San Lucas 11:2 - Zapotec Yareni

² Jesús‑ni nna ree ke: ―Tti innele len Tata Do Yebáha, aní innále: Tata, ri'itu rugwetu lidhakalu kumu ankalu Diosi. Utá, unnabia ri'itu.

San Lucas 11:2 Iomraidhean Croise

San Mateo 10:32

’Nuxaba benne ganna dhi ro'e arlo ka benne deki gwa riaba lebie neti, anágaba neti arlo Tata kia do yebáha gwadígaba ro'a deki gwalíbanie ria lebie neti,

San Mateo 3:2

ree ka benne: ―Gwalodúna le nna gwalodaxxu neda ge Tata Do Yebáha kumu chiba dabigana innabie.

San Mateo 5:16

Anágaba lebi'i latsiru gwaluni, kini elha ruin gele akana ttiba ttu xiani, kini anáchu tti iláni ka benne nu tse ruinleha, la'ania nna innáke: “Xxeniba ra le Tata gele do yebáha.”

San Lucas 11:1

Ttu lidú do Jesús‑ni ata rilhapie tisa len Tata Do Yebáha. Tti chi uluxanie unnebie len benneha, nianna tti ra ttu ka benne rudhetinieha bie: ―Tata, bele'enttu ri'itu kini aka getu innetu len Tata Do Yebáha ttiba ben Juan‑ni bele'enie ka benne bedhetinieha.

Romanos 1:7

Ridhelhaa yetsi‑ni len iyá ttele, lebi'i ka benne rakani Tata Do Yebáha gele se'ele lhe'esi Roma‑na. Labie uxie le kini akale gebie. Xxudiri'i do yebáha lhe Jesucristu benne anke Xxanari'iha lhe, lake edá leke aka lenke le lhe use'eke le xen su lasi lhe.

Romanos 8:15

Kumu Espíritu bete Tata Do Yebáha gele, benneha labí uxílee kini oga'abie le lo elha rasi‑na attu libe, sinuki uxílale benneha kini akale xi'in Tata Do Yebáha, kumu de Espírituha nna rinneri'i rulisari'i Tata Do Yebáha, rari'e: “¡Tatoo!”

1 Corintios 1:3

Xxudiri'i do yebáha lhe Jesucristu benne anke Xxanari'iha lhe, lake edá leke aka lenke le lhe use'eke le xen su lasi lhe.

2 Corintios 1:2

Xxudiri'i do yebáha lhe Jesucristu benne anke Xxanari'iha lhe, lake edá leke aka lenke le lhe use'eke le xen su lasi lhe.

Gálatas 1:4

Jesucristuha betebie elha nabani geeha, kini uttie utixe ge ka tulha nujari'i. Aníha kini bodilábie ri'i lo nu satsa raka yiesi lo yu‑ni. Benbe attiba ukaba le Tata Do Yebáha, delába benne anke Xxudiri'iha.

Efesios 1:2

Xxudiri'i do yebáha lhe Jesucristu benne anke Xxanari'iha lhe, lake edá leke aka lenke le lhe use'eke le xen su lasi lhe.

Filipenses 1:2

Xxudiri'i do yebáha lhe Jesucristu benne anke Xxanari'iha, lake edá leke aka lenke le lhe use'eke le xen su lasi lhe.

Filipenses 4:20

Tata Do Yebaa benne anke Xxudiri'iha, benneha inná xxeni lebie ttu dia lii. Amén.

Colosenses 1:2

ridhelhatu yetsi‑ni gele, lebi'i xa betsi to kia se'ele lhe'esi Colosas‑na. Lebi'i nuná chi ulesi Tata Do Yebáha le kini akale gebie lhe anágaba rudo tsitsibale tisa gebie de chi babale len Cristuha. Xxudiri'i do yebáha lhe Jesucristu benne anke Xxanari'iha lhe, lake edá leke aka lenke le lhe use'eke le xen su lasi lhe.

1 Tesalonicenses 1:1

Neti Pablo, lenia Timoteo‑ni lhe Silvano‑ni lhe, ridhelhatu yetsi‑ni gele, lebi'i ka benne ritupale lhe'esi Tesalónica‑na de chi ankale ge Xxudiri'i do yebáha lhe ge Jesucristu benne anke Xxanari'iha lhe. Lake edá leke aka lenke le lhe use'eke le xen su lasi lhe.

1 Tesalonicenses 1:3

Arlo Tata geri'i do yebáha satíagaba rexxa letu ge iyá tte nu ruinle de chi ria lele ge Jesucristuha. Rexxagaba letu ge nu tse ruinle de rakinle ge ka benne, lhe anágaba de labí rudhanle satíaba ruxxen lele ge Jesucristu benne anke Xxanari'iha.

2 Tesalonicenses 2:16

Xxudiri'i do yebáha bedá lebie ukanie geri'i lhe ttu tsaba uleki tsitsie leri'i lhe, anágaba runie kini ruxxen leri'i deki gwadíbari'i nu tse utebie.

El Apocalipsis 11:15

Anjeli gasiha nna bekwesie trompeta geeha. Nianna tti biyieni tsi'i ka benne yebáha rinneke idisa, ráke: Yiesi lo yuha chiba aka nuha yiesi innabia Tata Do Yebaa benne anke Xxanari'iha lhe ankana yiesi innabia Cristu benne chi ga'anani Tata Do Yebáha kini odilábie ka benne. Lee innabie ttu dia lii.

El Apocalipsis 15:4

Iyá xeaba ka benne gatta elha rasi geke len lu xa Tata lhe iyábake innáke: “Xxeniba ra lelu.” Kumu sunruba lu ankalu benne nari xú, labí tulha ruinlu. Ka benne se'e lhe'e iyába ka yiesi se'e yiesi lo yu‑ni, itake nna udú xibike arlolu, kumu chiba bilákanie ruinbalu attiba ankaba geni.

El Apocalipsis 19:6

Biyiengabati tsi'i attu benne unnebie. Riyien tsi'ibie attiba riyieni tti rinne ixe juisiru ka benne lhe ttiba riyieni tti riginni idila inda lo ttu benunni lhe. Anágaba riyiengaba tsi'e ttiba riyieni tti ru'u be tti ratsa xxatta. Benne unneeha, ree: ¡Aleluya! Kumu Tata Do Yebaa geri'i‑ni, benne‑ni ra tsitsi xxatta lebie lhe benne‑ni anke Xxanari'i lhe, benne‑ni chi rinnabie.

El Apocalipsis 20:4

Nianna tti bela'ati ka xxila ata rise'e ka benne rinnabiake. Lo ka nuha se'e ka benne chi uxíke lo neda kini uinke elhuxtisi. Bilágabati ka benne urú bega ikike de utixxi'ake ge Jesús‑ni lhe de utixxi'ake ka tisa ge Tata Do Yebáha lhe. Ka benneha nuha labí bedú xibike arlo nimala biria lhe'e indatooha lhe nigaba arlo mentu geniha lhe, nigaba a uxielhake tsu'u seña ge nuha lo xeake lhe nigaba náke lhe. Ka benneha nuha bela'ati beyaka benke nna unnabiake len Cristuha lo ttu mili ida.