San Lucas 15:8 - Zapotec Yareni

⁸ Nianna redenágabe: ―Uindiri'i ganna ttu benne nuila tee tsii ka belhiu dinni gebie, nianna udelhe ttu ka nuha, ¿laaba ganna teeki ugalhe iki ttu gi lhe olhuba te xeabie lhe'e yo'oha kini egile nuha, axtaliba ki eselanie na?

San Lucas 15:8 Iomraidhean Croise

San Mateo 5:15

Nigaba lanú ttu benne do rugalhe iki ttu gi nu rudani, delo nna ukatsie ikini len ttu almoti. ¿Laaba ganna udole giha gwetsá kini udenna ge iyá ka benne se'e lhe'e yo'oha?

San Lucas 15:7

Nianna ra Jesús‑ni: ―Neti ria le: Gattarula elha gwedeaka lasi yebáha ganna ttixka ttu benne runi tulha odúne nna odaxxue neda ge Tata Do Yebáha, gattarula elha gwedeaka lasi ge benneha attichula ge tta bixxi chennia (99) ka benne ruinke latsiru nna labí riyasa odúna ke nna odaxxuke neda ge Tata Do Yebáha.

San Lucas 15:9

Ganna chi beselanie belhuha, la'ania nna tti talise adíru ka luesi nuilee lhe ka benne se'e gaxxa ata doeha lhe, nianna gabie ka benneha: “Gwaledeaka tenle len neti kumu chiba beselati belhiu bedelhaaha.”

San Lucas 19:10

Kumu neti, benne daya yebáha, daya ugila ka benne abittu chi se'eke lo neda ge Tata Do Yebáha lhe daya gwedilaa ke lhe.

San Juan 10:16

Se'erugabati adí ka neru ka nu labí chi selakana ka nu se'e nii. Anágaba ka nuha rakagaba doelha taxía kana nna gwayienbakinna tsi'a. Gwanka suna ttu dhiba eyakakana lhe ttúba benne tsekie lokani lhe.

San Juan 11:52

Anna laa sun ge ka benneha‑ga kixe, anágaba kixagabe ge iyá ka benne chi ankake xi'in Tata Do Yebáha, delába ka benne se'e gatti gattiba, ki ottupe ke nna eyakake ttúba.

Hechos 19:19

Ixegaba ka nu benkana ge elha gwesá, ka nuha bottupakana ka libru ka nu bedhetikanaha nna bettekana ka nuha lo gi arlo iyába ka benne tupa niha. Tti uleakana lidhaka ka libruha nna gwalhenna ge ka nuha ttiba tsieyona (50) mili belhiu plata.

Efesios 2:17

Bitee utixxi'anie le lebi'i ka nu abittu use'ele gaxxa len Tata Do Yebáha la'ania lhe anágaba len ri'itu ka nu use'etu gaxxa lenie, utixxi'agabanie ri'itu gaxasina ese'e tse len luesiri'i.