San Juan 5:16 - Zapotec Yareni

¹⁶ De nuha nna ka nu loni ge ka benne Israel‑ni ridú nookana Jesús‑ni, ruinkana uttikane, kumu de runie ka milagru lhe'e ka sá reyaka lekaniha.

San Juan 5:16 Iomraidhean Croise

San Mateo 12:13

Nianna tti ree benne biyú daa yatti neeha: ―¡Belhí nálu! Benneha nna belhí tteba nábie nna beyaka tteba nuha; beyakabana atti tteba anka attu lha'a neeha.

San Marcos 3:6

Tti beria ka fariseo‑ni lhe'e yo'oha nna unne tteba lenkana ka nu tákana Herodes‑ni, kumu regila lekani gaxasina uinkana kini uttikana Jesús‑ni.

San Lucas 6:11

Ttaka lakana nna yalhá bisa'a xxattakinna nna udulo ttebakana ra luesikani bixa udhakakana Jesús‑ni.

San Juan 1:19

Aní bekabi Juan‑ni ge ka bixxudiha lhe ge ka levita‑ni lhe. Ka nuná udákana lhe'esi Jerusalén‑ni, udhelha ka nu loni ge ka nu Israel‑ni kana kini ugíakana gwannaba tisakana Juan‑ni, rákane: ―Lu nna, ¿nú ankalu?

San Juan 10:39

Nianna tti redeonkana ododaxxukane attu libe, ttaka lee nna ulábe lo nákani.

San Juan 15:20

Gwalodhú lele ge nu chi xpeya leha. Nu ren sina lo xxananiha labí xxenirula ra le nuha tti xxananiha. Ki neti chi udú nookana, anágaba lebi'i dhu noogabakana le, lhe gannala ttixka bedo nagakani kia, la'ania nna lebi'i gudogaba nagakani gele.

San Juan 5:10

Ka nu loni ge ka benne Israel‑ni nna rákana benne beyakaha: ―Ki gwa yúbalu nasá anka sá reyaka leri'i. Labí aka eyojalu nu uttalu loin‑na.

San Juan 5:13

Ttaka benne beyakaha nna labí yue nuxa benne nuha rabie bie aníha, kumu Jesús‑ni chiba biganna lokanie lagwi ge ka benne saa niha.

San Juan 5:15

Benne biyúha nna ugíe gwattixxi'anie ka nu loni ge ka benne Israel‑ni deki Jesús‑niba nuha beyonie bie.

San Juan 5:17

Ttaka Jesús‑ni nna ree: ―Tata kiaha satíaba riben benneha, de nuha nna neti ribengabaa.

San Juan 5:18

De rabie aníha nna ka nu loni ge ka benne Israel‑ni adírula ruinkana uttikane, kumu laa sunruga rigu'u ni'e ka sá reyaka lekaniha, sinuki de rágabe deki Tata Do Yebáha‑ba anke Xxudie. Tti rabie aníha, runie deki turo'oba anke len Tata Do Yebáha. De nuha nna ruinkana uttikane.

San Juan 7:21

Jesús‑ni nna bekabie gekani, ree: ―Iyábale uka tenle tti bilenle benia ttu milagru la sá tti reyaka leri'i.

San Juan 7:25

Nianna ra ttu chupa ka nu Jerusalén‑ni: ―¿Si laaba nuníba nuha ruinkana uttikana?