San Juan 4:10 - Zapotec Yareni

¹⁰ Jesús‑ni nna bekabie ge nuilaha, ree: ―Ganna ttixka lu yulu nu tse rute Tata Do Yebáha lhe ganna ttixka yulu nú benne nuní rabie lu: “Betetti inda i'iyaa”, la'ania nna gwannabalalu inda lenie, labie nna gutelee inda nu unna elha nabani gelu.

San Juan 4:10 Iomraidhean Croise

San Lucas 11:13

Ki lebi'i ankalale nu runi satsa nna gwa rugwebale ka xi'inle‑na nu tse rinnabakana, ¿titiala Tata geri'i do yebáha, guteba benneha Espíritu geeha len ka benne ganna innabake lenbie?

San Juan 16:3

Aníha uinkana kumu de labí chi anka biakinna Tataha, lhe nigaba labí chi ankabiakinna neti lhe.

San Juan 17:3

Ganna ka benne chi benbiake lu deki ankalu gwalíga ttu túbiru Diosi lhe ganna chi benbiake neti Jesucristu benne udhelhalu yiesi lo yu‑ni, la'ania nna ka benneha satíaba aka benke arlolu.

San Juan 3:16

’Kumu de yalhá ukani Tata Do Yebáha ge ka benne se'e yiesi lo yu‑ni, de nuha nna udhelhe neti benne ankaa Xi'in ttu túbiru geeha, kini anáchu iyába ka benne tsia leke neti nna abittu tsia nnittike, sinuki satíaba aka benke arloe.

San Juan 4:14

ttaka benne i'iye inda utea‑ni, ni tsa labíru ebisi benneha inda attu libe; kumu inda utea‑ni akana ttiba ttu dina satíaba dhona lhe'e lastoe nna nuha uinna kini satíaba aka benbie arlo Tata Do Yebáha.

San Juan 6:35

Jesús‑ni nna rabie ke: ―Netiba nuní ankaa yettaxtila rutea elha nabani ge ka benne. Benne ite len neti labíru ituin benneha lhe benne tsia lebie neti ni tsa labíru ebisi benneha inda.

San Juan 6:51

Neti nuní ankaa yettaxtila bani daa yebáha. Ganna nuxa benne gobie benne‑ni, benneha satíaba aka benbie. Yettaxtila nu utea‑ni ankana kwinaga bela latia. Utea na kini odiláya ka benne se'e yiesi lo yu‑ni kini satíaba aka benke arlo Tata Do Yebáha.

Hechos 9:11

Jesús benne anke Xxanari'iha nna rabie Ananías‑ni: ―Udú lii nna ugía ata tee neda nu tee láni Neda Lhixxa. Lhe'e lisi Judas‑ni, niha innaba tisalu ge ttu nubiyú tee láni Saulo. Nuha ankana ge lhe'esi Tarso nna dona rinnena len Tata Do Yebáha lhe'e lisi Judas‑ni.

Romanos 8:32

Benneha labí a beria lebie utebie kwinaga Xi'inieha, sinuki betelee benneha kini uttie utixe ge iyári'i. Gwalinnáruga, ganna aníha benie, ¿laaba ganna, itupa len Xi'inieha, gutegabe iyá tte nu tee gebie len ri'i?

1 Corintios 1:30

Lagabe benie kini lebi'i ibabale len Jesucristuha lhe anágaba bixúnie benneha ki betebie elha yuu geeha lenri'i lhe benie kini Jesucristuha kuabie yua kwe'eri'i ge nu ruinri'i lhe anágaba ulesie ri'i kini akari'i gebie lhe bodilábie ri'i lo ka tulha geri'i lhe.

1 Corintios 10:4

lhe iyágabake u'uyake inda beteeha lhe. Inda nu u'uyakeha biriana lhe'e íyya nu labí ankana ge yiesi lo yu‑ni. Íyyaha nuha anka Cristuha nna danalhe ke ata diabake.

2 Corintios 9:15

Ixkixaru Tata Do Yebáha de nu tse redá lebie rutebie geri'i, delába nu tse labí raka geri'i kixxi'ari'i geni.

Efesios 2:8

Kumu lebi'i, de bedába le Tata Do Yebáha nna gwa bodilábie le. Bodilábie le de ugía lele gebie, laa kwinaga lebi'i benle ttu bixa ki lhaale. ¡Ko'o! Tata Do Yebáha kwentaba bodilábie le.

Hebreos 6:4

Kumu ka nu chi bedani Tata Do Yebáha lhe'e lastokani lhe chi bedí baakana nu tse beteeha lhe chigaba uxíkana Espíritu geeha lhe,

1 Juan 5:20

lhe gwa yúgabari'i deki Xi'in Tata Do Yebáha bisiabie yiesi lo yu‑ni nna udhalie ikiri'i kini uinbiari'i benne gwalíga anka Diosiha. Nnanna chi se'eri'i len benneha de du lenri'i Xi'inie Jesucristuha. Tata Do Yebáha nuha anke gwalíga Diosi lhe anke benne rutebie elha nabani geri'i ttu dia lii lhe.

El Apocalipsis 21:6

Iki de nuha nna rabie neti: ―Chiba uluxa chá. Neti ankaa benne riduloa lhe ankaa benne rulhuxa looa lhe. Nu ebisina inda, neti kwentaba ugwea na inda i'iyana. Inda nu ugwea na i'iyanaha, nuha uinna kini aka benna ttu dia lii.

El Apocalipsis 22:17

Espíritu ge Tata Do Yebáha lhe nuila ge benne anke Neru toha, ráke bie: ―¡Utá! Anágaba ka benne iyienkanie nu ra ka benne‑ni, innágabake: ―¡Utá! Nna iyába ka benne ebisike inda lhe aka leke i'iyake indaha lhe, itake nna kwentaba i'iyake indaha, delába inda nu uinna kini aka benke ttu dia lii.

El Apocalipsis 7:17

Kumu benne anke Neru to du lagwi ata du xxila do benne rinnabia‑ni, labie nuní tsekie loke uyúe ke ttiba ka neru to‑na. Labie ichebie ke ata sia inda nu utena elha nabani geke ttu dia lii nna Tata Do Yebaa‑ni unie kini abitturu kwesike.