San Juan 8:44 - Zapotec Yareni

⁴⁴ Nu xxegwiha‑ba anka xxudile nna nu raka le nuha‑ba ruinle. Nuha attili sisi'a tteha ankana ttu nu runi elhutti lhe labí ridú tsitsina lo nu anka gwalíha lhe, kumu labí rinnena nu anka gwalí. Tti rinnena nna rinnebana nu ankabana, kumu ruinba leni lhe ankabana xxudi ka nu ruin lekani lhe.

San Juan 8:44 Iomraidhean Croise

San Mateo 12:34

¡Aalexa nu ruin satsa! Lebi'i ankale ttiba ka belha‑na. ¿Gasina aka gele innele nu anka tse, ki lebi'i nu ruin satsaba ankale? Kumu nu re lhe'e lastobale, nuha‑ba riria ro'ole rinnele.

San Mateo 13:15

Kumu ka benne‑ni tsitsiba ruin lastoke, labí raka leke tsia leke kia lhe bedheaba nagake, bittuba biyienkanie, lhe anágaba benbake ttiba ttu nu xua loni, bittuba bilákanie. Aníha benke kini abittu ilákanie lhe abittu iyienkanie nna tte dákanie, kini ka eyekike nna odaxxuke neda kia nna eyonia ke.

San Mateo 13:38

nna lo yu ata ugía xuxtilaha nna ankana yiesi lo yu‑ni. Xuxtilaha nna anke ka benne rinnabia Tata Do Yebáha ke nna ixxi biria lhe'e xuxtilaha nna ankana ka nu rudokana tisa ge nu xxegwiha.

San Juan 6:70

Jesús‑ni nna bekabie geke, ree: ―¿Laaba ganna tsi'inule (12) nuná chi bekwea? Ttaka ttúle nna nu xxegwiba ankale.

San Juan 7:17

Benne raka lebie unie nu ru'u le Tata Do Yebáha, benneha nuha gwate danie ganna nu rule'a‑ni gwankana ge Tata Do Yebáha o nu anka kibaa nuní rule'a.

San Juan 8:38

Neti rinnebaa ge nu bilábati tti doa len Tata kia do yebáha; lebi'i nna ruinbale nu rule'ebin xxudileha le.

San Juan 8:41

Lebi'i ruinbale nu ruin xxudileha. Lake nna ráke bie: ―Ri'itu labí uka ri'itu lo neda; doba ttu xxudi ri'itu, delába Tata Do Yebáha.

San Juan 8:55

Ttaka lebi'i labí ankabienle benneha; neti nna gwankabiabatie. Kumu ganna innía labí ankabiatie, la'ania nna ruingaba lasia attiba ruinle. Ttaka neti gwankabiabati benneha lhe gwa rudobaa tisa ge nu rabie neti lhe.

Hechos 13:10

nna rana na: ―¡Aaluxa nu gwen lasi lhe nu ruin iyá looba nu satsa lhe! ¡Lu ankalu xi'ini nu xxegwiha lhe abittuba ru'u lelu uinlu nu dika ixú lhe! ¿Nukala udú siilu abitturu unnittilu neda ge Tata Xisiha?

Hechos 24:9

Ka nu Israel, ka nu daa lenkana Tértulo‑ni, rágabakana gwalíba aníha‑ba uka.

Hechos 5:3

Pedruha nna rabie benne biyúha: ―Ananías, ¿beaka uxielhalu ge nu xxegwiha nna ruinlu dhi yielu Espíritu ge Tata Do Yebáha, delo nna utualu iki belhiu ge yu betto'oluha?

2 Corintios 11:3

Ttaka neti rixxusati kini ka ixú yiele satele attiba gwate Eva‑ni. Nuha‑ruga bixú yiena bedo nagani ge nu botsi'inu le belhaha. Anágaba lebi'i ni kina ixú yiegabale nna udhanle abitturu itú iki itú lele udo lele Cristuha.

1 Pedro 5:8

Abittu bitti uinle lhe gwaltse'e ubeda lhe, kumu nu abittu raka uyúna leha, delába nu xxegwiha, nuha ruinbana attiba runi ttu beesi rekina ruttuxxuna rigilana nu gona.

2 Pedro 2:4

Kumu ki ka anjeli, ka nu binittikana abittu ben tsekanaha, ki ka nuha abittu uxíe elha xen lasi gekani, sinuki udhelhalee kana ata re giha nna bedheabie kana ata anka chulhaha. Niha chi tua tsekana axtaliba ganna chi isia sá unie elhuxtisi gekani.

