San Juan 6:57 - Zapotec Yareni

⁵⁷ Ttiba Tata kiaha benne udhelhe netiha anke benne bani, de benneha nna neti anka bengabaa. Anágaba benne gobie bela kia‑ni, de neti nna gwaka bengabe.

San Juan 6:57 Iomraidhean Croise

San Mateo 16:16

Simón Pedruha nna bekabina, rane: ―Lu ankalu Cristu Xi'in Tata Do Yebaa benne anka baniha.

San Juan 14:19

Ka benne abí ria leke kia, attu sattitoruba ilákanie neti, lengwa nna labíru edelákanie neti, ttaka lebi'i nna gwalábinle neti. Kumu neti anka benbaa, anágaba lebi'i gwaka bengabale.

San Juan 14:6

Jesús‑ni nna bekabie, ree na: ―Netiba nuha ankaa nedaha lhe netiba nuha ankaa benne rigixxi'aya ge nu anka gwalí lhe ankaa benne runia ki satíaba raka ben ka benne lhe. Lanú nu aka geni tsiana ata do Tataha ganna abíba neti echea na.

San Juan 17:21

kini anáchu nna iyába ka nu tsia lekani kia ttisidiba ttúba benne eyakakana, attiba lu xa Tata, ttúba benne ankalu len neti, neti nna ttúba benne ankaa lenlu. Anágaba ka nu tsia lekaniha, ttúba benne eyakakana len ri'i, kini anáchu adí ka nu a ria lekani nna tsia lekani deki luba udhelhalu neti.

San Juan 3:17

Kumu Tata Do Yebáha laa udhelhage neti benne ankaa Xi'inie, laa udhelhage neti yiesi lo yu‑ni kini ukinnia ka benne, sinuki udhelhalee neti kini odiláya ke.

San Juan 5:26

Kumu ttiba Tataha anke benne bani nna runie ki raka ben ka benne, anágaba neti benne ankaa Xi'inieha ankaa benne bani nna chi betebie lo neda kia kini unia ki aka ben ka benne,

San Juan 6:29

Jesús‑ni nna bekabie geke, ree: ―Tsia lele Tata Do Yebaa benne udhelhe netiha. Nuní raka lebie uinle.

San Juan 6:38

Kumu neti laa ugwadigaa yebáha kini unia nu rakaba lasia, sinuki unia nu ra benne udhelhe netiha.

1 Corintios 15:22

Kumu ttiba ri'i de datiari'i Adán‑ni nna iyábari'i rattiri'i, anágaba nna de ria leri'i ge Cristuha nna iyágabari'i eyaka benri'i lo elhuttiha.

1 Corintios 15:45

Lo ka yetsi ge Tata Do Yebáha dia ra: “Adán benne biyú udo sisi'a tteha, uyu'u elha nabani gebie yiesi lo yu‑ni.” Ttaka Adán benne bisia lo xubanaha, delába Cristuha, benneha nna anke espíritu rutebie elha nabani geri'i arlo Tata Do Yebáha.

2 Corintios 13:4

Gwalí galá benneha beyake ttu benne labí tsitsi uná lebie tti utábie lo ya kurusiha, ttaka de Tata Do Yebáha ra tsitsi lebie, nu ra tsitsi leeha beni kini nnanna anka ben Cristuha. Anágaba ri'itu nnanna ratetu ttiba gwate benneha, labí tsitsi re letu, ttaka de Tata Do Yebáha ra tsitsi lebie, de nuha nna runie kini ri'itu tse'etu aka bentu de se'e lentu Cristuha. Aníha kini ixútu ki ute nátu len lebi'i.

Gálatas 2:20

Neti ttisidiba utábaa len Cristuha lo ya kurusiha, de nuha nna ttisidiba lanúru neti doa, Cristuha‑ba nuní doe lhe'e lastoa. Nnanna doa anka bania lhe'e bela latia‑ni, dobaa ria lasia ge Xi'in Tata Do Yebáha. Benneha ukanie kia nna betebie elha nabani geeha kini uttie utixe kia.

1 Tesalonicenses 1:9

Kumu kwinaba lake rigixxi'ake ráke deki lebi'i tseba belabile ri'itu tti bisiatu len lebi'iha, lhe rigixxi'agabake ráke gasina bedhanle abitturu ria lele ge ka nu labí gwalí ankakana diosi, lhe gasina udulole rudole tisa ge benne gwalíga anke Diosiha lhe gwalíga anke benne bani lhe.

Hebreos 9:14

adírula tse ochari reni belali Cristuha. Kumu Espíritu benne doe ttu dia liiha, benneha gwa ukaba lenie Cristuha. De nuha nna bedá le Cristuha betebie elha nabani geeha len Tata Do Yebáha. Lee nuha abittu tsiga anke nna uttie kini utixe geri'i, kini anáchu nna chi yu xeari'i deki chiba bocharie ri'i ge ka tulha abittu ixú ruinri'iha. Bocharie ri'i kini aka geri'i uinri'i le'a ge Tata Do Yebaa benne anka baniha.

1 Juan 4:9

Labie udhelhe Xi'in ttu túbiru geeha yiesi lo yu‑ni. Xi'inieha uttie kini ri'i, de utti benneha nna gwaka benri'i ttu dia lii. Aníha ben Tata Do Yebáha kini bele'e looe deki rakanie geri'i.