San Juan 2:11 - Zapotec Yareni

¹¹ Nuní sisi'a tte milagru ben Jesús‑ni lhe'esi Caná ge Galilea. Len nu benieha bele'ebie nu xxeni ra lebie. Ka benne rudhetinieha nna ugía leke gebie.

San Juan 2:11 Iomraidhean Croise

San Juan 1:14

Benne anke tisaha beyake ttu benne attiba ri'i nna udoe lenri'i. Uka xxatte benne si'i lasi lhe bele'ebie nu anka gwalí lhe. Ri'i bilenri'i nu xxeni ra leeha, delába nu xxeni ra lebie nu bete Tata geeha kumu de anke Xi'in ttu túbiru ge benneha.

San Juan 1:17

Kumu bia bennabi bete Tata Do Yebáha lenri'i, lasi ná Moisés‑niba bodha'ane nuha, ttaka elha si'i lasi geeha lhe nu anka gwalíha lhe, Jesucristuha‑ba bele'enie ri'i nuha.

San Juan 1:43

Beyeki sáha bebeki le Jesús‑ni tsiabie daka Galilea, nianna beti'e Felipe‑ni nna ree benneha: ―Utá, betenalha neti.

San Juan 1:50

Jesús‑ni nna bekabie ree Natanael‑ni: ―¿Si de xpeya lu chi biláti lu relu xan ya higuha, si de nuha nna ria lelu kia? Adírula xxeni anka ka nu si ilenlu tti ka nuní.

San Juan 10:41

Ixe ka benne risinke ata dueha nna ráke: ―Gwalí galá Juan‑ni labí bixa ttu milagru ben benneha, ttaka iyába nu utixxi'anie ri'i ge nubiyú du nii, gwalíba nu ra benneha.

San Juan 11:15

De lebi'i nna redeakati kumu de labí dua niha tti utti benneha. Nnanna nna tsiarugari'i kini ilenle nu unia, kini aníha nna tsia lele kia.

San Juan 11:47

Ka fariseo‑ni lhe ka nu loni ge ka bixxudiha lhe, bottupa ttebakana ka nu runi elhuxtisi ge ka benne Israel‑ni nna ra luesikani: ―¿Bíla anka nu uinri'i ganna? Nubiyú reki nii ixeba ka milagru ruinna.

San Juan 12:18

De nuha nna biria ka benne gwaledake bie kumu de binake ge milagru benieha.

San Juan 12:37

Meskiba chi ben Jesús‑ni ixe ka milagru arlo ka benne, ttaka labí ria leke gebie.

San Juan 12:41

Isaías‑ni unnena aníha kumu chiba bilenna nu xxeni inná le Jesús‑ni ganna chi bisie. De nuha nna utixxi'ana gebie.

San Juan 14:13

Lhe anágaba iyába nu innabale len Tataha tti udettile neti, neti nna gwinbaa nu innabaleha kini anáchu de neti benne ankaa Xi'inieha, de neti nna inná xxeni le Tataha.

San Juan 16:27

Kumu kwinaba Tataha rakanie gele. Rakanie gele kumu lebi'i chi rakinle kia lhe anágaba kumu chi ugía lele deki gwalí ata do Tataha‑ba biriaya daya.

San Juan 16:30

Nnanna chi rite dentu deki labí riyasinlu nuxa innaba tisana lu kumu iyába yulu. De nuha nna chi ria letu deki ata do Tata Do Yebáha‑ba birialu dalu.

San Juan 2:1

Beyonna ubisaha nna utta ttu dha'a lhe'esi Caná ge Galilea‑ni. Niha‑gaba du nan ge Jesús‑ni.

San Juan 2:23

Laka reki Jesús‑ni lhe'esi Jerusalén‑ni tti raka laní Pascuaha, ixe ka benne ugía leke gebie de bilákanie ka milagru runieha.

