San Juan 3:5 - Zapotec Yareni

⁵ Jesús‑ni nna bekabie ree: ―Netiru ria, benne abíba eyalie len inda lhe eyalie len Espíritu ge Tata Do Yebáha lhe, benneha labí aka isine ake benne innabia Tata Do Yebáha bie.

San Juan 3:5 Iomraidhean Croise

San Mateo 18:3

nianna ree: ―Netiru ria, ganna abíba otsea elha ruin gele nna uinle attiba runi ttu nuto, la'ania nna labí akale nu innabia Tata Do Yebáha.

San Mateo 19:24

Rinnea attu libe ria: adírula satti ga'a ttu camellu lhe'e yieru do xan ttu yoxa attichula ga'a ttu nu tee geni, kini akana nu innabia Tata Do Yebáha na.

San Mateo 21:31

Nianna tti redea Jesús‑ni ka bixxudiha lhe ka benneolaha lhe: ―¿Nú ka nuha rakinle gwa benkana nu ra xxudikaniha ganna? Lakana nna rákana: ―Xi'in biyú neru geniha. Jesús‑ni nna redeabie kana: ―Netiru ria, ka gwekixa‑na lhe ka nuila rutto'o latikinna, nnelarula dhielha ka nuná akakana ka nu innabia Tata Do Yebáha kana attichula lebi'i.

San Mateo 28:19

De nuha nna gwaltsia lhe'e iyá xea ka yiesi se'e yiesi lo yu‑ni nna gwaluse'e ka benne kini udhetike ka tisa kia‑ni nna gwalugadi ke inda lhe. Tti ugadile ke indaha nna udettile lá Tata Do Yebáha lhe lá Xi'inieha lhe lá Espíritu geeha lhe.

San Mateo 3:11

Neti gwalí galá leni indaruba nuní rugadia le ki ula'a deki chi bodúna le nna bodaxxule neda ge Tata Do Yebáha, ttaka benne daa kwe'aha tsitsirula ra le benneha tti neti. Laxkala labí elha ralhaa ichea ka gwaracha geeha. Benneha ugadie le Espíritu geeha lhe ugadie le gi lhe.

San Mateo 5:20

Kumu netiru ria, ganna lebi'i abíba uin tserule tti ka fariseo‑ni lhe ka nu rule'ekinna ka benne nu ra lo bia bennabi bodha'an Moisés‑ni, la'ania nna labí akale benne innabia Tata Do Yebáha le.

San Marcos 10:14

Tti bilani Jesús‑ni ruin ka benneha aníha, nianna bituxxunie nna ree ke: ―Gwalugwelha ka binto‑na itakabi len neti nna abittu usunale. Kumu ka benne ruinke tti ruin ka binto‑na, luesi ka benne‑na ralhake akake ka benne innabia Tata Do Yebáha ke.

San Marcos 16:16

Ka benne tsia leke neti nna gadike inda, ka benneha godilába Tata Do Yebáha ke. Ttaka ka nu abittu tsia lekani neti, urixxi ukinnibe kana.

San Marcos 9:47

Anágaba ganna iyya lolu‑na rixuinlu na ki ruinlu ttu nu satsa, tsa ttela ulea nuná kumu tserula taríana lu esinlu ata rinnabia Tata Do Yebáha suna len ttu lha'aba iyya lolu, a laa kila esinlu leni ixpa lha'a lolu ata uyúlu elha disaha nna iru'unalu tsialu lo giha.

San Lucas 13:24

―Gwaluin doelha gwaliga'a ro'o puerta suniha, kumu neti ria le, ixe ka benne raka leke ga'ake niha, ttaka labí dhaake ga'ake.

San Lucas 13:3

Neti ria, labí. Anágaba lebi'i ganna abíba odúna le ge nu ruinle nna odaxxule neda ge Tata Do Yebáha, gattibale.

San Lucas 13:5

Neti ria, labí. Anágaba lebi'i ganna abíba odúna le ge nu ruinle nna odaxxule neda ge Tata Do Yebáha, gattigabale.

San Juan 1:13

Ka benneha bisinke ukake xi'in Tata Do Yebáha, labí aníha chi ankake tti ulikeha, nigaba kumu de aníha uka le ka benne se'e yiesi lo yu‑ni akake, sinuki kumu Tata Do Yebáha‑ba bedá lebie ukake xi'inie.

San Juan 3:3

Jesús‑ni nna bekabie ge benneha, ree: ―Netiru ria, benne abíba eyalie attu libe eyake benne kubi, benneha labí dhaabie isine ake benne innabia Tata Do Yebáha bie.

