San Lucas 1:2 - Zapotec Yareni

² Ukaba atti tteba chi utixxi'a ka benne sisi'a tte bilákanie nu ukaha, nianna tti bixúke lo sina ge Tata Do Yebáha utixxi'ake ka tisa geeha.

San Lucas 1:2 Iomraidhean Croise

San Marcos 1:1

Nii ridulo ka tisa ka nu rigixxi'akana ge Jesucristu benne anka Xi'in Tata Do Yebáha.

San Marcos 16:20

Ka benne bedhetinieha nna biriabake rigixxi'ake ge Jesús‑ni iyá laduba nna labe due rute nábie lenke, lhe anágaba len ka milagru ruinkeha rula'a deki nu rigixxi'akeha, nu gwalíba anka nuha. Amén]

San Marcos 4:14

Benne rudelha xuxtilaha anke benne rigixxi'e ka tisa ge Tata Do Yebáha.

San Lucas 24:48

Lebi'i nuná kixxi'ale iyá nuní,

San Juan 15:27

Anágaba lebi'i kixxi'agabale kia, kumu lebi'i attili sisi'a tte uduloa rule'enia ka benne, la'aniali chi se'ele len neti.

San Juan 16:4

Rigixxi'ania le nuní kini ganna chi bisia sá satele aní, la'ania nna sadú lele deki chiba utixxi'ania le nuní. ’Labí utixxi'ania le nuní sisi'a tteha, kumu len lebi'iba doa.

Hechos 1:3

Len ka apóstoal‑gaba nuha bele'e lo Jesús‑ni ixe lidú iki de tti chi uttieha. Aníha benie kini bela'a deki gwalí reki benbe. Delo chua (40) ubisaha bele'e lobie lenke lhe utixxi'agabanie ke gasina ki akake benne innabia Tata Do Yebáha ke.

Hechos 1:8

Ttaka ganna chi bisia Espíritu ge Tata Do Yebáha latile, la'ania nna inná tsitsi lele. Nianna tti iriale tsiale kixxi'ale kia lhe'esi Jerusalén‑ni lhe lhe'e adíru ka yiesi se'e itúba daka Judea‑ni lhe daka Samaria‑ni lhe. Axtaba ata riluxa yiesi lo yu‑ni tsiale kixxi'ale kia.

Hechos 14:25

Lhe'esi Perge, niha utixxi'akana ge Jesús‑ni. Iki de nuha‑liba nna tti ugwadikana diakana lhe'esi Atalia.

Hechos 16:6

Kumu de labí uka le Espíritu ge Tata Do Yebáha kixxi'a ka Pabluha ka tisa ge Jesús‑ni daka Asia, de nuha nna utelakana diakana daka Frigia lhe daka Galacia lhe.

Hechos 17:11

Ka nuha gwa rokinnirula ikikani rudo nagakani ge ka Pabluha attichula ka nu Tesalónica‑ni. Laxkala itú iki itú lekani belabikana ka tisa ge Jesús‑ni nna ttu ttu sába rise'ekana rulaba tsitsikana nu ra lo ka yetsi ge Tata Do Yebáha kini yúkana ganna si gwalí gwa raxxína nu rigixxi'en Pabluha kana len nu ra lo ka yetsiha.

Hechos 26:16

Nnanna nna beyadha nna bedú. Kumu dela nuha chi bele'e loa lenlu kini udúa lu akalu benne uinlu sina kia lhe kixxi'alu nu bilenlu nasá lhe anágaba kixxi'agabalu nu si ule'erunia lu.

Hechos 4:20

Kumu ri'itu labí aka getu udhantu a kixxi'atu ge nu chi biyienintu lhe ge nu chi bilentu lhe.

Hechos 8:4

Ttaka ka benne biriake lhe'esi Jerusalén‑ni, delába ka benne ugwadhiha, ka benneha ataba diake rigixxi'ake ka tisa ge Jesús‑ni.

Romanos 15:16

kini akaa benne ixúa lo sina ge Jesucristuha. Runia attiba runi ttu bixxudi, rigixxi'ania ka nu abittu ankakana nu Israel ka tisa ge Tata Do Yebáha, kini anáchu otso dua kana arlobie chi ankakana attiba ttu úna nu dika tsu'u lebie, delába ka benne chi bochari Espíritu geeha.

1 Corintios 4:1

Laxkala iyále teeki gapale ri'itu kwenta deki ankatu benne rixútu lo sina ge Cristuha lhe ankatu benne chi ga'anatu ki ule'etu ka tisa ka nu teni Tata Do Yebáha gatsi ttuha.

Hebreos 2:3

ganna aníha nna ri'i adírula labí lhaari'i lo elha disaha ganna abíba etabinri'i ge nu tse chi ra Tata Do Yebáha utebie geri'i, delába odilábie ri'i kini esinri'i lenie, nuha nu tse utebie geri'i. Lade'axa Jesús benne anke Xxanari'iha utixxi'e deki odilábie ri'i, delola nna ka benne biyienkanie nu unneeha, aníha‑gaba bedoin ka benneha bedegixxi'agabakanie ri'i.

1 Pedro 5:1

Rulisaa le ka benneola, lebi'i ka benne rise'ele arlo ka benne chi ria leke Cristuha. Neti attigaba lebi'i, ankagabaa nu ridúa arlo ka benne chi ria leke benneha lhe biyúgaba loa nu gwatebie lo ya kurusiha, lhe anágaba ganna chi besieha, iselagabaa edí baaya nu xxeni ra leeha.

2 Pedro 1:16

Kumu ri'itu tti utixxi'atu ratu le deki tsitsiba ra le Jesucristu benne anke Xxanari'iha lhe ratu le deki esiabie yiesi lo yu‑ni attu libe lhe, tti utixxi'entu le nuní, labí tisa botsi'inu letu nuha utixxi'atu o tisa bexxe letu, sinuki kwinaga ri'itu biyú lotu xxeniba ra lebie.