San Juan 15:8 - Zapotec Yareni

⁸ Tata kiaha nuha inná xxeni lebie ganna lebi'i uinle ixe nu anka tse. Aníha nuha nna gwasinle akale benne gwalíga rudhetinia.

San Juan 15:8 Iomraidhean Croise

San Mateo 5:16

Anágaba lebi'i latsiru gwaluni, kini elha ruin gele akana ttiba ttu xiani, kini anáchu tti iláni ka benne nu tse ruinleha, la'ania nna innáke: “Xxeniba ra le Tata gele do yebáha.”

San Mateo 5:44

Ttaka neti ria le: Akinle ge ka nu bittu raka uyúkana le [lhe innabale len Tata Do Yebáha ki aka lenie ka nu rigekana ikile lhe anágaba latsiru gwalulisa ka nu ritisikinna le] lhe gwalinnabala len Tata Do Yebáha ge ka nu rulisa xiikana le, lhe ka nu ridú nookana le lhe.

San Mateo 9:8

Ka benne saa niha, nna uka tébakanie tti bilákanie nu ukaha, nianna tti ráke: ―Xxeniba ra le Tata Do Yebáha de betebie lo neda ge ka benne se'e yiesi lo yu‑ni kini reyoinke ka benne rani.

San Lucas 6:35

Ttaka lebi'i, akinle ge ka nu abittu raka uyúkana le lhe uinle latsiru lenkana lhe. Anágaba nna ute gannale ge ka benne nna bittu tse'ele kwedale deki gwedíle ge nu beteleha. Ganna aníha uinle, la'ania nna xxeniba anka nu tse ralhale dhile, lhe anágaba nna akale xi'in Tata Do Yebaa benne ra xxeni leeha. Kumu benneha anke benne tse len ka nu abittu rugwekane ixkixaru lhe anke benne tse len ka nu runi satsa lhe.

San Juan 13:35

Ganna rakani ge luesile, la'ania nna iyába ka benne tte dákanie deki lebi'i chiba ankale benne rudhetinia.

San Juan 15:5

’Neti nuní ankaa ya uvaha, lebi'i nna ankale ka náya. Benne gwa du lenie netiha, neti nna gwa dúgabaa lenie nna ixeba nu tse unie, kumu ganna lebi'i abíba du lenle neti, labí aka gele bixa uinle.

San Juan 8:31

Nianna tti ra Jesús‑ni ka benne Israel, ka benne chi ugía leke geeha: ―Ganna lebi'i udole tisa ge nu rinnea‑ni, la'anialigaba nna chi akale benne gwalíga rudhetinia.

1 Corintios 10:31

Laxkala sila gole lhe sila i'iyale lhe o sila uinle attu bixa, iyá nu uinleha, uinle na kini inná xxeni le Tata Do Yebáha.

1 Corintios 6:20

kumu Tata Do Yebáha yaxi bedhake le tti uyo'obie leha. De nuha nna latsiru gwaluin len bela latile‑na, kumu ganna uinle latsiru, Tata Do Yebáha nuha ruinle kini ra xxeni lebie.

Filipenses 1:11

La'aniagaba otso dule iyá nu tse benle, de ben Jesucristuha le ayuda. Aníha nuha ki ugwele lidhaka Tata Do Yebáha lhe kini inná xxeni lebie lhe.

Tito 2:10

Abittu udaxxu sigákana nu tee ge ka nuná. Ule'e loola kana deki gwa ankakana benne nu dika uxxen leri'i gekani. Aníha kini len elha ruin gekaniha ule'e lookana nu tse ruin ka tisa rule'eri'i ge Tata Do Yebaa benne rodilábie ri'iha.

Tito 2:5

Anágaba akake ka benne lade'axa ulaba leke tti uinke ttu bixa, lhe akagabake ka benne uin taga'a nu anka tse, lhe anágaba akake ka benne udo leke lhe'e lisike, lhe akake ka benne kwe tse leke lhe. Anágaba akagabake ka benne udo nagake ge ka benne biyú geke‑na uinke nu inná ka benne‑na. Aníha uinke kini abittu itua bala'ana ge ka tisa ge Tata Do Yebáha.

1 Pedro 2:12

Latsiru gwaluni lagwi ge ka nu abittu chi ankabiakinna Tata Do Yebáha, kini meskiba rinnekana gele rákana deki ankale nu ruin satsa, nna tti ilákinna deki tseba ruinle, la'ania nna innákana deki xxeniba ra le Tata Do Yebáha ganna chi isia sá unie elhuxtisi ge ka benne.

1 Pedro 4:11

Ganna nuxa ttúle betebie elha tse gele kini kixxi'ale ka tisa geeha, gwalinneba ka tisa ka nu rutebe len lebi'i nna ganna nuxa ttúle edá lele ute nále len adí ka benne, nu edá lele uinleha, gwaluin na len nu tsitsi ra le Tata Do Yebáha kini anáchu de Jesucristuha nna iyába nu uinleha, nuha uinna kini inná xxeni le Tata Do Yebáha. Benneha ra tsitsi lebie lhe rinnabie ttu dia lii lhe. Amén.