San Juan 11:41 - Zapotec Yareni

⁴¹ Nianna tti utuakana íyya yaya ro'o yieru baaha. Jesús‑ni nna belhidha loe gwetsáha nna ree: ―Ixkixaru rugwea lu xa Tata, kumu gwa biyienbinlu kia.

San Juan 11:41 Iomraidhean Croise

San Mateo 11:25

Nianna tti unne Jesús‑ni ree Tata Do Yebáha: ―Tata, kwinalu ankalu Xxana yebáha lhe yiesi lo yu‑ni lhe. Xxeni ra lelu kumu chi bele'elu iyá nuní len ka benne abittu tte raka geke nna bekatsilu nuní len ka nu yuu lhe len ka nu rite dárukinna lhe.

San Mateo 11:26

Gwalí galá xa Tata, kumu anába uka le kwinalu aka.

San Mateo 27:60

Nianna bekatsie Jesús‑ni lhe'e yieru baa kubi geeha. Yieru baaha uche'enie na lhe'e ttu íyya daa niha. Nianna iki de chi bekatsie Jesús‑ni nna tti bottulhue ttu íyya xeni kini bedheabie ro'o yieru baaha, nianna tti deyye.

San Marcos 15:46

José‑ni nna uyo'ona ttu lari sibi nna tti bechidana Jesús‑ni nna bottesine lhe'e lariha, nianna gwakatsine lhe'e ttu baa uche'enna lhe'e ttu íyya daa niha. Nianna tti bottulhuna ttu íyya nna gwadheana ro'o yieru baaha.

San Lucas 10:21

Nuha‑ba ra Jesús‑ni tti bodú itta Espíritu ge Tata Do Yebáha lebie, nianna bedeakanie nna ree: ―Tata, kwinalu ankalu Xxana yebáha lhe yiesi lo yu‑ni lhe. Xxeni ra lelu kumu chi bele'elu iyá nuní len ka benne abí tte raka geke nna bekatsilu nuní len ka nu yu lhe len ka nu rite dárukinna lhe. Gwalí galá xa Tata, kumu aná uka le kwinalu aka. Nianna ree kana:

San Lucas 18:13

Ttaka gwekixaha nna idittuliba duna nna nigaba a reyaxinna elhidha loni gwetsá. Sunruba rudhen ro'o lastoni nna rana: “¡Tata Do Yebáha kia, gwatuachi lelu neti de ankaa benne runi nu satsa!”

San Lucas 24:2

Tti bisinkeha nna bilákanie íyya yaya ro'o yieru baaha, labíru yaya nuha ro'oni.

San Juan 11:22

Ttaka neti yubaa meskiba nnanna iyába nu innabalu len Tata Do Yebáha, gutebe nuha lenlu xa tata.

San Juan 17:1

Iki de chi unne Jesús‑ni nuha, nianna tti belhidha loe yebáha nna ree: ―Tata, chiba bisia ura nuní. Neti benne ankaa Xi'inlu, bele'e nu xxeni ra lasia, kini anágaba neti ule'a nu xxeni ra lelu,

San Juan 20:1

La sá tti bedú ni'a xumanuha, delába duminku, dila tteba gwankaru chulha ugía María Magdalena‑ni gwalannina lo baaha. Tti bilenna chi bitua íyya yaya ro'o yieru baaha,

Hechos 7:55

Ttaka Esteban‑ni yu'u galába Espíritu ge Tata Do Yebáha itúba latini. Nianna tti belhidha loni belannina yebáha nna bilenna xiani ge Tata Do Yebáha lhe bilágabinna Jesús‑ni due daka ná ben ge Tata Do Yebáha.

Filipenses 4:6

Abittu uchacha ikile ge ttu bixa. Nu uinlale, gwalutso dula iyá nu ruchacha ikile geni arlo Tata Do Yebáha, gwalinnaba lenie lhe gwalugwe bie ixkixaru lhe.