San Juan 13:5 - Zapotec Yareni

⁵ Nianna tti uta'abie inda lhe'e ttu xiga nna uduloe utíe ni'a ka benne rudhetinieha nna bodibisie ka nuha len lari xika lhe'eeha.

San Juan 13:5 Iomraidhean Croise

San Lucas 7:38

Tti bisinna ata do Jesús‑ni, nianna biyachu ttebana urena kwe'ebie nna udulona ribesina, nna len inda gwina geniha‑ba bodibidhana ka ni'eha, nianna tti bodibisina ka nuha len itsa ikiniha. Betságaba loni ka ni'eha lhe utabina ka nuha seti dennaha lhe.

San Lucas 7:44

Nianna tti bodeki loe belannie nuilaha nna tti ree Simón‑ni: ―¿Si gwa rilenlu nuila re nii? Neti tti uta'aya lhe'e lisilu‑ni, labí betelu inda kini ití ka ni'aya‑ni. Yúruga nuila‑ni, chi utína ka nuní len inda gwina geni lhe chi bodibisina kana len itsa ikini lhe.

San Juan 13:10

Jesús‑ni nna ree na: ―Ttu benne chi udi labíru riyasin benneha gadie attu libe, a sun ka ni'abe ití, kumu itúba benneha chi anke nari xú nna lebi'i chiba beyarile arlo Tata Do Yebáha, meskiba laa iyále chi beyari.

San Juan 13:6

Tti chi diabie kíe ni'a Simón Pedro‑ni, lana nna rane: ―Labí dika lula kílu ni'aya xa tata.

San Juan 13:8

Pedro‑ni nna rane: ―¡Netiligaba nna labí dhielhaa kílu ni'aya! Jesús‑ni nna ree na: ―Ganna abíba dhielhalu kía ni'alu, labíru akalu kia.

San Juan 19:34

Ttaka ttu ka soldaduha nna bega'ana iyya tutsa dennaha lhitte, nianna biria tteba reni lhe inda lhe.

Hechos 22:16

De nuha nna, ¿bíla ribedalu? Kanna udú lii nna udi inda nna unnaba len Tata Do Yebáha kini ocharie yua ge ka tulha gelu‑na.”

1 Corintios 6:11

Lebi'i anágaba satsa ben ttu chupale itú ttuha, ttaka nnanna chi bochari Tata Do Yebáha le ge ka tulha benle la'ania lhe chi ulesie le ki akale gebie lhe anágaba chigaba utuabie kwe'ele yua ge ka tulha ruinle. Tata Do Yebaa geri'iha benie iyá nuní de nu ben Jesucristu benne anke Xxanari'iha lhe de nu ben Espíritu geeha lhe.

Efesios 5:26

Aníha benie kini ulesie ke ki ukake gebie de bocharie ke len indaha lhe len ka tisa geeha lhe,

1 Timoteo 5:10

lhe daa tisa deki gwa ruinbake iyá nu anka tse lhe; delába gwa biyú tseba xi'inke, lhe karrila tte raxike ka benne lisike, lhe gwankake ka benne rigíke ni'a ka benne chi ankake ge Tata Do Yebáha, lhe rute náke len ka benne ruyúke ttu bixa elha disa, lhe gwa rudona leke ruinke iyá nu anka tse lhe.

Hebreos 10:22

De nuha nna itú iki itú leri'i ibigari'i len Tata Do Yebáha kumu de chi ria tsitsi leri'i gebie lhe anágaba kumu de abitturu nujari'i yua ge ka tulha ruinri'i lhe de chi se'eri'i ankari'i nari xú ttiba ttu nu chi beyari latini len inda tse, aníha‑ba chi ankari'i.

1 Juan 1:7

Ttaka ganna ri'i gwa rekibari'i lhe'e xianiha attiba labie doe lhe'e xianiha, la'ania nna gwa se'eba ttu tsapa len luesiri'i, nna reni nu belali Xi'inie Jesucristuha tti uttieha, reniha nuha rocharina iyá tte ka tulha ruinri'i.

1 Juan 5:6

Jesucristuha nuha bisiabie yiesi lo yu‑ni nna len inda udieha lhe len reni belalie tti uttieha, len nuha bele'e nuxa anke. Labí suna len inda udieha, sinuki len indaha lhe len reniha bele'e nuxa anke. Espíritu ge Tata Do Yebáha rigixxi'e nuní, kumu benneha rinnebie nu anka gwalí.

El Apocalipsis 7:14

Neti nna bekabia gebie, xpeye: ―Lu gwa yúbalu xa tata. Benneha nna bekabie kia ree: ―Ka benne‑ni nuní chi uláke lo elha disa tsitsiha nna chi utí xoke, botsitsike kana len reni ge benne anke Neru to‑ni.