dhiri'i nu ralhari'i ge nu benbari'i tti use'eri'i yiesi lo yu‑ni, sila benri'i nu tse o sila benri'i nu satsa.

1 Timoteo 4:14

Abittu uxxulha lelu a ixuinlu elha tse rapalu‑na. Nuná bete Tata Do Yebáha lenlu tti uxxua ná ka benneola geri'iha ikilu nna utixxi'akanie lu nu ra Tata Do Yebáha deki uinlu.

1 Timoteo 5:24

Se'e ka benne rilá loo tteba tulha ruinke atti lanila iso duke aka elhuxtisi geke. Ttaka se'e adíke nna deloliba rilá loo ge nu ruinkeha,

1 Pedro 4:10

Kua ttu ttule ixuinle elha tse rutebie gele kini ute nále len adíru ka benne kumu Tata Do Yebáha ixe looba elha tse redá lebie rutebie geri'i. Ganna aníha uinle, la'ania nna gwa rixú tsebinle nu betebie gele.

1 Pedro 4:5

Ttaka ka nuná teeki otso dúkana nu ruinkana arlo Tata Do Yebáha. Benneha chi do tsebie kini unie elhuxtisi ge ka nu chi uttiha lhe unie elhuxtisi ge ka nu sa se'e bani lhe.

El Apocalipsis 20:12

Bilágabati ka benne chi uttiha, ka benne ra xxeni leke lhe ka benne abittu ra xxeni leke lhe, se'eke arlo xxila ata do Tata Do Yebáha rinnabie. Nianna tti biyali lo ka libru se'e ata doeha nna biyaligaba lo attu libru, delába libru ata dia lá ka benne aka benke ttu dia lii arlo Tata Do Yebáha. Ka benne yattiha nna ukaba elhuxtisi geke attiba raba lo ka libruha kua nu benba ttu ttuke.