San Juan 3:3 - Zapotec Yareni

³ Jesús‑ni nna bekabie ge benneha, ree: ―Netiru ria, benne abíba eyalie attu libe eyake benne kubi, benneha labí dhaabie isine ake benne innabia Tata Do Yebáha bie.

San Juan 3:3 Iomraidhean Croise

San Mateo 16:17

Jesús‑ni nna ree na: ―Karubárulu xa Simón xi'in Jonás, kumu laa bennega utixxi'anie lu nu ralu‑na; Tata kia do yebáha, benneha‑ba utixxi'anie lu nuná.

San Mateo 19:24

Rinnea attu libe ria: adírula satti ga'a ttu camellu lhe'e yieru do xan ttu yoxa attichula ga'a ttu nu tee geni, kini akana nu innabia Tata Do Yebáha na.

San Mateo 21:31

Nianna tti redea Jesús‑ni ka bixxudiha lhe ka benneolaha lhe: ―¿Nú ka nuha rakinle gwa benkana nu ra xxudikaniha ganna? Lakana nna rákana: ―Xi'in biyú neru geniha. Jesús‑ni nna redeabie kana: ―Netiru ria, ka gwekixa‑na lhe ka nuila rutto'o latikinna, nnelarula dhielha ka nuná akakana ka nu innabia Tata Do Yebáha kana attichula lebi'i.

San Mateo 5:18

Netiru ria, laka nnanna re yiesi lo yu‑ni lhe yebáha lhe, iyába nu ra lo bia bennabi‑na teeba ki aka nuná, niruba ttu tisa chika'a to abittu aka itua loni axtaliba ganna chi uka iyá nu ra lo bia bennabiha.

San Marcos 10:14

Tti bilani Jesús‑ni ruin ka benneha aníha, nianna bituxxunie nna ree ke: ―Gwalugwelha ka binto‑na itakabi len neti nna abittu usunale. Kumu ka benne ruinke tti ruin ka binto‑na, luesi ka benne‑na ralhake akake ka benne innabia Tata Do Yebáha ke.

San Marcos 9:47

Anágaba ganna iyya lolu‑na rixuinlu na ki ruinlu ttu nu satsa, tsa ttela ulea nuná kumu tserula taríana lu esinlu ata rinnabia Tata Do Yebáha suna len ttu lha'aba iyya lolu, a laa kila esinlu leni ixpa lha'a lolu ata uyúlu elha disaha nna iru'unalu tsialu lo giha.

San Juan 1:13

Ka benneha bisinke ukake xi'in Tata Do Yebáha, labí aníha chi ankake tti ulikeha, nigaba kumu de aníha uka le ka benne se'e yiesi lo yu‑ni akake, sinuki kumu Tata Do Yebáha‑ba bedá lebie ukake xi'inie.

San Juan 1:5

Xianiha nuha rudanie lhe'e chulhaha nna chulhaha labí udaana loe.

San Juan 1:51

Lhe rágaba Jesús‑ni: ―Netiru ria, debá nnanna lhe nu si daa lhe ilenle iyali yebáha nna ilágabinle ka anjeli ge Tata Do Yebáha tsapi chadike xaliekia, neti benne daya yebáha.

San Juan 12:40

Bechulhaba Tata Do Yebáha lokani lhe ben tsitsibe lastokani, kini meskiba yu'u lokani, abittu bilákinna, lhe meskiba tee elha rieni gekani nna abittu utte dákinna. Aníha benkana kini ka eyekikana odaxxukana neda kia nna eyonia kana, ra Tata Do Yebáha.

San Juan 3:4

Nicodemo‑ni nna ree Jesús‑ni: ―¿Gasina aka ge ttu benne chi anke yaxxu eyalie attu libe? ¿Si gwakaba ge benneha eta'abie lhe'e nan geeha nna eyalie attu libe?

2 Corintios 4:4

Kumu nu xxegwiha, delába nu anka diosi rinnabiana yiesi lo yu‑ni, lana nuha bedheana elha rieni ge ka nu abittu ria lekinna kini abittu ute dákinna xiani nu runna ka tisa tseha, delába ka tisa ka nu rigixxi'ake ge nu xxeni ra le Cristuha. Labie nuní anke atti tteba Tata Do Yebáha.

