San Lucas 10:2 - Zapotec Yareni

² Nianna ree ka benneha: ―Yalhá ixeni lena tee exú, ttaka ka benne edíke lena‑ni ttu chuparubake raka, kumu ixeba ka benne se'e riyasakanie iyienkanie ka tisa ge Tata Do Yebáha, ttaka ka benne rigixxi'ake ka tisa geeha, ttu chuparubake raka. De nuha nna gwalinnaba len Tata Do Yebáha, delába benne anke Xxana ka benne riyasakanie iyienkanie ka tisaha, kini idhelharue ka benne kixxi'akanie ke.

San Lucas 10:2 Iomraidhean Croise

San Mateo 20:1

’Tata Do Yebáha, tti rinnabie ka benne, elha rinnabia geeha raxxína na len nu ben ttu nubiyú yadinna ka ya uva lo yu geniha. Nubiyúha dila tteba udána diana ugila ka nu kwenkana lo yu geni ata yadinna ka ya uvaha.

San Marcos 13:34

Gwaluni attiba beni ttu benne birie die idittu nna bedha'ane yo'o geeha len ka nu reni lo sina geeha. Ttu ttu ka nuha begwebie kana sina ralhakana uinkana, nna nu ridú ridhalina lhe rodheana ro'o yo'oha nna ree nuha: “Ulanni tsitsilu ro'o yo'o kia‑ni kini anuttu nu ga'a.”

San Marcos 16:15

Nianna tti ra Jesús‑ni ke: ―Gwaltsia itú tte yiesi lo yu‑ni nna gwalikixxi'ani iyá ka benne ka tisa ge Tata Do Yebáha.

San Marcos 16:20

Ka benne bedhetinieha nna biriabake rigixxi'ake ge Jesús‑ni iyá laduba nna labe due rute nábie lenke, lhe anágaba len ka milagru ruinkeha rula'a deki nu rigixxi'akeha, nu gwalíba anka nuha. Amén]

San Lucas 9:1

Jesús‑ni bottupe ka benne tsi'inu (12) rudhetinieha nna begwebie ke lo neda kini ebeake iyába ka espíritu xxegwi yu'u lati ka benne lhe ki ebeake ka isagwe yu'u latike lhe.

Hechos 11:19

Ka benne ugwadhike tti berio lákana keha, delába tti bettikana Esteban‑ni, ka benneha bisinke daka Fenicia lhe daka Chipre lhe daka Antioquía lhe. Lanú nu utixxi'akanie ge Jesús‑ni, sunruba ka nu Israel, ka nu se'e ka daka niha, sunruba ka nuha utixxi'akanie.

Hechos 13:2

Ttu sá nna yu'uke rulhake ge Tata Xisiha lhe rutte ubina lhe'eke lhe, nianna tti unne Espíritu geeha, rabie ke: ―Kwesile Bernabé‑na lhe Saulo‑na lhe kini uinkana sina nu chi ga'anati uinkana.

Hechos 13:4

Espíritu ge Tata Do Yebáha‑ba udhelhe Bernabé‑ni lhe Saulo‑ni lhe diakana. Nianna tti ugwadikana bisinkana lhe'esi Seleucia. Niha bedaxxukana barcu kini diakana daka lo yu re lagwi indatooha nu tee láni Chipre.

Hechos 20:28

Laxkala nnanna rulisaa le, gwaluyú gele lhe gwaluyú iyá ka benne chi bodha'an Espíritu geeha lasi nále. Attiba ttu benne ruyúe ka neru, aníha‑ba uyúle ka benne chi ankake ge Jesús benne anke Xxanari'iha, delába ka benne uyo'e len kwinaga reni geeha.

Hechos 22:21

Ttaka benne bela'atiha nna rabie neti: “Ugía, kumu neti idhelhaa lu lhe'e ka yiesi dittu‑na ata se'e ka nu abittu ankakana nu Israel.”

Hechos 8:4

Ttaka ka benne biriake lhe'esi Jerusalén‑ni, delába ka benne ugwadhiha, ka benneha ataba diake rigixxi'ake ka tisa ge Jesús‑ni.

1 Corintios 12:28

Arlo iyále ka benne ria lele Cristuha chi bose'e Tata Do Yebáha ka benne kini uinke sina gebie. Lade'a tte bose'ebie ka benne ankake apóstol. Berupa nna bose'ebie ka benne ankake profeta. Beyonna nna bose'ebie ka benne ki ule'ekanie adí ka benne. Iki de nuha nna bose'ebie ka benne uinke ka milagru. Delola nna danalha ka benne betebie elha tse geke kini eyoinke ka benne rani. Nianna tti daa ka benne betebie elha tse geke ki ute náke len adí ka benne. Nianna dedhá ka benne bete Tata Do Yebáha elha tse geke kini rixú liikanie rise'eke arlo adí ka benne chi ria leke Cristuha. Iki deliba nuha nna tti daa ka benne raka geke rinneke ka tisa subi ka tisa ka nu labí rite dani adí ka benne.

