San Juan 15:5 - Zapotec Yareni

⁵ ’Neti nuní ankaa ya uvaha, lebi'i nna ankale ka náya. Benne gwa du lenie netiha, neti nna gwa dúgabaa lenie nna ixeba nu tse unie, kumu ganna lebi'i abíba du lenle neti, labí aka gele bixa uinle.

San Juan 15:5 Iomraidhean Croise

San Mateo 13:21

Ttaka kumu de labí chi begwe lhu ka tisaha lhe'e lastoe, de nuha nna ttu sattiruba ugía lebie. Laxkala tti ruyúe ttu bixa elha disa o ridú nookane delo ni'a ge ka tisaha, la'ania nna reyadi gaa ttebe.

San Juan 12:24

Netiru ria, ttiba xua xuxtilaha, ganna abíba igatsi yu ikie ki e'eyue, la'ania nna labí tsani benneha, ttúbe eya'anna. Ttaka ganna xuaha gattibe, delába egelhaba xoe nna e'eyue, la'ania nna ixeni lena ute benneha.

San Juan 15:16

Laa lebi'iga bekwele neti; netila bekwea le nna chi beka'anaa le ki tsiale uinle nu anka tse nna nu tse uinleha nna uchíana isá. Aníha kini iyába nu innabale len Tataha tti udettile neti, benneha nna gutebe nu innabaleha.

San Juan 5:19

Nianna bekabi Jesús‑ni ge ka nu loni ge ka benne Israel‑ni, rabie kana: ―Netiru ria, neti benne ankaa Xi'in Tata Do Yebáha labí aka unia nu yu'u ikia, sinuki ruinbaa nu rilábati ruin Tata kiaha. Kumu iyába nu ruin Tataha, aníha‑gaba neti benne ankaa Xi'inieha, aníha‑gaba runia.

San Juan 9:33

Ganna ttixka nu bedhalina ka iyya loa‑ni abittuba ankana nu udhelha Tata Do Yebáha, la'ania nna labí aka ge nuná uinna ttu bixa.

Hechos 4:12

Lhe anágaba lanú attu nuxa gwaka geni odilána ri'i, kumu lanú attu benne chi udhelha Tata Do Yebáha yiesi lo yu‑ni kini odilábie ri'i, sunruba Jesús‑ni.

Romanos 12:5

Anágaba ri'i, ixebari'i raka, ttaka suna ttúba benne ankari'i de chi babari'i len Cristuha, kumu kua ttu tturi'i baba len luesiri'i. Aníha kini ttu tsapaba tse'e len luesiri'i.

Romanos 6:22

Ttaka nnanna de chi bebea Tata Do Yebáha le lo tulha‑na, lhe de chi ankale ka nu rixúle lo sina gebie lhe, de nuha nna chi ulesie le kini akale gebie lhe aka benle ttu dia lii arloe lhe.

Romanos 7:4

Anágaba lebi'i xa betsi to kia, de chi utti Cristuha utixe gele, de nuha nna labíru ankale ge bia bennabi‑na, kumu attisidiba chiba uttile geni. Aníha kini isinle akale ge attu benne, delába ge Cristu benne beyaka benbie lo elhuttiha, lhe aníha kini lebi'i tse'ele ixúle ge Tata Do Yebáha uinle nu tse.

1 Corintios 10:16

Tti rori'i irse ge Cristuha, la'ania rugweri'e ixkixaru ge vinu ri'iyari'iha. Tti ri'iyari'i nuha, ¿laaba ganna reni belalie tti uttieha nuha chi riselari'i? Lhe yettaxtila rori'i la'ania, ¿laaba ganna latieha nuha chi riselari'i tti rori'i yettaxtilaha?

1 Corintios 12:12

Attiba latiri'i‑ni, meskiba ttúba ankana, ttaka ixe looba ka nu rapana, nna iyába ka nu rapanaha, meskiba raka ixekana, ttúba benne reyaka iyákana. Anágaba ka benne babake len Cristuha, meskiba ixeke raka, ttaka ttúba benne reyaka iyáke.

