San Juan 15:4 - Zapotec Yareni

⁴ Lebi'i, gwaltse'e len neti nna anágaba neti gwadúgabaa len lebi'i. Ttiba ka ná ya uvaha, ganna abíba yietikana lati yagaha, labí aka ute ka nuha nu xixxi, anágaba lebi'i, ganna abíba se'ele len neti, labí aka gele uinle nu anka tse.

San Juan 15:4 Iomraidhean Croise

San Mateo 12:33

’Ganna ttu ya xixxi anka tsena, la'ania nna tsegaba anka nu xixxi utena nna ganna ttu ya xixxi abíba anka tsena, la'ania nna abígaba tse anka nu xixxi utena. Kumu ka yaga‑na, ukare'aba nu xixxi ribia lokinna, runna liina gasina ankakana.

San Lucas 8:15

Ttaka ka xua ubinni ata do taga'a yuha nna ankake ka benne riyienkanie ka tisaha nna itú iki itú leke rudaxxuke ka tisaha. Anágaba nna labí rudú siike ruinke nu ra ka benneha.

San Juan 14:20

Tti isia sá esiayaha, la'ania nna tte denle deki neti ankaa ttúba benne lenia Tata kiaha; lebi'i nna akale ttúba benne len neti, neti nna akaa ttúba benne len lebi'i.

San Juan 17:23

Lu dulu len neti; neti nna dhua lenkana, kini lakana nna gwalíga isinkana eyakakana attisidiba ttúba benne, kini anáchu adíru ka benne se'e yiesi lo yu‑ni tte dákanie deki luba udhelhalu neti lhe gwa rakabinlu ge ka nu tsia lekani kia attiba rakabinlu kia.

San Juan 6:56

Benne gobie bela kia‑ni lhe i'iye reni kia‑ni lhe, benneha nuha gwa due len neti, neti nna gwa dúgabaa lenbie.

San Juan 8:31

Nianna tti ra Jesús‑ni ka benne Israel, ka benne chi ugía leke geeha: ―Ganna lebi'i udole tisa ge nu rinnea‑ni, la'anialigaba nna chi akale benne gwalíga rudhetinia.

Hechos 11:23

Bernabé‑ni nna atti bisinna niha nna ute denna deki tseba ruin Tata Do Yebáha len ka benneha, nianna bedeakinna nna belisana ke kini bodú ittana le iyábake, rana: ―Ttu tsa gwalebeki lele tse'ele udole tisa ge Jesús benne anke Xxanari'iha.

Hechos 14:22

Betekana ka niha kini bese'e tsitsikana ka benne chi ria leke ge Jesús‑ni, rákana ke: “Abittu udhanle a tsia lele ge benneha.” Rágabakana ke: “Anába teeki sateri'i uyúri'i elha disa kini anáchu esinri'i ata do Tata Do Yebáha rinnabie.”

2 Corintios 13:5

La lebi'iba gwaltse'e gwalulanni gele ganna gwalínle ria lele Cristuha. Lebi'i gwa yúbale, benneha doe lhe'e lastole. Ganna abíba doe lhe'e lastole, la'ania nna chiba binittile arlo Tata Do Yebáha.

Gálatas 2:20

Neti ttisidiba utábaa len Cristuha lo ya kurusiha, de nuha nna ttisidiba lanúru neti doa, Cristuha‑ba nuní doe lhe'e lastoa. Nnanna doa anka bania lhe'e bela latia‑ni, dobaa ria lasia ge Xi'in Tata Do Yebáha. Benneha ukanie kia nna betebie elha nabani geeha kini uttie utixe kia.

Efesios 3:17

kini dho Cristuha lhe'e lastole de tsia lele gebie. Rinnabagabaa lenie kini lebi'i, de chi se'e tsitsile rakin ge luesile,

Filipenses 1:11

La'aniagaba otso dule iyá nu tse benle, de ben Jesucristuha le ayuda. Aníha nuha ki ugwele lidhaka Tata Do Yebáha lhe kini inná xxeni lebie lhe.

Colosenses 1:23

Aní aka ganna lebi'i tsia tsitsi lele lhe tse'e tsitsile lo neda gebie lhe, anágaba uxxen lele ge nu ra ka tisa tse biyieninle ge Cristuha, abittu udhanle ke. Ka tisa‑ni nuní chi ugwadhi itúba yiesi lo yu‑ni nna neti Pablo ankaa benne rigixxi'aya ke.

Colosenses 1:27

Ka benne chi ankake geeha, ka benneha nuha uka lebie ule'enie ke deki lebi'i ka benne dittu abittu ankale nu Israel, ralhagabale edí baale ge elha tse nu tenie gatsi, delába nu tenie gatsiha ankana deki Cristuha nuha chi doe lhe'e lastole. De nuha nna ruxxen lele dhile nu xxeni ra le Tata Do Yebáha.

Colosenses 2:6

Laxkala attiba chi ria lele deki Jesucristuha nuha anke Xxanari'i, anágaba nna gwaltse'e gwaluni attiba rakaba lebie.

1 Tesalonicenses 3:5

Laxkala neti labí uledarua, bedhelha ttebaa Timoteo‑ni kini unaa ganna gwa riaru lele ge Jesús‑ni, kumu ni kina chi uxí yie nu xxegwiha le, la'ania nna abígaba ixú nu bentu tti use'etu len lebi'iha ganna ttixka.

Hebreos 10:39

Ka nu reyadi gaakana lo neda ge Tata Do Yebáha, tsiabakana ata tse'e lookana. Ttaka ri'i labí ankari'i luesi ka nu reyadi gaakana lo neda geeha, ri'i ankalari'i ka nu lhaari'i kumu de ria leri'e.

1 Juan 2:6

Benne ra deki gwa dube len Tata Do Yebáha teeki unie tti uka elha ruin ge Jesucristuha tti ugwekie yiesi lo yu‑ni.

2 Juan 1:9

Iyába ka nu labí rudokana tisa ge nu bele'e Cristuha, sinuki attu nu subila ruinkana, ka nuha labí du lenkana Tata Do Yebáha nna ka nu gwa rudokana tisa ge nu bele'e Cristuha, ka nuha‑ligaba nna gwa du lenkana Tataha lhe gwa du lenkana Xi'inieha lhe.