1 Corintios 15:10

Ttaka Tata Do Yebáha bedá lebie betebie elha tse kia, de nuha nna ankaa apóstol. Elha tse beteeha gwa bixúba nuha len neti, labí kwentaba betebie na len neti. Kumu netila nuní rekirua rigixxi'aya ge Jesús‑ni attichula iyá ka benne ankake apóstol gebie. Meskiba laa netiga runia nuní, sinuki Tata Do Yebáha‑ba redá lebie raka lenie neti ki runia nuní.

2 Corintios 6:1

Ri'itu ankatu benne ribentu len Tata Do Yebáha lo sina gebie. De nuha nna rulisatu le abittu udelha lattile nu tse redá le Tata Do Yebáha rutebie gele.

Filipenses 2:21

Kumu adíkana suna nu anka gebakani ruchacha ikikani nna labí ruchacha ikikani nu anka ge Jesucristuha.

Filipenses 2:25

Ttaka nnanna rulaba lasia raka doelha edhelhaa betsi to kia‑ni ata se'ele‑na, delába Epafrodito‑ni. Benne‑ni nuní riben lania lhe turo'oba rutto ruchíatu ratetu lo sina ge Tata Do Yebáha. Benne‑nigaba nuha udhelhale kini rixútie tti rikinati ttu bixa.

Filipenses 2:30

kumu delo sina ge Cristuha nna bexunnina gebie gattie. Bexunnina gebie gattie de bixúe len neti, benie sina nu labí aka gele uinle de se'ele idittu.

Colosenses 1:29

De nuha nna neti runia doelha rekia rigixxi'aya ge Cristuha, kumu lee nuha ribeki tsitsie lasia.

Colosenses 4:12

Epafras‑ni ridhelhagabe ttu padiuxi gele. Benne‑ni ankagabe ttu ka benne gele, rixúbie lo sina ge Cristuha. Labie satíaba rinnabe gele tti rilhapie tisa len Tata Do Yebáha. Rinnabe kini lebi'i tse'e tsitsile lo neda ge Tata Do Yebáha lhe akale benne runi itá su, lhe anágaba kini tte da tsenle iyá nu raka lebie.

1 Tesalonicenses 2:9

Lebi'i gwa rexxaba lele xa betsi to, atti utixxi'entu le ka tisa ge Tata Do Yebáha, tsitsiba urentu sina rela lhe resá lhe. Bentu aníha ki abittu betsetsintu le innabatu le nu riyasintu.

1 Tesalonicenses 5:12

Betsi to, rinnabatu len lebi'i, tsia lele ka benne rixúke lo sina ge Jesús benne anke Xxanari'iha, kumu ka benne‑na nuná rise'eke arlole lhe rule'ekanie le gasina tse'ele.

2 Tesalonicenses 3:1

Nnanna xa betsi to, rinnabaa len lebi'i, innabale getu len Tata Do Yebáha kini yuba chadhi ka tisa rigixxi'atu‑ni, delába ka tisa ge Jesucristu benne anke Xxanari'iha, lhe innabagabale lenie kini ka benne ugweke lidhaka ka tisa‑ni, attiba lebi'i chi begwele lidhakake.

1 Timoteo 4:10

De nuha nna rateri'i lhe ruinri'i doelha kumu ruxxen leri'i ge Tata Do Yebaa benne anka baniha. Benneha anke benne rodilábie iyá tte ka benne. Ka benne ria leke ge Cristuha, ka benneha nuha lade'a tte rodilábie ke.

2 Timoteo 4:5

Ttaka lu satía bedú itá lelu, abittu bitti uinlu, betto bechíala lo nu ratelu‑na, bedo lelu utixxi'a ka tisa tse‑na. Ben iyá nu bodha'an Tata Do Yebáha uinlu.

Filemón 1:1

Neti Pablo, tea lisiyya de rekia ugixxi'a ka tisa ge Jesucristuha. Neti lenia betsi to geri'i Timoteo‑ni ridhelhatu yetsi‑ni gelu xa Filemón. Lu rakati gelu lhe ankalu benne rute nálu len ri'itu lo sina ge Tata Do Yebáha lhe.

Hebreos 3:6

Ttaka Cristuha anka galábe Xi'in Tata Do Yebáha. Labie nuha anke nu rinnabie ka benne, delába ri'i ka benne chi ankari'i gebie, ladiba ganna gwa ruxxen tsitsi leri'i deki gwadíbari'i nu se'eri'i ribedari'iha lhe anágaba lhe ganna gwa du itta leri'i de dhiri'i na lhe.

El Apocalipsis 2:1

’Ben yetsi‑ni nna udhelha na ge anjeli ruyúe ka benne chi ria leke neti se'eke lhe'esi Éfeso. Usi ke: “Aní ra Jesús benne den ná banie gasi ka beliha lhe rekie lagwi ge gasi ka candeleru ge oruha: