San Juan 5:10 - Zapotec Yareni

¹⁰ Ka nu loni ge ka benne Israel‑ni nna rákana benne beyakaha: ―Ki gwa yúbalu nasá anka sá reyaka leri'i. Labí aka eyojalu nu uttalu loin‑na.

San Juan 5:10 Iomraidhean Croise

San Mateo 12:10

Lhe'e yo'oha re ttu benne daa yatti ttu lha'a nábie. Nianna unnaba tisakana Jesús‑ni, rákane: ―¿Si gwa ga'anaba eyoinri'i ttu benne rani la sá reyaka leri'i? Aníha rákane kumu regila lekani bixa usiakana ikie.

San Marcos 2:24

Ka fariseo‑ni nna rákane: ―¡Biyúruga! ¿Beaka ruin ka nu rudhetinlu‑na nu abittu ga'anna uinri'i lhe'e ka sá atti reyaka leri'i?

San Marcos 3:4

Nianna tti unnaba tise kana, ree kana: ―¿Bí ga'anna uinri'i lhe'e ka sá tti reyaka leri'i? ¿Si uinri'i latsiru ak? ¿O uinri'i nu satsa ak? ¿Si odilári'i ttu benne? ¿O ugwelhari'i gattie ak? Ttaka lakana siiba ukakana, labí bekabikana gebie.

San Lucas 13:14

Ttaka nubiyú rinnabiana lhe'e yo'o ata se'ekanaha nna bise'enna kumu de beyoni Jesús‑ni nuilaha la sá reyaka lekaniha. Nianna rana ka benne se'e niha: ―Gwa ga'anaba kwenri'i xxupa ubisa sina. Lhe'e ka sá‑ni gwaltá ki eyakale, nna bittu itale ka sá atti reyaka leri'i ki eyakale.

San Lucas 23:56

Tti besinke lhe'e yo'o ata se'ekeha nna benke ka biste rure ixixxi lhe adíru ka nu kabike lati Jesús‑ni. Nianna beyakaba leke la sá tti reyaka le ka nu Israel‑ni. Benbake attiba chi ga'anna lo bia bennabi bodha'an Moisés‑ni.

San Lucas 6:2

Nianna tti unnaba tisa ttu chupa ka fariseo‑ni ke, rákana ke: ―¿Beaka ruinle nu abittu ga'anna uinri'i la sá reyaka leri'i?

San Juan 1:19

Aní bekabi Juan‑ni ge ka bixxudiha lhe ge ka levita‑ni lhe. Ka nuná udákana lhe'esi Jerusalén‑ni, udhelha ka nu loni ge ka nu Israel‑ni kana kini ugíakana gwannaba tisakana Juan‑ni, rákane: ―Lu nna, ¿nú ankalu?

San Juan 5:11

Benne biyúha nna bekabie gekani, ree: ―Benne beyonie netiha, kwinaba benneha rabie neti: “Belhidha nu xualu loin‑na nna udá.”

San Juan 5:15

Benne biyúha nna ugíe gwattixxi'anie ka nu loni ge ka benne Israel‑ni deki Jesús‑niba nuha beyonie bie.

San Juan 5:16

De nuha nna ka nu loni ge ka benne Israel‑ni ridú nookana Jesús‑ni, ruinkana uttikane, kumu de runie ka milagru lhe'e ka sá reyaka lekaniha.

San Juan 7:23

Ki lebi'i gwadú richúle lo bela lati ka nubiyú to gele tti risia ka sá reyaka leri'i. Ruinle aníha kini abittu rigu'u ni'ale bia bennabi bodha'an Moisés‑ni. Ki lebi'i ruinle aná, ¿beakala rise'enle len neti de chi beyonia ttu benne rani la sá tti reyaka leri'i, benneha nna chiba beyaka chábie?

San Juan 9:16

Ttu chupa ka fariseo‑ni nna rákana: ―Nubiyú benna nuní labí anka nuha ge Tata Do Yebáha, kumu ribenlana sina tti risia ka sá reyaka leri'i. Adíkana nna rákana: ―¿Gasina aka ge ttu benne unie luesi ka milagru‑ni ganna anke nu runi tulha? Ya yaba le rinnekana, labí turo'o rinnekana.