San Juan 2:16 - Zapotec Yareni

¹⁶ Nianna rabie ka nu rutto'o ka bechaha: ―Gwalebea ka nuná nii nna bittu uinle lisi Tata kia‑ni yo'o ata raka i'iya.

San Juan 2:16 Iomraidhean Croise

San Mateo 21:12

Atti uta'a Jesús‑ni lali'a yotu ge Tata Do Yebáha, bochesue ka nu se'e gwetto'o lali'a ge yotuha lhe ka nu yu'u ugo'oha lhe. Nianna berixxi loe ka mexa ge ka nu se'e gwetsea belhuha lhe ka xxila rise'e ka nu rutto'o ka bechaha lhe.

San Mateo 21:13

Labie nna ree kana: ―Tata Do Yebáha lo ka yetsi geeha ree: “Yo'o kia‑ni ixúe kini ilhapi ka benne tisa len neti.” Ttaka lebi'i nna ttiba belea ata yu'u ka ubanala chi reyoinle yotu‑ni.

San Mateo 22:5

Ttaka ka nuha labí betabikinna ge nu rinnabiaha. Birialakana diakana: ttúna birialana diana gwelanni ka yu geniha, attuna nna birialana diana ata rutto'onaha,

San Marcos 11:17

Nianna rigixxi'anie ka benneha ree ke: ―¿Laaba ganna lo ka yetsi ge Tata Do Yebáha dia ra: “Yo'o kia‑ni ixúe kini iyá xea ka benne se'e yiesi lo yu‑ni ilhapike tisa len neti”? Ttaka lebi'i nna ttiba “belea ata yu'u ka ubanala” chi benle yotu‑ni.

San Lucas 2:49

Jesús‑ni nna bekabibi gebie, rabi: ―¿Beaka regilale neti? ¿Si bi gwa yule deki rakarula doelha udo lasia nu anka sina ge Tata kiaha?

San Juan 10:29

Tata kiaha betebie ke lasi náya. Benneha xxenirula ra lebie tti attu benne, laxkala lanú dhaana eguana ka benne ankake neru kiaha lo ná Tata kiaha.

San Juan 2:15

Nianna tti bilhe ttu tuu. Len nuha bochesue kana ro'o yotuha itupa lenkana ka neruha lhe ka ku'una rutto'okanaha, nna ka nu rotsea belhuha nna bedhíe belhiu gekaniha lo yu nna berixxi lobie ka mexa gekaniha.

San Juan 20:17

Jesús‑ni nna rabie María‑ni: ―Bittu udaxxulu neti kumu labí chi beyapia ata do Tata kiaha. Beyyala nna usi ka betsi to kiaha, delába ka benne bedhetiniaha, usi ke: “Chiba eya'aya ata do Tata kiaha, benne ankagabe Tata geleha. Benneha anke Diosi kia nna ankagabe Diosi gele.”

San Juan 5:17

Ttaka Jesús‑ni nna ree: ―Tata kiaha satíaba riben benneha, de nuha nna neti ribengabaa.

San Juan 8:49

Jesús‑ni nna bekabie gekani, ree: ―Lanú nu xxegwi yu'u lati neti. Neti gwa rugwebaa lidhaka Tata kiaha, ttaka lebi'i labí rugwele lidhakaa.

1 Timoteo 6:5

Satíaba ritilha tisake. Ka nu rule'ekana aní chiba riganna iki ka nuná, labíru yani do ikikani ki tte dákinna ge nu anka gwalí. Lakana rakakinna de udo lekani nu anka ge Tata Do Yebáha, de uinkana aníha nna kweakana belhiu len ka benne. Ka nu ruin aná, lu Timoteo, bekwitta kwe'e ka nuná.

2 Pedro 2:3

Lakana de raka xxatta lekani gatta gekani, de nuha nna otsi'inu lekani innekana nu abittu ankana nu gwalí. Aníha uinkana kini galhikana belhiu len lebi'i. Ka nu ruin aní, ttuha‑li chi ga'anani Tata Do Yebáha ukinnie kana, laxkala teeba ki tse'e lookana, de ttena abittu ttena.