San Lucas 10:7 - Zapotec Yareni

⁷ Lhe'e yo'o ata isinleha, niha‑ba gwaltse'e, lhe anágaba gwali'aba lhe gwaligoba nu uteke, kumu ttu benne riben sina ralhaba benneha dhibie nu goe. Aná nna bittu eriale ttu yo'o nna sadita'ale attu yo'o.

San Lucas 10:7 Iomraidhean Croise

San Marcos 6:10

Rágabe ke: ―Gaxaba lhe'e yo'o ata isinle, niha‑ba gwaltse'e. Axtaliba ganna chi eriale lhe'esiha, la'anialiba nna edále lhe'e yo'o ata bisinleha.

San Lucas 10:6

Ganna lhe'e yo'oha se'e ka benne gwa raka leke tse'e tseke len Tata Do Yebáha, la'ania nna gwakaba nu rale ka benneha. Ttaka ganna abíba nna la'ania nna labí aka nu unnabaleha.

San Lucas 9:4

Gaxaba lhe'e yo'o isinle, niha‑ba gwaltse'e, edálibale nna eriale niha.

Hechos 16:15

Tti chi ugía leniha nna udi ttebana inda lenna iyába ka benne geniha. Nianna tti unnabana lentu, rana: ―Ganna rale deki gwalíga chi ria lasia ge Jesús benne anke Xxanari'iha, nnanna nna gwaletá gwaleya'ana lhe'e lisia ganna xa. Nianna doelhaba benna kini beya'antu lhe'e lisiniha.

Hechos 16:34

Nianna tti dechena ka Pabluha lisiniha begona kana yetta nna yalhá itta bedú leni itupa lenna iyába ka benne se'e lhe'e yo'o geniha de chi ugía lekani ge Tata Do Yebáha.

Hechos 16:40

Tti beria Pabluha lenna Silas‑ni lhe'e lisiyyaha, nianna deyya ttebake besinke lisi Lidia‑ni. Iki de chi unne lenke ka betsi to geri'i se'e niha lhe bodú ittake le ka benneha lhe, nianna tti bedáke deyyake.

Gálatas 6:6

Nu rudheti ka tisa ge Tata Do Yebáha, nuha daa loni utena bixaba nu tee geni len benne rule'enie na ka tisaha.

1 Timoteo 5:13

Anágaba nna ridetigabakana rakakana nu lea lhe rakakana nu dataa lhe reriakana ttu yo'o nna radita'akana attu yo'o. Anna laa suna nu learuga reyakakana, anágaba nna rekigabakana gwette tisa a ixú lhe ruga'a ro'okani ata labí ralhakana innekana lhe anágaba rinnegabakana nu labí dika innekana.

2 Timoteo 2:6

lhe anágaba ganna ttu nubiyú regu'elha leni ribenna sina lo ka yuha, lana nuha lade'a tte edína lena exú lo ka nuha.