San Juan 4:14 - Zapotec Yareni

¹⁴ ttaka benne i'iye inda utea‑ni, ni tsa labíru ebisi benneha inda attu libe; kumu inda utea‑ni akana ttiba ttu dina satíaba dhona lhe'e lastoe nna nuha uinna kini satíaba aka benbie arlo Tata Do Yebáha.

San Juan 4:14 Iomraidhean Croise

San Mateo 25:46

Nianna tti ra Jesús‑ni: ―Luesi ka nu ruin satsa‑ni, tsiaba ka nuní ata uyúkana elha disa ttu dia liiha; ka nu ruin tseha nna eyyabakana ata aka benkana ttu dia liiha.

San Mateo 5:6

’Karubáru ka benne raka leke uinke nu tse raka le Tata Do Yebáha, kumu gwasiaba sá gwakaba nu raka lekeha.

San Juan 10:10

’Ubanaha suna daba nuha kini lhanana lhe uttina lhe utse'e loona lhe; ttaka neti daya kini odiláya le kini satíaba aka benle arlo Tata Do Yebáha, kini anáchu nna gwasipa edí baale tse'ele.

San Juan 11:26

nna iyába ka benne sa se'e benke, ganna tsia leke neti, ka benneha nna satíaba aka benke, labí gattike. ¿Si gwa ria lelu ge nu ria‑ni?

San Juan 4:10

Jesús‑ni nna bekabie ge nuilaha, ree: ―Ganna ttixka lu yulu nu tse rute Tata Do Yebáha lhe ganna ttixka yulu nú benne nuní rabie lu: “Betetti inda i'iyaa”, la'ania nna gwannabalalu inda lenie, labie nna gutelee inda nu unna elha nabani gelu.

San Juan 4:11

Nuilaha nna rane: ―Ki bigaba bi denlu ki kwealu inda‑ni xa tata. Yiela‑ni yalhá lhi'u dia nuní. ¿Gála salhealu inda nu unnana elha nabani ganna?

San Juan 4:13

Jesús‑ni nna bekabie geni, ree: ―Nuxaba benne ganna i'iye inda ge yiela‑ni ebisiba benneha inda attu libe,

San Juan 4:36

Ttu benne riben gwetsela ridíba lhiaxa benneha, nna lena ruttupeha nna ankana ka benne raxie lo neda ge Tata Do Yebáha kini satíaba aka benke, kini anáchu benne rudelhe xuaha lhe benne rottupe benneha lhe, ixpabake tse'e ittake ge sina benkeha.

San Juan 6:27

Bittu udona lele kilale elho nu abittu ruchíana isá, sinuki gwaludola lele gwalegila elho nu uinna kini satíaba aka benle. Neti benne daya yebáha, neti unia ki satíaba aka benle arlo Tata Do Yebáha, kumu neti chi bedha'ane ki unia aní.

San Juan 6:35

Jesús‑ni nna rabie ke: ―Netiba nuní ankaa yettaxtila rutea elha nabani ge ka benne. Benne ite len neti labíru ituin benneha lhe benne tsia lebie neti ni tsa labíru ebisi benneha inda.

San Juan 6:58

Neti labí ankaa tti anka yettaxtila uto ka benne uka xuttoleha. Ka benneha laa kiga de utoke maná lo yu bisiha nna abittu uttike, aloba uttibake. Neti ankaa yettaxtila daa yebáha. Benne goe yettaxtila‑ni gwaka benbe ttu dia lii arlo Tata Do Yebáha.

San Juan 7:37

Tti chi bisia sá lhuxa laníha, la sáha nuha anka laní xxeniru. La'ania udú lii Jesús‑ni nna unnebie idisa, ree: ―Ganna nuxa ttu le rebisile inda, teeki itale len neti kini i'iyale inda.

Romanos 5:21

Aníha benie kini attiba ben tulhaha biri'aba lenna utilana elhutti geri'i yiesi lo yu‑ni, aníha‑gaba Tata Do Yebáha bedárugaba lebie benie kini abitturu yua ujari'i ge nu ruinri'i. Aníha kini tse'eri'i aka benri'i ttu dia lii de nu tse ben Jesucristu benne anke Xxanari'iha.

Romanos 6:23

Kumu tulha ruinri'i‑na, elhuttiba rigila nuná geri'i. Ttaka Tata Do Yebáha runie kini aka ben ri'i ttu dia lii arloe de chi babari'i len Jesucristu benne anke Xxanari'iha. Nuní nu tse redá lebie kwentaba rutebie geri'i.

2 Corintios 1:22

Anágaba chigaba bodha'ane ttu seña lhe'e lastotu kini ule'e deki chi ankatu gebie, delába ulu'ubie Espíritu geeha lhe'e lastotu kini benneha runna liibie deki guteba Tata Do Yebáha nu chi rabie utebie getu.

Efesios 4:30

Abittu udú si'ile le Espíritu ge Tata Do Yebáha. Benneha bisiabie latile nna beya'ane kini ule'e deki chi ankale gebie ganna chi bisia sá ulhuxa loo Tata Do Yebáha odilábie ri'i.

1 Pedro 1:22

Lebi'i, de rudole tisa ge nu ra ka tisa ka nu anka gwalí, de nuha nna chi bochari Espíritu ge Tata Do Yebáha le. Aníha kini gwalíga isinle akinle ge adí ka betsi to gele. De nuha nna itú iki itú lele akin ge luesile.

1 Juan 5:20

lhe gwa yúgabari'i deki Xi'in Tata Do Yebáha bisiabie yiesi lo yu‑ni nna udhalie ikiri'i kini uinbiari'i benne gwalíga anka Diosiha. Nnanna chi se'eri'i len benneha de du lenri'i Xi'inie Jesucristuha. Tata Do Yebáha nuha anke gwalíga Diosi lhe anke benne rutebie elha nabani geri'i ttu dia lii lhe.

El Apocalipsis 7:16

Labíru ituin ka benne‑ni, nigaba ebisike inda, lhe nigaba goru ubisa latike, lhe nigaba akarukanie ubisa lhe.

El Apocalipsis 7:17

Kumu benne anke Neru to du lagwi ata du xxila do benne rinnabia‑ni, labie nuní tsekie loke uyúe ke ttiba ka neru to‑na. Labie ichebie ke ata sia inda nu utena elha nabani geke ttu dia lii nna Tata Do Yebaa‑ni unie kini abitturu kwesike.