San Juan 3:4

Nicodemo‑ni nna ree Jesús‑ni: ―¿Gasina aka ge ttu benne chi anke yaxxu eyalie attu libe? ¿Si gwakaba ge benneha eta'abie lhe'e nan geeha nna eyalie attu libe?

Hechos 2:38

Pedruha nna bekabina gekani, rana kana: ―Gwalodúna le ge nu ruinle nna gwalodaxxu neda ge Tata Do Yebáha nna kua ttu ttule gwaligadi inda nna udettile lá Jesucristuha atti gadile indaha. Aníha kini dhi Tata Do Yebáha elha xen lasi ge ka tulha chi benle. Nianna tti utebie Espíritu geeha len lebi'i.

Hechos 3:19

Laxkala lebi'i gwalodúna le ge nu ruinle nna gwalodaxxu neda ge Tata Xisiha kini oxíe ka tulha gele‑na. La'ania nna unie kini lebi'i saría tsena le

Romanos 14:17

Kumu tti rinnabia Tata Do Yebáha ri'i, labí raka doelha bí rori'i lhe bí ri'iyari'i lhe. Nu rakarula doelha tse'eri'i uinri'i nu dika ixú lhe tse'eri'i latsiru len ka benne lhe udú itta leri'i lhe. Iyá nuní ruin Espíritu ge Tata Do Yebáha.

Romanos 8:2

Kumu Espíritu benne runie kini raka benri'i arlo Tata Do Yebáha de babari'i len Jesucristuha, benneha chi bodilábie neti lo tulha‑na lhe lo elhuttiha lhe, ka nuní labíru rinnabiakana neti.

1 Corintios 15:50

Nu raka lasia upeya le xa betsi to, bela latiri'i‑ni nu anka ge yiesi lo yu‑ni, labí aka eta'a nuní ata rinnabia Tata Do Yebáha; nigaba bela latiri'i nu rusuha, labí aka eta'a nuha ata tee nu labí rusuha.

1 Corintios 2:12

Ri'i laa nu anka elha rieni ge ka benne se'e yiesi lo yu‑niga uxíri'i. Ri'i uxílari'i Espíritu nu bete Tata Do Yebáha kini ute denri'i nu tse bedá lebie betebie geri'i.

1 Corintios 6:11

Lebi'i anágaba satsa ben ttu chupale itú ttuha, ttaka nnanna chi bochari Tata Do Yebáha le ge ka tulha benle la'ania lhe chi ulesie le ki akale gebie lhe anágaba chigaba utuabie kwe'ele yua ge ka tulha ruinle. Tata Do Yebaa geri'iha benie iyá nuní de nu ben Jesucristu benne anke Xxanari'iha lhe de nu ben Espíritu geeha lhe.

Gálatas 6:15

Kumu labí raka doelha si gwa ruu lo bela latiri'i o abittu, sinuki nu rakaru doelha eyakari'i ttiba ttu benne kubi arlo Tata Do Yebáha,

Efesios 5:26

Aníha benie kini ulesie ke ki ukake gebie de bocharie ke len indaha lhe len ka tisa geeha lhe,

1 Pedro 1:2

Lebi'i ttuha‑li chi ga'anani Xxudiri'i do yebáha gaxie le lhe chi bekwebie le kini akale gebie. Bixúnie Espíritu geeha kini ulesie le ki udole tisa gebie lhe anágaba kini eyarile len reni ge Jesucristuha. Lake edá leke aka lenke le lhe use'eruke le xen su lasi lhe.

1 Pedro 3:21

Nu ben inda bisá yiesi lo yu‑niha raxxína na len nu runi inda radiri'i nnanna; indaha rodilána ri'i de beyaka ben Jesucristuha lo elhuttiha. Tti radiri'i inda, labí nu tsiga anka latiri'i nuha rocharina, sinuki rixúlana ki rinnabari'i len Tata Do Yebáha kini ocharie lhe'e lastori'i.

1 Juan 2:29

Ganna lebi'i chi yule deki benneha anke benne runi attiba ankaba geni, la'ania nna gwa yúgabale deki nuxaba benne unie attiba ankaba geni, benne unie aníha, benneha nuha gwalíga chi anke xi'in Tata Do Yebáha.

1 Juan 5:1

Iyába ka benne ganna ria leke deki Jesús‑ni anke Cristu, ka benneha nuha gwankake xi'in Tata Do Yebáha nna iyába ka benne rakakanie ge Tataha, rakagabakanie ge ka benne chi ankake xi'in Tataha.