San Juan 1:4 - Zapotec Yareni

⁴ Len benne anke tisaha tee elha nabani geri'i ttu dia lii nna benne anke elha nabaniha, benneha nuha anke xiani ge ka benne.

San Juan 1:4 Iomraidhean Croise

San Mateo 4:16

lebi'i nuná ankale attiba ka benne se'e ata anka chulha. Nnanna nna chi bilenle ttu xiani xeni. Xianiha nuha udanie ge ka benne se'e ata ruxunnina geke gattike.

San Lucas 2:32

Anke ttiba ttu xiani udanie iki ka nu abittu ankakana nu Israel; nna ka benne gelu nna delába ka benne Israel‑ni, unie kini inná xxeni leke.

San Juan 11:25

Jesús‑ni nna rabie na: ―Neti runia ki reyaka ben ka benne chi uttiha lhe runia kini raka ben ka benne ttu dia lii lhe. Benne tsia lebie neti, meskiba chi uttie nna gweyaka benbe ttu dia lii,

San Juan 12:35

Jesús‑ni nna rabie kana: ―Attu sattiruba do benne anke xiani‑ni lagwi gele. De nuha nna laka sa ruden xiani‑ni gele, gwalugwela lele kini abittu udaxxu elaha le, kumu nu reki lhe'e chulhaha, labí yu nuha gaxa diana.

San Juan 12:46

Neti ankaa xiani bisiaya yiesi lo yu‑ni kini iyába ka benne tsia leke neti abittu tse'eke ata anka chulhaha.

San Juan 14:6

Jesús‑ni nna bekabie, ree na: ―Netiba nuha ankaa nedaha lhe netiba nuha ankaa benne rigixxi'aya ge nu anka gwalí lhe ankaa benne runia ki satíaba raka ben ka benne lhe. Lanú nu aka geni tsiana ata do Tataha ganna abíba neti echea na.

San Juan 3:19

Ka nu labí ria lekaniha ibixxi iginniba ka nuha, kumu neti benne ankaa xianiha gwa bisiabaa yiesi lo yu‑ni, ttaka lakana nna adírula ute lekani chulhaha attichula xianiha kumu de satsaba anka nu ruinkana.

San Juan 5:21

Kumu ttiba ruin Tataha relhidhe ka benne chi uttiha nna runie kini reyaka benke arloe, anágaba neti benne ankaa Xi'inieha, ka benne aka lasia unia kini aka benke nna gwaka benbake.

San Juan 5:26

Kumu ttiba Tataha anke benne bani nna runie ki raka ben ka benne, anágaba neti benne ankaa Xi'inieha ankaa benne bani nna chi betebie lo neda kia kini unia ki aka ben ka benne,

San Juan 8:12

Jesús‑ni nna rodolise ka benne attu libe nna redeabie ke: ―Neti ankaa xiani ge ka benne se'e yiesi lo yu‑ni. Benne etenalhe neti, labí tseki benneha lhe'e chulha, sinuki tsekilee lhe'e xianiha, xiani nu uinna kini satíaba aka benbie arlo Tata Do Yebáha.

San Juan 9:5

Laka nnanna doa yiesi lo yu‑ni, netiba ankaa xiani ge iyá ka benne se'e yiesi lo yu‑ni.

Hechos 26:23

delába unneke ráke deki benne anke Cristuha teeki gatti benneha nna labe lade'a tte eyadhe lagwi ge ka benne chi uttiha, kini kixxi'anie ka benne Israel lhe ka benne abittu ankake nu Israel lhe, kixxi'anie ke ka tisa ka nu anka attiba xiani kini tte dákanie gasina odilábie ke.

1 Corintios 15:45

Lo ka yetsi ge Tata Do Yebáha dia ra: “Adán benne biyú udo sisi'a tteha, uyu'u elha nabani gebie yiesi lo yu‑ni.” Ttaka Adán benne bisia lo xubanaha, delába Cristuha, benneha nna anke espíritu rutebie elha nabani geri'i arlo Tata Do Yebáha.

Efesios 5:14

De nuha nna ra ka benne: Lu nu ankalu ttiba ttu nu te'adhi, bebani, lhe beyadha lagwi ge ka nu ankakana ttiba nu yatti, nna Cristuha udanie gelu.

Colosenses 3:4

Tti esia Cristu benne rutebie elha nabani geri'iha, tti esie dedábie yebáha, anágaba lebi'i la'ania tse'egabale lenbie lhe'e xiani geeha.

1 Juan 1:1

Lo yetsi‑ni rigixxi'aya ge benne chi doe sisi'a tteha attili lani kwe yiesi lo yu‑niha; delába kixxi'aya ge benne biyienintu unnebie lhe bilen kwinaga ri'itue lhe. Anágaba benbiatue lhe bedaxxutu nábie lhe. Benneha nuha anke tisa, delába tisa nu runi ki aka benri'i ttu dia lii.

1 Juan 1:2

Benne runie ki aka benri'i ttu dia liiha, benneha nuha bisiabie yiesi lo yu‑ni nna uke benne attiba ankari'i. Ri'itu bilentue nna rigixxi'atu deki ttu dia liiba doe. Ata do Tataha‑ba udoe, delola nna bisiabie yiesi lo yu‑ni nna bilentue.

1 Juan 5:11

Tisa‑ni nuní utixxi'e, delába utixxi'e unie ki aka benri'i ttu dia lii nna elha nabani gatta geri'iha, Xi'inieha‑ba utebie nuha geri'i.

El Apocalipsis 22:1

Nianna tti bele'en anjeliha neti ttu yoo ridá inda lhe'eni. Inda ridá lhe'e yooha ruinna kini aka ben ka benne ttu dia lii. Iyya gwanaba raka loni de ankana yaa xú. Ririana ata du xxila ata do Tata Do Yebáha rinnabie lhe ata do benne anke Neru toha lhe.

El Apocalipsis 22:16

―Neti Jesús, udhelhaa anjeli kia‑ni kini kixxi'anie le nuní, lebi'i ka benne chi ria lele neti. Neti ankaa benne datiaya David lhe ankaa beli riria ka dila‑na lhe.