San Juan 1:51 - Zapotec Yareni

⁵¹ Lhe rágaba Jesús‑ni: ―Netiru ria, debá nnanna lhe nu si daa lhe ilenle iyali yebáha nna ilágabinle ka anjeli ge Tata Do Yebáha tsapi chadike xaliekia, neti benne daya yebáha.

San Juan 1:51 Iomraidhean Croise

San Mateo 25:31

’Atti esiaya neti benne daya yebáha, dedáya lhe'e xiani kiaha lenia ka anjeli ge Tata Do Yebáha, nianna tti dhoa lo xxila nu raka lhalha ata innabiayaha.

San Mateo 26:24

Neti benne daya yebáha eya'abaa attiba chi ga'anna lo ka yetsi ge Tata Do Yebáha. Ttaka nna, ¡gwalíchiru le nu utena neti lasi ná ka nu uttikana neti! Tserula saríana na ganna abittu ulina, a laa kila ulina.

San Mateo 3:16

Iki de chi udie indaha nna beria ttebe lhe'e nuha. Looraha nna biyali tteba yebáha nna bilánie Espíritu ge Tata Do Yebáha ugwadie ttiba ttu becha ata dueha.

San Mateo 4:11

Aníha uka nna bedhan nu xxegwiha Jesús‑ni. Nianna tti bisin ttu chupa ka anjeliha nna bete náke lenbie.

San Mateo 8:20

Jesús‑ni nna bekabie geni, ree: ―Ka beda‑na siaba lisi ka nuná ata reta'akana lhe anágaba ka nu sia xxilakani reki lo be‑na, siagaba lixxu'in ka nuná ata rebiakana, ttaka neti benne daya yebáha labí do gaxa kixxa ikia.

San Mateo 9:6

Ttaka nnanna ule'enia le kini uyú lole deki neti benne daya yebáha, yiesi lo yu‑ni gwa teeba lo neda kia ki dhia elha xen lasi ge ka tulha ruin ka benne. Nianna tti ree benne daa yatti latieha: ―Beyadha nna bodaxxu nu xualu loin‑na nna beyya lisilu.

San Marcos 1:10

Tti lo reria Jesús‑ni lhe'e indaha, nianna bilánie biyali yebáha nna Espíritu ge Tata Do Yebáha attiba ttu becha ugwadie betedhoe ikie.

San Marcos 14:62

Lee nna bekabie geni, ree: ―Ila, neti galá. Lebi'i gwalábinle neti benne daya yebáha dhoa daka ná bani ge benne ra tsitsi xxatta leeha lhe ilágabinle neti dedáya yebáha lhe'e bea.

San Lucas 2:13

Attiruba ttu nnelaba chi uka xxe adíru ka anjeli daa yebáha use'eke kwe'e anjeli du gwenneha nna rulhake ge Tata Do Yebáha, ráke:

San Lucas 2:9

Ttiruba nna ttu nnelaba chi uka xxe ttu anjeli ge Tata Xisiha ata se'e ka benneha. Tti uyu'u xiani ge Tata Xisiha abi'iba ata se'ekeha, nianna usi xxattakanie.

San Lucas 22:43

Nuha‑ba ree nna tti uka xxe ttu anjeli ge Tata Do Yebáha bisie kini udú tsitsie bie.

San Lucas 22:69

Ttaka debá nnanna neti benne daya yebáha, esinaa dhoa daka ná ben ge Tata Do Yebaa benne ra xxeni leeha.

San Lucas 24:4

Uka télakanie tti bilákanie nu chi ukaha. Ttiru nna ttu nnelaba chi uka xxe chupa ka benne biyú ata se'ekeha, nukuke xo raka lhalhaba loni.

San Lucas 3:21

Uka nuha tti rugadi Juan‑ni iyába ka benne inda, la'aniagaba udi Jesús‑ni inda. Laka dubie rilhapie tisa len Tata Do Yebáha, nianna biyali yebáha.

