San Juan 10:12 - Zapotec Yareni

¹² Ttaka ttu nu ridí lhiaxani ki rekina lo ka neruha, tti rilenna daa sageeha nna ruse'e bixxibana ka neruha nna ruxunnina kumu laaga geni ka nuha. Sageeha nna ruinna udaxxuna ka neruha, nianna rutsatsana kana.

San Juan 10:12 Iomraidhean Croise

San Mateo 10:16

’Neti ridhelhaa le attiba ttu nu ridhelhana ka neru to diakana lagwi ge ka sageo. De nuha nna jeru tte gwalotsi'inu lele, gwaluin tti runi ka belha‑na ankakana kedha, lhe anágaba nna bittugaba inná xxeni lele; gwaluin tana tti ruin ka becha‑na.

San Mateo 7:15

’Gwaluyú gele ge ka profeta gwen lasi reki naa, ka nu rula'akana deki ankakana benne tse ttiba ttu neru runi tana, ttaka lhi'u lhe'e lastokani nna ankabakana ttiba ttu sageo ruin satsa.

San Juan 10:13

Nu rekina lo ka neruha ruxunnilana nna labí retabinna ge ka nuha, kumu nu naxaba ankana.

San Juan 10:2

Ttaka nu gwa ra'ana ata do ro'o lisi ka neruha, nuha‑ligaba nna gwalí gwankana nu rekina lo ka nuha

San Juan 10:3

nna nu ridú ki ruyúna ro'o lisi ka neruha gwa ridhaliba nuha kini ra'a nu reki lo ka neruha. Ka neruha nna reyoinbia ttebakana tsi'i nu rekina lokaniha. Lana nna kua ttu ttuba ka neruha raxina rudettina lákani, nianna tti ribeana kana.

Hechos 20:29

Kumu neti yu xeabaa ganna chi deya'aya, la'ania nna ga'a ka nu subi lagwi gele nna udhaka disakana ka benne ruyúleha, uinkana attiba ruin ka sageo ka nu rituin xxatta, aníha‑ba uin ka nuha utse'e lookana ka benneha.

1 Timoteo 3:3

lhe anágaba nna abittu ake ttu nu ri'a, lhe bittu ake nu rigila elha utilha lhe. Anágaba nna abittu ake nu ru'u xxatta leni belhiu. Nu uinlee, akalee ttu benne si'i lasi, lhe ttu benne re besi lebie.

1 Timoteo 3:8

Anágaba adí ka benne galha ladike ki ute náke len ka benne chi ria leke ge Cristuha, ka benneha tee ki akake ka nu dika tsia le ka benne ke, lhe akake ka nu abittu rigitta náke, lhe anágaba teeki akake ka nu abittu ri'iya xxatta, lhe abittugaba akake ka nu rotsi'inu leke gaxasina uinke ki galhike belhiu ge ka benne.

2 Timoteo 4:10

kumu Demas‑ni bedhába ikini neti de rudorula leni nu tee yiesi lo yu‑ni nna lhe'esi Tesalónica‑nila chi deyyana. Crescente‑ni nna deyyana daka Galacia. Tito‑ni nna deyyana daka Dalmacia.

Tito 1:7

Kumu ttu benne ganna ake nu dhu arlo ka benne chi ria leke ge Cristuha, kini ule'enie ke, benneha de ixúbie lo sina ge Tata Do Yebáha, de nuha nna teeki aka benneha ttu benne abittu bi ge itise, lhe abittu unie ttaba lhe abittu ake nu iki risa'a, lhe abittu ake nu dusi lhe anágaba abittu ake nu rigila elha utilha lhe, nigaba ake nu rotsi'inu lebie gasina unie ki galhie belhiu len ka benne.

1 Pedro 5:2

Rinnabaa len lebi'i, uinle attiba runi ttu nu reki lo ka neru to. Aníha‑ba uyú tsitsile ka benne chi bodha'an Tata Do Yebáha lasi nále. Itú iki itú lele gwaluyú ke. Gwaluyú ke attiba raka le Tata Do Yebáha. Abittu uyúle ke de rido doelhabale, sinuki gwaluyúla ke kumu de redá lele ruyúle ke. Abittugaba uinle na de rulha lele dhile belhiu, sinuki gwaluinla na de ru'u lele uyúle ke.

2 Pedro 2:3

Lakana de raka xxatta lekani gatta gekani, de nuha nna otsi'inu lekani innekana nu abittu ankana nu gwalí. Aníha uinkana kini galhikana belhiu len lebi'i. Ka nu ruin aní, ttuha‑li chi ga'anani Tata Do Yebáha ukinnie kana, laxkala teeba ki tse'e lookana, de ttena abittu ttena.