San Lucas 12:1 - Zapotec Yareni

¹ Laka du Jesús‑ni niha nna risiaru ixe juisiru ka benne nna ruleaniba luesike. Nianna tti uduloe rinnebie, lade'axa rulise ka benne rudhetinieha, rabie ke: ―Gwaluyú gele ka iyietile nu satsa ruin ka fariseo‑ni, kumu lakana rise'ekana rákana: “Aní uinle”, ttaka lakana nna nu subila ruinkana. Ruinbakana ttiba ruin kua dii ria iki yiedi raka yettaxtila. Nuha lhe'e itúba kuaha rilhidhana. Aníha‑gaba nuná ruin ka fariseo‑ni; iyába ka benne runnittikana.

San Lucas 12:1 Iomraidhean Croise

San Lucas 11:44

’¡Gwalíchi lele, lebi'i ka nu rule'enle ka benne nu ra lo bia bennabi bodha'an Moisés‑ni lhe lebi'i ka fariseo lhe! Lebi'i ankale attiba ttu baa abittu rilána tena, laxkala meskiba rite ka benne ruleake loni nna labí yuke bixa yu'u lhi'u yu.

San Lucas 12:56

¡Aalexa nu rigí xú loni! Gwa rite dábinle nu raka yiesi lo yu‑ni lhe nu raka gwetsá lhe; delo nna a rite denle nu raka nnanna.

San Lucas 5:1

Ttu lidú do Jesús‑ni ro'o indatoo ge Genesaret. Yalhá ixe ka benne tupa niha, axtaba rukí ya'ake bie de raka leke iyienkanie ka tisa ge Tata Do Yebáha.

San Lucas 5:15

Ttaka meskiba besuna Jesús‑ni nna adíla ugwadhi tisa ge nu runieha. Laxkala ixe ka benne ritupake kini rudo nagake gebie lhe ki reyonie ke ge bixaba isagwe ridakake.

San Lucas 6:17

Tti beyadi Jesús‑ni len ka apóstol geeha iki i'iyaha, nianna tti betelede ttu latsi re niha. Niha chi tupa adíru ka benne rudhetinieha lhe ixe juisiru ka benne lhe, ka benne daba itúba ka daka Judea lhe ka benne daba lhe'esi Jerusalén‑ni lhe ka benne daba itúba ka daka ro'o indatoo ge Tiro lhe Sidón lhe. Bisia ka benneha kini udo nagake ge Jesús‑ni lhe anágaba ki eyonie ka isagwe ridakakeha lhe.

Hechos 21:20

Ka benneha nna tti biyienkanie nu ranaha, nianna tti ráke: ―¡Xxeniba ra le Tata Do Yebáha! Nianna tti ráke na: ―Yúruga xa betsi to, ixe juisiru ka nu Israel chi ria lekani ge Jesús‑ni, ttaka iyábakana rákana deki teeki udo tsitsiri'i tisa ge bia bennabi bodha'an Tata Do Yebáha len Moisés‑ni.

1 Corintios 15:3

Kumu neti lade'a tte utixxi'ania le nu bela'abakanie neti. Bela'akanie neti deki Cristuha uttie utixe ge ka tulha geri'i atti tteba chi ga'anna lo ka yetsi ge Tata Do Yebáha,

Hebreos 12:22

Ka nu Israel‑ni kwe'e i'iya Sinaí‑niba ubigakana, ttaka lebi'i nnanna chi ubigale kwe'e i'iya nu tee láni Sión ata re yiesi ge Tata Do Yebaa benne anka baniha, delába ubigale kwe'e Jerusalén nu re yebáha ata tupa ixe juisiru ka anjeliha rulhake gebie.

Santiago 3:17

Ttaka benne rape elha rieni rute Tata Do Yebáha, benneha labí anke nu ruin satsa. Ankalee ttu benne rukenie lhe anke ttu benne re tse lebie lhe anágaba ankagabe ttu benne re yusi lebie lhe satíaba ratua lebie ka benne lhe anágaba ankagabe benne runi latsiru lhe benne runi tu tulapa len ka benne lhe anágaba ankagabe benne itú iki itú lebie runie ttu bixa, labí delo tisaba runie nuha.

1 Pedro 2:1

De nuha nna lebi'i chinka gwalikua iyá nu satsa ruinle lhe iyá gwen lasi rinnele lhe. Anágaba chinka gwalikua iyá nu delo tisaba ruinle deki ankale benne tse lhe anágaba gwalikuagaba nu risin luesile lhe iyá nu rinne ge luesile lhe.