San Juan 17:8 - Zapotec Yareni

⁸ kumu ka tisa betelu len netiha chiba utixxi'ania ke ka nuha nna gwa belabibake ka tisaha. Nnanna nna chiba yuke deki gwalíba ata dolu‑naba biriaya daya lhe chigaba ugía leke deki luba udhelhalu neti.

San Juan 17:8 Iomraidhean Croise

San Mateo 13:11

Lee nna bekabie, ree: ―Lebi'i gwa ruinba Tata Do Yebáha ki tte denle nu labí yu adí ka benne, delába gwa ruinbe ki tte denle gasina innabie. Adí ka benne nna labí runie kini utte dáke.

San Juan 12:49

Kumu neti labí rinnea nu anka kia. Tata kia benne udhelhe netiha, benneha‑ba chi rabie neti bixa innía lhe gasina innea lhe.

San Juan 14:10

¿Si lagwa gwa ria lelu deki neti ttúba benne ankaa len Tataha nna Tataha nna ttúba benne anke len neti? Ka tisa rinnea‑ni nna labí nu anka kia ka nuní rinnea; sinuki nu anka ge Tataha benne doe lhe'e lastoa‑niba nuní rinnea. Labe runie iyá nu runia‑ni.

San Juan 15:15

Labíru kixxaa lále nu reni lo sina kia, kumu nu reni lo sinaha, labí yu nuha bixa ruin xxananiha. Neti chi teeti lále benne do tse lania kumu iyába nu chi ra Tata kiaha neti, chiba utixxi'ania le nuha.

San Juan 16:27

Kumu kwinaba Tataha rakanie gele. Rakanie gele kumu lebi'i chi rakinle kia lhe anágaba kumu chi ugía lele deki gwalí ata do Tataha‑ba biriaya daya.

San Juan 16:30

Nnanna chi rite dentu deki labí riyasinlu nuxa innaba tisana lu kumu iyába yulu. De nuha nna chi ria letu deki ata do Tata Do Yebáha‑ba birialu dalu.

San Juan 17:14

Neti chiba utixxi'ania ke ka tisa gelu‑ni, ttaka ka nu se'e yiesi lo yu‑ni ritisilakinna ke kumu de labí ankake ge yiesi lo yu‑ni, attigaba neti labí ankaa ge yiesi lo yu‑ni.

San Juan 17:18

Attiba kwinalu udhelhalu neti yiesi lo yu‑ni, anágaba neti ridhelhaa ke yiesi lo yu‑ni ki kixxi'ake ka tisa gelu.

San Juan 17:21

kini anáchu nna iyába ka nu tsia lekani kia ttisidiba ttúba benne eyakakana, attiba lu xa Tata, ttúba benne ankalu len neti, neti nna ttúba benne ankaa lenlu. Anágaba ka nu tsia lekaniha, ttúba benne eyakakana len ri'i, kini anáchu adí ka nu a ria lekani nna tsia lekani deki luba udhelhalu neti.

San Juan 17:23

Lu dulu len neti; neti nna dhua lenkana, kini lakana nna gwalíga isinkana eyakakana attisidiba ttúba benne, kini anáchu adíru ka benne se'e yiesi lo yu‑ni tte dákanie deki luba udhelhalu neti lhe gwa rakabinlu ge ka nu tsia lekani kia attiba rakabinlu kia.

San Juan 17:3

Ganna ka benne chi benbiake lu deki ankalu gwalíga ttu túbiru Diosi lhe ganna chi benbiake neti Jesucristu benne udhelhalu yiesi lo yu‑ni, la'ania nna ka benneha satíaba aka benke arlolu.

San Juan 3:17

Kumu Tata Do Yebáha laa udhelhage neti benne ankaa Xi'inie, laa udhelhage neti yiesi lo yu‑ni kini ukinnia ka benne, sinuki udhelhalee neti kini odiláya ke.

San Juan 3:33

Ttaka nu gwa ria leni ge benneha, lana nuha rigixxi'iana deki Tata Do Yebáha rinne nu anka gwalí.

San Juan 6:68

Simón Pedro‑ni nna bekabina gebie, rana: ―Tata Xisi to, ¿núruala sanalhatu ganna? Ki lula nuná rinnelu ka tisa ka nu ruinkana kini satíaba aka bentu arlo Tata Do Yebáha.

San Juan 8:42

Jesús‑ni nna rabie ke: ―Gannala gwalíga Tata Do Yebáha anke xxudile, la'ania nna lebi'i gwa rakalinle kia, kumu neti ata do Tata Do Yebáha‑ba biriaya daya nna dua nii. Labí nu yu'u iki neti benia ki daya; labe udhelhe neti.

1 Corintios 11:23

Kumu neti nu bele'ebani Tata Xisiha neti, nuha‑ba utixxi'ania le: loolha tti bete Judas‑ni Jesús benne anke Xxanari'iha lasi ná ka nu uttikaneha, la'ania nuha bedaxxu Jesús‑ni yettaxtilaha

1 Corintios 15:1

Betsi to, nnanna rodhua lele ka tisa ge Cristuha, delába ka tisa tse chi utixxi'ania leha, ka tisa ugíagaba lele gekeha lhe den tsitsile ke nnanna lhe.

1 Tesalonicenses 2:13

De nuha nna satíaba rugwetu Tata Do Yebáha ixkixaru, kumu lebi'i ka benne chi ria lele gebie, tti biyieninle ka tisa rigixxi'atu geeha, labí ukinle deki ka tisa utixxi'entu leha, nu anka gebatu ka benneha rinnetu, sinuki bedaxxubale ke atti galába tisa ge Tata Do Yebáha, kumu de gwalíba ankake tisa gebie. Ka tisa geeha nuha rotseake elha ruin gele.

1 Tesalonicenses 4:1

Nnanna xa betsi to, rinnabatu len lebi'i lhe rulisatu le lhe, gwaluinchi lo ni'a ge Jesús benne anke Xxanari'iha, tse'ele uinle nu tsu'u le Tata Do Yebáha, uinle attiba chi bele'entu leha. Attigaba chi ruinle nnanna, anába sa tsiarule uinle.

1 Juan 4:14

Ri'itu biyú lotu lhe rigixxi'atu deki Tataha udhelhe Xi'inieha kini odilábie ka benne se'e yiesi lo yu‑ni.

El Apocalipsis 1:1

Lo yetsi‑ni dia nu ben Tata Do Yebáha kini Jesucristuha bela'anie nu chi tte dabiga aka. Jesucristuha nna bedonie kini ka benne rixúke lo sina geeha bodola'agabakanie nu chi dabiga akaha nna udhelhe anjeli geeha len neti Juan benne rixúa lo sina geeha kini anjeliha nna benie kini bela'ati iyá nuní.