San Juan 3:2

Benneha ugíabie ttu lo rela gwalannie Jesús‑ni nna ree benneha: ―Maestru, ri'itu yutu deki Tata Do Yebáha‑ba udhelhe lu kini ule'enlu ri'itu, kumu lanú ttu benne gwaka gebie unie ka milagru ruinlu‑na ganna abíba du Tata Do Yebáha lenbie.

San Juan 4:3

tti bina Jesús‑ni nu chi biyienkin fariseo‑ni, nianna bedábie daka Judea nna besine daka Galilea attu libe.

San Juan 4:46

Nianna beyeki Jesús‑ni attu libe lhe'esi Caná. Yiesiha rena daka Galilea ata beyonie indaha vinu. Lhe'esi Capernaum‑ni do ttu nu rinnabia nu duna kwe'e nu rinnabia xeniha. Nuha do ttu xi'in biyúni ranina.

San Juan 4:54

Nuní berupa milagru ben Jesús‑ni iki de chi bedábie daka Judea‑ni nna besine daka Galilea‑ni.

San Juan 5:23

kini anáchu nna neti benne ankaa Xi'inieha, iyába ka benne ugweke lidhakaa ttigaba rugweke lidhaka Tataha nna nu abíba rugwena lidhakaa, labígaba rugwe nuha lidhaka Tataha benne udhelhe netiha.

San Juan 6:14

Ka benneha tti bilákanie milagru ben Jesús‑ni, nianna ráke: ―Benne‑niligaba gwalí anke profeta chi ga'anna isia yiesi lo yu‑ni.

San Juan 6:2

ixe ka benne danalhake bie kumu de chi bilákanie ixe ka milagru runie tti reyonie ka benne rani.

San Juan 6:26

Jesús‑ni nna bekabie geke, ree: ―Netiru ria, labí rekile ugila neti de rilenle ka milagru runia‑ni, sinuki rekile ugila neti kumu de begoa le yettaxtila nna axtaba beyielinle.

San Juan 6:30

Nianna tti ráke bie: ―¿Bí milagru uinlu kini ri'itu ganna chi bilentu ka milagruha nna tsia letu gelu? ¿Bí ttu nu tse uinlu?

San Juan 7:31

Laa kiga de nuha nna ixeba ka benne se'e niha ugía leke gebie, nianna ráke: ―Cristuha, tti isie, ¿si ixerula ka milagru uin benneha ttichula nu ruin benne‑ni?

San Juan 9:16

Ttu chupa ka fariseo‑ni nna rákana: ―Nubiyú benna nuní labí anka nuha ge Tata Do Yebáha, kumu ribenlana sina tti risia ka sá reyaka leri'i. Adíkana nna rákana: ―¿Gasina aka ge ttu benne unie luesi ka milagru‑ni ganna anke nu runi tulha? Ya yaba le rinnekana, labí turo'o rinnekana.

2 Corintios 3:18

De nuha nna iyábari'i labíru ankari'i ttiba ttu benne yaya loe ttu lari. Attiba lo ttu iyya gwana chiba rilá saabinri'i nu xxeni ra le Tata Xisiha. Kwa kwaba diari'i rule'e loori'i nu xxeni ra leeha nna kwa kwagaba risinri'i rakari'i attiba labie. Tata Xisiha benne anke Espírituha, benneha runie kini raka aní.

2 Corintios 4:17

Kumu nnanna nu ratetu yiesi lo yu‑ni, lattiba nuní lhe sattiba ratetu nuní lhe, ttaka nu dhitu ge nu ratetu‑ni xxenirula anka nuha lhe ttu dia liiba edí baatu geni yebáha lhe.

2 Corintios 4:6

Kumu Tata Do Yebáha, delába benne rabie: “Galha xiani ata anka chulhaha”, lagabe nuha chi rudenie lhe'e lastotu kini tte dentu nu xxeni ra lebie. Nu xxeni ra leeha nuha rilenri'i lo Jesucristuha.

1 Juan 5:13

Iyá nuní benia lo yetsi‑ni nna ridhelhaa na gele, lebi'i ka benne chi ria lele ge Xi'in Tata Do Yebáha, kini anáchu nna yule deki gwa tee elha nabani gele ttu dia lii.