San Juan 7:18 - Zapotec Yareni

¹⁸ Nu rinnena nu anka gebani, ruinba nuha kini inná xxeni leni arlo ka benne; ttaka neti rinnea nu anka ge Tata Do Yebaa benne udhelhe netiha, benneha nuha runia kini ra xxeni lebie. Neti nuha rinnea nu anka gwalí, labí gwen lasi rinnea.

San Juan 7:18 Iomraidhean Croise

San Mateo 6:9

Lebi'i aní innále atti innele len Tata Do Yebáha: Tata getu do yebaa, ri'itu rugwetu lidhakalu kumu ankalu Diosi.

San Juan 11:4

Jesús‑ni tti bine nuha nna ree: ―Isagwe ridaka nu kwitiha labí anka nuha nu uttina na, sinuki isagweha ixúlana kini ula'a nu xxeni ra le Tata Do Yebáha lhe anágaba neti benne ankaa Xi'inieha, ula'agaba nu xxeni ra lasia.

San Juan 12:28

Tata, bele'e nu xxeni ra lelu arlo ka benne. Nuha‑ba rabie, nianna biyien tsi'i ttu benne unnebie yebáha, ree: ―Chiba bele'a nu xxeni ra lasia, nnanna nna odole'a na attu libe.

San Juan 12:43

Kumu ru'urula lekani eya'an tsekana arlo ka benne attichula arlo Tata Do Yebáha.

San Juan 5:41

’Neti labí runia kini inne tse ka benne kia.

San Juan 8:54

Jesús‑ni nna bekabie, ree kana: ―Ganna kwinaba neti runia ki ra xxeni lasia, la'ania nna nu ra xxeni lasiaha labí daka nuha; sinuki Tata kiaha nuha runie kini ra xxeni lasia. Benneha‑gaba nuha rale deki anke Diosi gele.

1 Tesalonicenses 2:6

Nigaba labí bentu ki inne tsele ge nu ruintu, nigaba ki inne tse adíru ka benne ge nu ruintu.

1 Pedro 4:11

Ganna nuxa ttúle betebie elha tse gele kini kixxi'ale ka tisa geeha, gwalinneba ka tisa ka nu rutebe len lebi'i nna ganna nuxa ttúle edá lele ute nále len adí ka benne, nu edá lele uinleha, gwaluin na len nu tsitsi ra le Tata Do Yebáha kini anáchu de Jesucristuha nna iyába nu uinleha, nuha uinna kini inná xxeni le Tata Do Yebáha. Benneha ra tsitsi lebie lhe rinnabie ttu dia lii lhe. Amén.

1 Juan 2:29

Ganna lebi'i chi yule deki benneha anke benne runi attiba ankaba geni, la'ania nna gwa yúgabale deki nuxaba benne unie attiba ankaba geni, benne unie aníha, benneha nuha gwalíga chi anke xi'in Tata Do Yebáha.