San Juan 1:50

Jesús‑ni nna bekabie ree Natanael‑ni: ―¿Si de xpeya lu chi biláti lu relu xan ya higuha, si de nuha nna ria lelu kia? Adírula xxeni anka ka nu si ilenlu tti ka nuní.

San Juan 10:1

’Netiru ria, nu abíba ra'ana ro'o puerta du ro'o lisi ka neruha, sinuki ata subila ribixxina ra'ana, nu runi aníha ubanaba anka nuha.

San Juan 10:7

Nianna redea Jesús‑ni ka benneha attu libe: ―Netiru ria: Neti nuha ankaa puerta du ro'o lisi ka neruha.

San Juan 13:16

Netiru ria, nu ren sina lo xxananiha labí xxenirula ra le nuha attichula xxananiha. Nigaba nu reki mandaduha, labí xxenirula ra le nuha attichila nu ruinna na mandaduha.

San Juan 13:38

Jesús‑ni nna bekabie geni, ree: ―¿Si gattilu kwenta kia? Netiru ria, lanila kwesi chinkaha, lu tsunna libela chi bedhea lelu abittu ridí ro'olu deki ankabienlu neti.

San Juan 14:12

Netiru ria, nu gweyya leni netiha gwingaba nuha ka nu runia‑ni nna xxenirula anka ka nu uin nuha, kumu neti eya'abaa ata do Tataha.

San Juan 16:20

Netiru ria, lebi'i kwesibale lhe elenibinle ge nu satea, ttaka ka nu se'e yiesi lo yu‑ni edeakalakinna. Lebi'i nna udú si'ilana lele, ttaka delola nna gwedú ittaba lele.

San Juan 16:23

La sáha labíru bi innaba tisale neti. Netiru ria, iyába nu innabale len Tataha ganna udettile neti, benneha nna gutebe nu rinnabaleha.

San Juan 21:18

Netiru ria, tti ankalu kwitiha titúbalu redú tselu nna riabalu ataba rakaba lelu, ttaka ganna chi uxxuluha, la'ania nna udábalu ka nálu‑na nna attu benne subila odú tsebie lu nna ichebe lu ata labí ru'u lelu tsialu.

San Juan 3:3

Jesús‑ni nna bekabie ge benneha, ree: ―Netiru ria, benne abíba eyalie attu libe eyake benne kubi, benneha labí dhaabie isine ake benne innabia Tata Do Yebáha bie.

San Juan 3:5

Jesús‑ni nna bekabie ree: ―Netiru ria, benne abíba eyalie len inda lhe eyalie len Espíritu ge Tata Do Yebáha lhe, benneha labí aka isine ake benne innabia Tata Do Yebáha bie.

San Juan 5:19

Nianna bekabi Jesús‑ni ge ka nu loni ge ka benne Israel‑ni, rabie kana: ―Netiru ria, neti benne ankaa Xi'in Tata Do Yebáha labí aka unia nu yu'u ikia, sinuki ruinbaa nu rilábati ruin Tata kiaha. Kumu iyába nu ruin Tataha, aníha‑gaba neti benne ankaa Xi'inieha, aníha‑gaba runia.

San Juan 5:27

lhe chigaba betebie lo neda len neti kini unia elhuxtisi ge ka benne kumu de ankaa benne daya yebáha.

San Juan 6:26

Jesús‑ni nna bekabie geke, ree: ―Netiru ria, labí rekile ugila neti de rilenle ka milagru runia‑ni, sinuki rekile ugila neti kumu de begoa le yettaxtila nna axtaba beyielinle.

San Juan 6:32

Jesús‑ni nna rabie ke: ―Netiru ria: Labí Moisés‑ni nuha betena yettaxtila daa yebáha; sinuki Tata kiaha‑ba betebie nuha. Labie nuha rutebie nu gwalíga anka yettaxtila daa yebáha.

