San Juan 3:2 - Zapotec Yareni

² Benneha ugíabie ttu lo rela gwalannie Jesús‑ni nna ree benneha: ―Maestru, ri'itu yutu deki Tata Do Yebáha‑ba udhelhe lu kini ule'enlu ri'itu, kumu lanú ttu benne gwaka gebie unie ka milagru ruinlu‑na ganna abíba du Tata Do Yebáha lenbie.

San Juan 3:2 Iomraidhean Croise

San Mateo 22:16

Nianna tti udhelhakana ka nu rudhetikinnaha, itupa len ka nuha ka nu tákana Herodes nu rinnabiaha. Udhelhakana ka nuha kini gákana Jesús‑ni: ―Maestru, ri'itu yutu deki lu ankalu ttu benne rinnelu nu ankaba gwalí lhe rule'ebinlu ka benne neda ge Tata Do Yebáha attiba ankaba geni. Labí retabinlu ge nu inná ka benne, kumu labí rulannilu ttixa ankake.

San Mateo 23:7

Lhe ru'u lekani tti eti'a benne kana lo ka neda‑na, latsiru inneke gake kana padiuxi lhe anágaba lhe ru'ugaba lekani gake kana: “Maestru.”

San Mateo 23:8

’Ttaka lebi'i bittu dhielhale gákana le: “Maestru”, kumu sunruba ttu benne doe anke Maestru gele, [delába benne anke Cristuha]. Lebi'i turo'oba ankale, lanú benne ra xxeniru lebie do. Iyábale ttisidiba betsibale raka.

San Marcos 12:14

Ka nuha nna bisinkana, rákane: ―Maestru, gwa yúbatu deki lu rinnebalu nu ankaba gwalí, labí retabinlu ge nu inná ka benne, kumu labí rulannilu ttixa anka ka benne. Lu rule'ebinlu ka benne neda ge Tata Do Yebáha attiba ankaba geni. Gwelha unáchu, ¿si gwa ga'anaba kixari'i belhiu nu daa lori'i kixari'i len César nu rinnabia xeniha, o abittuba ak? ¿Si gwagixari'i belhuha, o abittuba ak?

San Juan 1:38

Tti bodeki lo Jesús‑ni nna bilánie danalhake bie, nianna ree ke: ―¿Bí regilale? Lake nna bekabike, ráke bie: ―Rabí, ¿gála reya'anlu? (“Rabí” dienna innána maestru.)

San Juan 10:38

ttaka ganna gwa ruinbaa nu runie, meskila a ria lele kia, gwaltsia lele ge nu rilenle runia, kini tsala unale deki Tata kiaha ttúba benne anke len neti nna neti nna ttúba benne ankaa lenie.

San Juan 12:37

Meskiba chi ben Jesús‑ni ixe ka milagru arlo ka benne, ttaka labí ria leke gebie.

San Juan 14:10

¿Si lagwa gwa ria lelu deki neti ttúba benne ankaa len Tataha nna Tataha nna ttúba benne anke len neti? Ka tisa rinnea‑ni nna labí nu anka kia ka nuní rinnea; sinuki nu anka ge Tataha benne doe lhe'e lastoa‑niba nuní rinnea. Labe runie iyá nu runia‑ni.

San Juan 15:24

Ganna ttixka neti abíba chi benia ka milagru lagwi gekani, ka milagru ka nu abittu chi ben nuxa attu benne, la'ania nna abittula nujakana yua ge ka tulha ruinkanaha ganna ttixka. Ttaka chiba bilákinna; laa kiga de chi bilákinna benia ka milagruha nna sa ritisibakinna neti lhe ritisigabakinna Tata kiaha lhe.

San Juan 2:11

Nuní sisi'a tte milagru ben Jesús‑ni lhe'esi Caná ge Galilea. Len nu benieha bele'ebie nu xxeni ra lebie. Ka benne rudhetinieha nna ugía leke gebie.

San Juan 20:16

Jesús‑ni nna ree: ―María. María‑ni nna bodeki loe unnebie tisa arameo, ree: ―¡Raboni! (“Raboni” dienna innána maestru.)

San Juan 3:26

Nianna tti bisinke ata du Juan‑ni nna ráke benneha: ―Maestru, biyúruga. Nu du lenlu daka ro'o yoo Jordán‑ni, nu utixxi'agabinlu ri'itu geniha, nnanna nuha chigaba rugadina ka benne inda nna iyábake diake danalhake na.

San Juan 4:31

Laka raka nuha nna ka benne rudhetini Jesús‑ni nna ráke bie: ―Uto yetta xa maestru.

San Juan 5:36

Ttaka neti teela ttu nu rigixxi'a tseruna kia tti nu utixxi'a Juan‑ni, delába ka milagru bedha'an Tataha len neti ki unia. La ka nuha‑ba rigixxi'akana deki gwalíba labe udhelhe neti.

San Juan 6:2

ixe ka benne danalhake bie kumu de chi bilákanie ixe ka milagru runie tti reyonie ka benne rani.

San Juan 7:31

Laa kiga de nuha nna ixeba ka benne se'e niha ugía leke gebie, nianna ráke: ―Cristuha, tti isie, ¿si ixerula ka milagru uin benneha ttichula nu ruin benne‑ni?

San Juan 9:16

Ttu chupa ka fariseo‑ni nna rákana: ―Nubiyú benna nuní labí anka nuha ge Tata Do Yebáha, kumu ribenlana sina tti risia ka sá reyaka leri'i. Adíkana nna rákana: ―¿Gasina aka ge ttu benne unie luesi ka milagru‑ni ganna anke nu runi tulha? Ya yaba le rinnekana, labí turo'o rinnekana.

Hechos 10:38

lhe anágaba gwa yúbale gasina bete Tata Do Yebáha Espíritu geeha len Jesús ge Nazaret‑ni, lhe bengabe kini ra tsitsi le benneha lhe anágaba gwa yúgabale gasina ugweki Jesús‑ni benie nu tse lhe beyonie iyába ka benne rugwe nu xxegwiha ke elha disa. Benie iyá nuní kumu Tata Do Yebáha gwa udúba lenie bie.

Hechos 2:22

’Lebi'i xa benne Israel, ―ra Pedruha― gwaludoruga nagale nu upeya le: Lebi'i gwa yúbale, Tata Do Yebáha benie kini Jesús ge Nazaret‑ni benie ka milagru lhe benie adíru ka nu bebaninle geni lagwi gele. Iyá nuní benie kini bele'ebie deki lee udhelhe Jesús‑ni.

Filipenses 1:14

Ixe ka betsi to geri'i de ruyúke tea lisiyya‑ni, de nuha nna ruxxenrula leke ge benne anke Xxanari'iha, nna reyaxarukanie rigixxi'ake ka tisa ge Tata Do Yebáha nna labí rasikanie.