2 Corintios 5:17

Laxkala ttu benne chi babe len Cristuha, ttu benne kubiba chi beyaka benneha. Nu anke ttuha chiba bitua nuha, nnanna len benneha iyába chi beyaka kubi.

Gálatas 6:15

Kumu labí raka doelha si gwa ruu lo bela latiri'i o abittu, sinuki nu rakaru doelha eyakari'i ttiba ttu benne kubi arlo Tata Do Yebáha,

Efesios 2:1

Lebi'i ttiba ttu nu yatti ankale tti rekile ruinle tulha lhe tti rekile ruinle iyába nu satsa lhe.

Tito 3:5

Labie bodilábie ri'i, labí de benri'i ttu bixa nu anka tse. ¡Ko'o! Bodilábie ri'i de gwatua lebie ri'i nna bocharie ri'i ki beyakari'i nari xú arloe; beyakari'i attisidiba ttu nu beyali attu libe nna Espíritu geeha beyonie ri'i benne kubi.

Santiago 3:17

Ttaka benne rape elha rieni rute Tata Do Yebáha, benneha labí anke nu ruin satsa. Ankalee ttu benne rukenie lhe anke ttu benne re tse lebie lhe anágaba ankagabe ttu benne re yusi lebie lhe satíaba ratua lebie ka benne lhe anágaba ankagabe benne runi latsiru lhe benne runi tu tulapa len ka benne lhe anágaba ankagabe benne itú iki itú lebie runie ttu bixa, labí delo tisaba runie nuha.

1 Pedro 1:3

¡Xxeniba ra le Tata Do Yebáha Xxudi Jesucristu benne anke Xxanari'iha! Kumu de ratua xxatta lebie ri'i, de nuha nna beyonie ri'i benne kubi tti belhidha benbie Jesucristuha lo elhuttiha. Aníha benie kini ri'i gwalíga uxxen leri'i deki

1 Juan 2:29

Ganna lebi'i chi yule deki benneha anke benne runi attiba ankaba geni, la'ania nna gwa yúgabale deki nuxaba benne unie attiba ankaba geni, benne unie aníha, benneha nuha gwalíga chi anke xi'in Tata Do Yebáha.

1 Juan 3:9

Ka benne chi anka xi'in Tata Do Yebáha labíru rudona le ka benneha uinke tulha, kumu elha nabani rute Tata Do Yebáha, gwa doba benneha lhe'e lastoke nna labíru aka uinke tulha, kumu Tata Do Yebáha anke tata geke.

1 Juan 5:1

Iyába ka benne ganna ria leke deki Jesús‑ni anke Cristu, ka benneha nuha gwankake xi'in Tata Do Yebáha nna iyába ka benne rakakanie ge Tataha, rakagabakanie ge ka benne chi ankake xi'in Tataha.

1 Juan 5:18

Gwa yúbari'i deki iyába ka benne, delába ka benne chi ankake xi'in Tata Do Yebáha, labíru rudona leke uinke tulha, kumu Jesús benne anka Xi'in Tata Do Yebáha, labie ruyú tsitsie ke kini abittu ridí yie nu xxegwiha ke.

1 Juan 5:4

Kumu iyába ka benne chi anka xi'in Tata Do Yebáha chiba udaa ka benneha use'e tsitsike, abittu rixú yieke uinke nu satsa raka yiesi lo yu‑ni. Kumu ri'i, de ruxxen leri'i ge Cristuha, de nuha nna gwa ridaabari'i abittu ruinri'i nu satsa raka yiesi lo yu‑ni.

El Apocalipsis 3:14

’Bengaba yetsi‑ni nna udhelha na ge anjeli ruyúe ka benne chi ria leke neti se'eke lhe'esi Laodicea. Usi ke: “Aní ra Jesús benne tee lábie Amén, benne rigixxi'abie ge Tata Do Yebáha attiba ankaba geni lhe rinnebie nu ankaba gwalí lhe, benne bengabe len Tata Do Yebáha iyá tte nu se'e yiesi lo yu‑ni lhe iyá tte ka nu sia yebáha lhe,