San Juan 4:34 - Zapotec Yareni

³⁴ Jesús‑ni nna rabie ka benneha: ―Elho kia ankana, unia nu raka le benne udhelhe netiha nna ulhuxaa sina geeha.

San Juan 4:34 Iomraidhean Croise

San Mateo 26:39

Nianna tti biru'une a latti daka aná nna tti bettudhi loe lo yu nna unnebie len Tata Do Yebáha, ree: ―Tata to kia, nu diru innálu benchi kini abittu uyúa elha disa satea‑ni. Ttaka labí nu innía aka, sinuki nu innába kwinalu aka.

San Mateo 3:15

Ttaka Jesús‑ni nna bekabie, ree: ―Begwelhaba aka aní nnanna, kumu aní chi ga'anani Tata Do Yebáha uinri'i. Aníha uka nna uxielhaba Juan‑ni begadina Jesús‑ni inda.

San Mateo 9:19

Jesús‑ni nna udú lii ttebe die len nubiyúha lhe diagaba ka benne rudhetinieha lhe.

San Lucas 15:10

Nianna ra Jesús‑ni: ―Neti ria le: Aníha‑gaba gatta elha gwedeaka lasi ge ka anjeli ge Tata Do Yebáha ganna ttu benne ruin tulha odúne nna odaxxue neda ge Tata Do Yebáha.

San Lucas 19:10

Kumu neti, benne daya yebáha, daya ugila ka benne abittu chi se'eke lo neda ge Tata Do Yebáha lhe daya gwedilaa ke lhe.

San Lucas 2:49

Jesús‑ni nna bekabibi gebie, rabi: ―¿Beaka regilale neti? ¿Si bi gwa yule deki rakarula doelha udo lasia nu anka sina ge Tata kiaha?

San Juan 17:4

Neti chiba bele'a nu xxeni ra lelu yiesi lo yu‑ni, chiba uluxati sina nu bedha'anlu unia.

San Juan 19:28

Iki de nuha nna kumu chiba yu Jesús‑ni deki iyába nu chi ga'anna akaha, chiba benie nuha, de nuha nna kini sado tisa ge nu ra lo ka yetsi ge Tata Do Yebáha, nianna ree: ―Rebisia inda.

San Juan 19:30

Tti chi u'uye vinu idíha, nianna ree: ―Chi uluxa iyá nu chi ga'anna unia. Nianna tti bodetta ikie nna bechú lebie.

San Juan 4:32

Ttaka labie nna rabie ke: ―Neti teela ttu elho kia goa, lebi'i labí yule bixa elho nuha.

San Juan 5:30

’Neti labí aka kia unia nu yu'u ikia. Ruinbaa elhuxtisi ttiba ra Tataha unia nna elhuxtisi runia‑ni, ruinbaa na attiba ankaba geni, kumu labí runia nu raka lasia, sinuki ruinbaa nu raka le benne udhelhe netiha.

San Juan 5:36

Ttaka neti teela ttu nu rigixxi'a tseruna kia tti nu utixxi'a Juan‑ni, delába ka milagru bedha'an Tataha len neti ki unia. La ka nuha‑ba rigixxi'akana deki gwalíba labe udhelhe neti.

San Juan 6:33

Kumu yettaxtila rute Tata Do Yebáha, benneha anke benne daa yebáha nna runie kini satíaba aka ben ka benne.

San Juan 6:38

Kumu neti laa ugwadigaa yebáha kini unia nu rakaba lasia, sinuki unia nu ra benne udhelhe netiha.

San Juan 8:29

Tata kia benne udhelhe netiha gwa duba benneha len neti. Labí chi bedú benneha neti suna ttúbaa, kumu satíaba runia nu ru'u lebie.

Hechos 20:35

Bixaba sina benia, bele'enia le ria deki aníha teeki kwenri'i sina kini ute nári'i len ka benne riyasakanie ttu bixa lhe anágaba lhe odhúgaba leri'i ka tisa ka nu unne Jesús benne anke Xxanari'iha, tti ree: “Adírula lhe'e nuha ganna ri'i edá leri'i ugweri'i ka benne attichula dhiri'i nu uteke.”

Hebreos 12:2

sinuki udolana leri'i sanalhari'i Jesús‑ni. Benneha benie kini ri'i ruxxen leri'i ge Tata Do Yebáha lhe runie kini tsiari'i uxxen tsitsiru leri'i gebie lhe. Labie beria iki beria lebie meskila utábie lo ya kurusiha kumu gwa yube deki iki de nuha nna gatta elha gwedeaka lasi gebie. Aníha uka nna besine doe daka ná ben ge Tata Do Yebáha ata doe rinnabie nnanna.