1 Juan 1:8

Ganna ri'i innári'i labí tulha ruinri'i, la'ania nna la len ri'iba nuha ruin leri'i nna labí ruinri'i nu raxxína len nu anka gwalí.

1 Juan 2:21

Bittu akinle deki runia nuní lo yetsi‑ni de abittu yule nu anka gwalí. ¡Ko'o! Runia nuní lo yetsi‑ni kumu de chila yule lhe anágaba chigaba yule ni ttu tisa gwen lasi labí riria lhe'e nu anka gwalíha.

1 Juan 2:4

Nu rana: “Neti gwa ankabiabati Tata Do Yebáha”, ttaka ganna abígaba rudona tisa ge nu chi rabie na uinnaha, nuha ttu nu gwen lasiba ankana, nna labí ruinna nu raxxína len nu anka gwalí.

1 Juan 3:12

Bittu uinle tti ben nubiyú utta láni Caín. Nuha‑ruga ukana ge nu xxegwiha nna bettina betsiniha. Nianna, ¿bí lo ni'a ge bettina nuha ganna? Bettina nuha kumu lana satsaba anka nu ruinna; betsiniha nna ruinba nuha attiba ankaba geni. De nuha nna bettina betsiniha.

1 Juan 3:15

Iyába ka nu ritisikinna attu betsi to geri'i, attisidiba nu runi elhuttiba anka ka nuha. Lebi'i gwa yu xeabale ni ttu nu runi elhutti gwaka benna ttu dia lii arlo Tata Do Yebáha.

Judas 1:6

Aníha‑gaba gwate ka anjeli ka nu abittu begwekana lidhaka ladikani nu begwe Tata Do Yebáha kana, bedhála ikikani ata se'ekanaha. De nuha nna bedheabie kana ttu dia lii lhe'e lisiyya ata anka chulhaha. Niha‑ba tua tsekana axtaliba ganna chi bisia sá aka elhuxtisi ge ka benne se'e yiesi lo yu‑ni.

El Apocalipsis 12:9

Biru'unaba nimala xxegwiha lo yu‑ni. Lana nuha ukana belha ugweki ttuha, nu tee láni Satanás lhe nu tegaba láni nu xxegwi lhe; delába nu reki ridí yiena iyá ka benne se'e yiesi lo yu‑ni. Lana lhe ka anjeli geniha biriakana yebáha nna biru'unakana yiesi lo yu‑ni.

El Apocalipsis 13:14

Len ka milagru ruin nimala biria lhi'u yuha; delába ka milagru ka nu rugwelha nimala biria lhe'e indatooha kini ruinna, len ka nuha ridí yiena ka benne se'e yiesi lo yu‑ni ki ria leke geni. Bengabana mandadu udoke ttu mentu ge nimala biria lhe'e indatooha, delába nimala nu chi ukana gwe len espadaha nna gwa beyaka benbana.

El Apocalipsis 2:10

Bittu gasinle ge nu satele, kumu nu xxegwiha uga'abana ttu chupale lisiyya kini ku'una le prueba nna teeki satele elha disa delo tsii ubisa. Tsitsi gwaltse'e meskiba uttikana le, neti nna gwinbaa ki aka benle ttu dia lii. Elha nabani utea geleha ankana attiba ttu corona dhile.

El Apocalipsis 21:8

Ttaka ka nu reyadi gaa a reyaxakinna lhe ka nu labí ria lekani neti, lhe anágaba ka nu ruin xxatta satsa lhe ka nu ruin elhutti lhe, anágaba ka nu risákana nu subi subi lhe ka nu ruin elha gwesá lhe, anágaba ka nu rudú xibikani arlo ka nu labí gwalí ankakana diosi lhe iyá ka nu gwen lasi lhe, iyá ka nuní ralhakana tsiakana lo gi bartoha ata rite azufreha. Elha disa uyúkanaha ankana elhutti berupa.

El Apocalipsis 22:15

Ttaka ka nu ruinkana nu anka tsiga lhe ka nu ruin elha gwesá lhe ka nu risákana nu subi subi lhe anágaba ka nu runi elhutti lhe ka nu rudú xibikani arlo ka nu labí gwalí ankakana diosi lhe anágaba ka nu ru'u lekani rinnekana gwen lasi lhe, iyá ka nuná labí eta'akana lhe'e yiesiha.

El Apocalipsis 9:11

nna do ttu nu rinnabiana kana, delába nu anka xxana belha'a chulhaha. Len tisa hebreo tee láni Abadón nna len tisa griegu nna tee láni Apolión. Tisa‑ni dienna innána nu rutse'e loo.