1 Corintios 12:27

Lebi'i nuná ankale lati Cristuha nna kua ttu ttule ankale benne chi babale latie.

2 Corintios 13:8

Kumu ri'itu ruintu nu raxxína len nu gwalíga anka tisa ge Tata Do Yebáha, labí ruintu nu abittu raxxína len tisa geeha.

2 Corintios 9:10

Tata Do Yebaa benne rutebie ninni lhe rugoe benne rigu'ubie lo yuha lhe, benneha‑gaba nuha uterue yani gele kini uinrule nu anka tse.

Gálatas 5:22

Ttaka nu tse runi Espíritu ge Tata Do Yebáha lenri'i, runie kini ri'i rakin ge luesiri'i, lhe runie kini redú itta leri'i, lhe ruse'ebie ri'i xen su lasi, lhe anágaba besiba ribekie leri'i, lhe runie kini rakari'i benne re tse leri'i, lhe anágaba runie kini ruinri'i latsiru, lhe runie kini rakari'i nu abittu runnitti tisa geni, gwa ruinbari'i nu chi rari'i uinri'i,

Efesios 5:9

Gwalutte daa gasina anka nu ru'u le Jesús benne anke Xxanari'iha. Kumu ka benne rekike lhe'e xianiha, ankake benne tse lhe ankake benne runi attiba ankaba geni lhe. Anágaba rinnegabake nu ankaba gwalí.

Filipenses 1:11

La'aniagaba otso dule iyá nu tse benle, de ben Jesucristuha le ayuda. Aníha nuha ki ugwele lidhaka Tata Do Yebáha lhe kini inná xxeni lebie lhe.

Filipenses 4:13

Lo iyába nu ratea, gwa ridaabaa ridúa loni de babaa len Cristuha. Benneha rudú tsitsie neti.

Filipenses 4:17

Laa rinnegaa aní de rakaru lasia utele nu riyasati. Nu rakala lasia, lebi'i gattaru elha tse gele arlo Tata Do Yebáha.

Colosenses 1:10

Aníha kini tse'ele uinle atti galába runi ka benne chi ankake ge Jesús benne anke Xxanari'iha, tse'ele uinle iyá nu dika tsu'u lebie, delába uinle iyá nu anka tse lhe isinle uinbia tserule Tata Do Yebáha lhe.

Colosenses 1:6

Ka tisa‑ni nuní bisiake len lebi'i lhe anágaba chigaba radhike itúba yiesi lo yu‑ni lhe. Ka benne‑ni nuní rotseake elha ruin ge ka benne. Aníha‑gaba benke len lebi'i, nna debá tti biyieninle ka tisa‑ni nna ute denle deki gwalíga rakani Tata Do Yebáha gele.

Santiago 1:17

kumu iyába nu anka tse lhe iyába nu anka ida'a, delába nu labí riyasa ttu bixa geni, iyá nuní gwetsába dana udhelha Tata Do Yebáha. Labie benie ka xiani sia yebáha. Ka nuha rotseaba xiani gekani, ttaka benneha labí rutsea elha ruin gebie.

1 Pedro 2:4

Gwalibiga kwe'e Cristu benne anke attiba ttu íyya bani. Benneha nuha ulu'u ni'a ka benne, ttaka len Tata Do Yebáha anke benne daka xxatta lhe bekwegabe bie lhe.

2 Pedro 3:18

Lebi'i nu uinlale, gwaltse'e tsitsirula lo neda geeha, abittu udhanle nu tse redá lebie rutebie gele lhe anágaba gwaluinbia chiettiru Jesucristu benne anke Xxanari'iha lhe anke benne rodilábie ri'i lhe. Benneha uinri'i kini inná xxeni lebie ttu dia lii. Amén.