San Juan 6:47

Netiru ria, benne gwa ria lebie netiha, benneha satíaba aka benbie arlo Tata Do Yebáha.

San Juan 6:53

Jesús‑ni nna bekabie gekani, ree: ―Neti benne daya yebáha, netiru ria, ganna lebi'i abíba gole bela latia‑ni lhe ganna abíba i'iyale reni kia‑ni lhe, labí aka benle ttu dia lii arlo Tata Do Yebáha.

San Juan 8:34

Jesús‑ni nna bekabie ge ka benneha, ree: ―Netiru ria, iyába ka nu ruin tulha, to'obakana lo tulha ruinkanaha.

San Juan 8:51

Netiru ria, benne rudobie tisa ge nu ria‑ni, labí gatti benneha.

San Juan 8:58

Lee nna ree kana: ―Netiru ria, attili lani gali Abraham‑ni, neti chila doa la'ania.

Hechos 10:11

biyali yebáha, nianna ugwadi ttiba ttu lari xeni xiga itapaba ka ro'oni, dana radina lo yu.

Hechos 7:56

Nianna tti unnena, rana: ―¡Gwalugíaruga! Neti riláti du yali yebáha lhe rilágabati Jesús‑ni, due daka ná ben ge Tata Do Yebáha.

2 Tesalonicenses 1:7

Lebi'i ka nu rudhaka xiikana nna kuabe elha disa gele, attigaba unie len ri'itu ganna chi uka xxe Jesús benne anke Xxanari'iha, dedábie yebáha lenbie ka anjeli geeha, delába ka anjeli ra tsitsi lekeha.

2 Tesalonicenses 1:9

Ka nuná ttu dia liiba tsiakana ata tse'e lookana, iru'unabakana idittu, labí esinkana arlo Jesús‑ni lhe labí esinkana lhe'e xiani geeha lhe, delába xiani geeha nu ra tsitsi leniha.

1 Timoteo 3:16

Gwalí galá, itú ttuha xxeniba anka nu labí yu ka benne ge Cristuha, delába labí yuke deki benneha bisiabie yiesi lo yu‑ni uke benne attiba ankari'i, nna Espíritu ge Tata Do Yebáha bele'enie ri'i deki benneha uke benne tse. Anágaba nna bilágabin ka anjeli ge Tata Do Yebáha bie, lhe biyiengabani ka nu abittu ankakana ka nu Israel ka tisa geeha, lhe anágaba nna ugíagaba le ka benne se'e yiesi lo yu‑nie. Iki deliba nuha nna tti bedí Tata Do Yebáha bie kini besine yebáha.

Hebreos 1:14

Kumu iyába ka anjeli ka benne ruinke sina ge Tata Do Yebáha, iyába ka benneha ankake ka benne ridhelhe, kini ute náke len ka benne chi ga'ananie odilábie.

Judas 1:14

Ge ka nunígaba nuha ugwettini Enoc‑ni unnebie, delába Enoc benne uli gasi libixxi iki de Adán‑ni. Benneha unnebie ree: “Gwalulanniruga, nii chi daa Tata Xisiha len ixe miliru ka anjeli gebie,

El Apocalipsis 19:11

Nianna tti biláti du yali yebáha nna bela'ati uka xxe du ttu kwayu sitsi. Benne doe kwe'e nuha tee lábie Benne Abittu Runnitti Tisa Gebie lhe Benne Runi Nu Anka Gwalí lhe. Benneha ritilhe attiba ankaba geni lhe runie elhuxtisi attiba ankaba geni lhe.

El Apocalipsis 4:1

Iki de nuha nna tti bela'ati ttu puerta yebáha du yali‑na lhe biyienti tsi'i benne unnebie len neti sisi'a tteha. Idisaba biyienti tsi'e attiba riyieni ge ttu trompeta, benneha rabie neti: ―Ugwapi nii kini neti nna ule'enia lu iyá nu chi dabiga aka.