San Juan 2:19 - Zapotec Yareni

¹⁹ Jesús‑ni nna bekabie gekani, ree: ―Gwaluttampa yotu‑ni nna delo tsunna ubisaba chi elhidhaa na.

San Juan 2:19 Iomraidhean Croise

San Mateo 12:40

Kumu ttiba gwate Jonás‑ni uyu'una lhe'e belha bartoha tsunna ubisa lhe tsunna ela lhe, anágaba neti benne daya yebáha, tsunna ubisa lhe tsunna elagaba tsu'a lhi'u yuha.

San Mateo 16:21

Debá la'ania nna udulo Jesús‑ni rigixxi'anie ka benne rudhetinieha deki teeki tsiabie lhe'esi Jerusalén‑ni. Niha teeki sate xxatte uyúe elha disa lo ná ka benneola ge ka nu Israel‑ni lhe lo ná ka nu loni ge ka bixxudiha lhe lo ná ka nu rule'ekinna ka benne nu ra lo bia bennabi bodha'an Moisés‑ni lhe. Nianna rágabe deki teeki uttikane nna eyonna ubisaha nna eyaka benbe attu libe.

San Mateo 27:40

rákana: ―Lu ralu deki ottampalu yotu‑na nna delo tsunna ubisaba chi elhidhalu na. ¡Ganna si gwalíginlu ankalu Xi'in Tata Do Yebáha, titúbalu benchu ki lhaalu lo ya kurusi‑na nna beyadichu!

San Mateo 27:63

rákana na: ―Tata xisi to, ri'itu rexxa letu ge nu ruin leniha tti sa anka bennaha, rana: “Ganna chi uka tsunna ubisa uttiaha, iki de nuha nna eyaka benbaa attu libe.”

San Marcos 14:58

―Ri'itu biyienintu rana: “Neti uttampaa yotu‑ni, yotu nu ben ka benne se'e yiesi lo yu‑ni. Nianna delo tsunna ubisaba nna chi elhidhaa attu yotu nu labí uin ka benne se'e yiesi lo yu‑ni.”

San Marcos 15:29

Ka nu rite ata taabieha nna ruttába ikikani rulisa xxattakane, rákana: ―¡Kaxa! ¡Lu ralu deki ottampalu yotu‑na nna delo tsunna ubisaba chi elhidhalu na!

San Marcos 8:31

Nianna tti udulo Jesús‑ni rabie ke: ―Neti benne daya yebáha teeki tate xxattaa uyúa elha disa. Ka benneola geri'iha lhe ka nu loni ge ka bixxudiha lhe, anágaba ka nu rule'ekinna ka benne nu ra lo bia bennabi bodha'an Moisés‑ni lhe, ka nuha ku'u ni'akani neti lhe uttikana neti lhe. Ttaka iki de chi beyonna ubisa uttiaha, la'ania nna eyaka benbaa attu libe.

San Juan 11:25

Jesús‑ni nna rabie na: ―Neti runia ki reyaka ben ka benne chi uttiha lhe runia kini raka ben ka benne ttu dia lii lhe. Benne tsia lebie neti, meskiba chi uttie nna gweyaka benbe ttu dia lii,

San Juan 5:19

Nianna bekabi Jesús‑ni ge ka nu loni ge ka benne Israel‑ni, rabie kana: ―Netiru ria, neti benne ankaa Xi'in Tata Do Yebáha labí aka unia nu yu'u ikia, sinuki ruinbaa nu rilábati ruin Tata kiaha. Kumu iyába nu ruin Tataha, aníha‑gaba neti benne ankaa Xi'inieha, aníha‑gaba runia.

Hechos 2:24

Jesús‑ni nuha belhidha ben Tata Do Yebáha lo elhuttiha, bodilee bie lo elha disa biyúe ge elhuttiha, kumu elhuttiha labí udaana uin genie.

Hechos 2:32

Gwalíba nna Jesús‑niba nuha belhidha ben Tata Do Yebáha lo elhuttiha nna iyábatu biyú lotu aníha‑ba uka.

Hechos 3:15

nna benne runie kini aka benri'i ttu dia liiha‑la bettile, ttaka Tata Do Yebáha belhidha benbe benneha lagwi ge ka benne chi uttiha. Ri'itu biyú lotu iyá nu ukaha.

Hechos 3:26

Laxkala tti belhidha benbie Xi'inieha lo elhuttiha, len lebi'i nuha lade'a tte udhelhe benneha kini aka lenie le, kini anáchu nna ttu ttule udhanle nu satsa ruinle‑na.

Hechos 6:14

Kumu chi biyienintu rana: “Jesús ge Nazaret‑ni utse'e loobana yotu‑ni lhe otseabana ka nu labinri'i ruinri'i, delába ka nu bodha'an Moisés‑ni uinri'i.”

Romanos 4:24

Sinuki ixúgabana geri'i, ri'i ka nu gapa Tata Do Yebáha ri'i kwenta deki abitturu yua nujari'i ge nu ruinri'i de chi ria leri'e. Labie belhidhe Jesús benne anke Xxanari'iha lo elhuttiha.

Romanos 6:4

Kumu tti udiri'i indaha, attisidiba uttibari'i nna bigatsigabari'i turo'o lenbie, kini anáchu Xxudiri'i do yebáha, benne ra xxeni leeha, anába attiba benie belhidhe Cristuha lo elhuttiha, anágaba unie lenri'i, kini tse'eri'i eyakari'i attiba ttu benne kubi, abitturu uinri'i nu benri'i itú ttuha.

Romanos 8:11

Kumu ganna Espíritu ge Tata Do Yebaa benne belhidha benbie Jesús‑ni lo elhuttiha, ganna benneha doe lhe'e lastole, la'ania nna benne belhidha benbie Jesucristuha lo elhuttiha, benneha‑gaba nuha utebie elha nabani ge latile‑na, delába latile nu rattina yiesi lo yu‑ni. Aníha unie kumu de do Espíritu geeha lhe'e lastole.

1 Corintios 15:12

Nianna, ganna ri'itu rigixxi'atu deki Cristuha beyadha benbie lagwi ge ka benne chi uttiha, ¿beakala nna sa raba ttu chupale deki ka benne chi uttiha labí eyaka ben ka benneha?

Colosenses 2:12

Atti udile indaha, la'ania nuha attisidiba bigatsibale len Cristuha, lhe anágaba nna beyaka bengabale len benneha de ugía lele deki Tata Do Yebáha tsitsi ra lebie belhidhe benneha lo elhuttiha.

1 Pedro 3:18

Kumu anágaba gwate Cristuha. Benneha suna ttu lidúba uttie utixe ge ka tulha geri'i. Labie nuha anke nu ruin tse nna uttie utixe ge ka nu ruin satsa. Aníha benie kini echebie ri'i kwe'e Tata Do Yebáha. Uttie len bela latieha nna atti beyaka banieha nna espírituba beyake.