San Juan 19:4 - Zapotec Yareni

⁴ nianna tti bederia Pilato‑ni attu libe, rana ka nu Israel‑ni: ―Gwaluyúruga. Nena chi kweaya‑ni kini uyú lole deki neti labí raxxakaa bixa tulha benna.

San Juan 19:4 Iomraidhean Croise

San Mateo 27:19

Laka do Pilato‑ni ata rinnabianaha nna udhelha nuila geniha ttu rresona geni, rana na: “Bittu uga'a nálu len nubiyú‑na. Labí bixa ben nuná. Kumu de lana nna neti yalhá elha disa biyúa bitsiati ttu ela.”

San Mateo 27:24

Tti ute den Pilato‑ni deki labí dhaana lo ka nuha, kumu adíla rigiyyakana, nianna tti bedaxxuna inda nna utí náni arlokani nna rana kana: ―Labí udelhale kwe'a elhutti ge nubiyú‑ni. ¡Naba gwaluyú!

San Mateo 27:4

nna rana ka nuha: ―Neti tulha xxeniba nuná benia betea lasi nále ttu benne labí bi benie. Ttaka ka nuha nna bekabilakana, rákana: ―¡Deloxa, labí yu ri'itu! ¡Naba biyú!

San Mateo 27:54

Soldadu nu baninna adí ka soldaduha, du lenna attu chupa ka soldadu ruyúkana Jesús‑ni. Ka soldaduha tti bilákinna chi rixúha lhe iyá nu chi ukaha lhe, nianna usi xxattakinna nna rákana: ―Benne‑niligaba nna gwalí anke Xi'in Tata Do Yebáha.

San Lucas 23:4

Nianna ra Pilato‑ni ka nu loni ge ka bixxudiha lhe ka benne sama niha lhe, rana ke: ―Neti, labí raxxakaa bixa tulha daa nubiyú‑ni.

San Lucas 23:41

Ri'i ruyú galári'i elha disa lo ya kurusi‑ni, kumu ralhabari'i kixari'i ge nu benri'i, ttaka benne‑ni nna labí bixa nu satsa chi benie.

San Lucas 23:47

Tti chi bilani soldadu nu baninna ttu gayua (100) ka soldadu ge Roma‑ni nu chi ukaha, nianna rana: ―¡Xxeniba ra le Tata Do Yebáha! Gwalíba nna nubiyú‑ni benne tseba anka nuní.

San Juan 18:33

Nianna tti bedeta'a Pilato‑ni attu libe lhe'e guskaduha nna uxina Jesús‑ni nna rane: ―¿Si lu ankalu nu rinnabia ge ka benne Israel‑ni?

San Juan 18:38

Pilato‑ni nna rane: ―¿Bí nuha nu anka gwalí? Nuha‑ba ra Pilato‑ni nna tti bederiana attu libe ata se'e ka nu Israel‑ni nna rana kana: ―Labí raxxakaa bixa tulha ben nuní.

San Juan 19:6

Ka nu loni ge ka bixxudiha lhe ka nu rise'e gweyú ro'o yotuha lhe, tti bilákinna Jesús‑ni, nianna tti unnekana idisa rákana: ―¡Betá nuná lo ya kurusi! ¡Betá nuná lo ya kurusi! Pilato‑ni nna bekabina gekani, rana kana: ―Lebi'iba gwaleche na nna gwalutá na lo ya kurusi, kumu neti labí raxxakaa bixa tulha ben nuní.

2 Corintios 5:21

Cristuha labí tulha ben benneha, ttaka de ri'i nna bejua Tata Do Yebáha bie tulha geri'i kini de nu gwateeha nna utua Tata Do Yebáha yua kwe'eri'i ge ka tulha ruinri'i.

Hebreos 7:26

Kumu luesi bixxudi xeni‑ni riyasinri'i. Benne‑ni chi biriesie kini ake ge Tata Do Yebáha lhe chi anke nari xú, lhe abittu tulha gebie tee lhe. Anágaba nna abittu runie luesi nu satsa runi ka nu ruin tulha. Labie ra xxeniru lebie doe yebáha.

1 Pedro 1:19

sinuki len reni ge Cristuha‑la uxa gele kini bodilaa Tata Do Yebáha le. Nu gwate Cristuha lo ya kurusiha nuha nu daka. Benneha uke attiba ttu neru to nu rutekana úna lo bekú ge Tata Do Yebáha. Neru toha labí tsiga ankana lhe labí bixa ankinna lhe. Aníha‑ba nuha uka Cristuha tti uttie utixe geri'i.

1 Pedro 2:22

Benneha labí nu satsa benie lhe labí gwen lasi unnebie lhe.

1 Pedro 3:18

Kumu anágaba gwate Cristuha. Benneha suna ttu lidúba uttie utixe ge ka tulha geri'i. Labie nuha anke nu ruin tse nna uttie utixe ge ka nu ruin satsa. Aníha benie kini echebie ri'i kwe'e Tata Do Yebáha. Uttie len bela latieha nna atti beyaka banieha nna espírituba beyake.

1 Juan 3:5

Ttaka lebi'i chiba yule deki Jesús‑ni bite yiesi lo yu‑ni kini boxíbie ka tulha geri'i. Benneha labí tulha runie.