San Juan 1:34 - Zapotec Yareni

³⁴ Neti chi bilátie nna rigixxi'aya deki labie anke Xi'in Tata Do Yebáha.

San Juan 1:34 Iomraidhean Croise

San Mateo 11:27

Nianna ree ka benne se'e niha: ―Tata kiaha iyába chi betebie lasi náya lhe anágaba lanú nu gwalíga ankabienna neti benne ankaa Xi'inieha, sunruba Tata kiaha gwankabianie neti, lhe anágaba Tata kiaha lanú nu ankabienna benneha, sunruba neti benne ankaa Xi'inieha gwankabiatie lhe sunrugaba ka benne raka lasia ule'enia ke Tata kiaha kini uinbiake bie.

San Mateo 16:16

Simón Pedruha nna bekabina, rane: ―Lu ankalu Cristu Xi'in Tata Do Yebaa benne anka baniha.

San Mateo 17:5

Sa dúlana rinnena ttiru chi bisia ttu bea yien charába ankana urena ata se'ekeha nna lhe'e beaha nna biyien tsi'i ttu benne, rabie: ―Benne‑ni anke Xi'inia lhe rakati gebie lhe. Benne‑ni runie nu ru'u lasia. Ge benne‑ni gwaludo nagale.

San Mateo 26:63

Ttaka Jesús‑ni siiba uke, labí bekabie. Bixxudi xeniha nna rane: ―Tata Do Yebaa benne anka baniha rudettia rinnabaa lenlu, utixxi'a, ¿si lu ankalu Cristu Xi'in benneha?

San Mateo 27:40

rákana: ―Lu ralu deki ottampalu yotu‑na nna delo tsunna ubisaba chi elhidhalu na. ¡Ganna si gwalíginlu ankalu Xi'in Tata Do Yebáha, titúbalu benchu ki lhaalu lo ya kurusi‑na nna beyadichu!

San Mateo 27:43

Bexxen leni ge Tata Do Yebáha, nnanna nna odiláchue na ganna gwalíga rakanie geni. Kumu rana: Neti ankaa Xi'in Tata Do Yebáha.

San Mateo 27:54

Soldadu nu baninna adí ka soldaduha, du lenna attu chupa ka soldadu ruyúkana Jesús‑ni. Ka soldaduha tti bilákinna chi rixúha lhe iyá nu chi ukaha lhe, nianna usi xxattakinna nna rákana: ―Benne‑niligaba nna gwalí anke Xi'in Tata Do Yebáha.

San Mateo 3:17

Nianna biyien tsi'i ttu benne yebáha, unnebie ree: ―Benne‑ni nuní anke Xi'inia rakati gebie. Benne‑ni runie nu ru'u lasia.

San Mateo 4:3

Nu xxegwiha nna ruinna dhi yiene, nianna tti ubigana, rane: ―Ganna gwalíginlu ankalu Xi'in Tata Do Yebáha, usichu ka íyya se'e‑ni kini eyakakana yettaxtila ki golu.

San Mateo 4:6

Nianna rane: ―Ganna si gwalíginlu ankalu Xi'in Tata Do Yebáha, biginnichu lo yuha, kumu lo ka yetsi geeha, dia ra: Tata Do Yebáha idhelhe ka anjeli geeha ki uyúke lu. Udoni lo náke lu kini abittu tsu'u ni'alu iki ka íyya.

San Mateo 8:29

Nianna tti uresi'akana, rákana: ―Lu, Xi'in Tata Do Yebáha, ¿bí raka lelu udhakalu ri'itu? ¿Si dáchilu kini ugwelu ri'itu elha disa? Ki labí chi bisia ura dhitu elha disa ralhatu.

San Marcos 1:1

Nii ridulo ka tisa ka nu rigixxi'akana ge Jesucristu benne anka Xi'in Tata Do Yebáha.

San Marcos 1:11

Nianna tti biyien tsi'i ttu benne unnebie yebáha, ree bie: ―Lu ankalu Xi'inia rakati gelu; lu ankalu benne ru'u lasia.

San Lucas 1:35

Anjeliha nna bekabie geni, ree: ―Espíritu ge Tata Do Yebáha‑ba isiabie tsu'e latilu. Nianna Tata Do Yebáha, len nu ra tsitsi leeha unie kini tsu'u attiba ttu xula ge ttu bea ikilu. Laxkala binto galiha nna akabi gebie nna kixxakana lábi Xi'in Tata Do Yebáha.

San Lucas 3:22

La'ania nna ugwadi Espíritu ge Tata Do Yebáha, anke attiba ttu becha nna betedhobie iki Jesús‑ni. Nianna biyien tsi'i ttu benne rinnebie yebáha, ree bie: ―Lu ankalu Xi'inia rakati gelu. Lu ankalu benne ruinlu nu ru'u lasia.

San Juan 1:18

Tata Do Yebáha lanú nu chi bilenna benneha. Sunruba benne anke ttu túbiru Xi'inieha, delába benne due lenieha, benneha‑ruba nuha chi bele'enie ri'i Tata geeha.

San Juan 1:49

Natanael‑ni nna ree Jesús‑ni: ―Maestru, lúligaba ankalu Xi'ini Tata Do Yebáha lhe lu ankalu benne rinnabialu ka benne Israel‑ni lhe.

San Juan 10:30

Neti lhe Tata kiaha lhe, ttúba benne anka ri'itu.

San Juan 10:36

¿beakala netila ulesie nna udhelhe yiesi lo yu‑ni, beakala rálale neti deki rorexxa gaaya Tata Do Yebáha de ria, “Neti ankaa Xi'inie”?

San Juan 11:27

Marta‑ni nna rane: ―Ila xa tata, gwa ria galá lasia deki lu ankalu Cristu Xi'in Tata Do Yebaa benne chi ga'anna isia yiesi lo yu‑ni.

San Juan 19:7

Ka nu Israel‑ni nna bekabikana geni, rákana: ―Ri'itu tee ttu bia bennabi getu ata gwa rugwelhabana deki gattiba nuná kumu de rana ankana Xi'in Tata Do Yebáha.

San Juan 20:28

Tomás‑ni nna bekabie ge Jesús‑ni, ree bie: ―Lu baninlu neti lhe ankalu Diosi kia lhe.

San Juan 20:31

ttaka ka nu chi dia lo yetsi‑ni, ukakana lo yetsi‑ni kini lebi'i tsia lele deki Jesús Xi'in Tata Do Yebáha anke Cristu lhe kini de tsia lele ge benneha nna gwaka benbale ttu dia lii arlo Tata Do Yebáha.

San Juan 6:69

Ri'itu chiba ria letu gelu lhe chigaba yutu deki kwinalu ankalu Cristu Xi'in Tata Do Yebáha benne anka banieha.

Romanos 1:4

ttaka tti beyaka benbie lo elhuttiha, Espíritu ge Tata Do Yebáha ree deki Jesucristuha nuha gwalíga anke Xi'in Tata Do Yebáha lhe anágaba ankagabe benne ra tsitsi lebie lhe.

2 Corintios 1:19

Kumu Jesucristu Xi'in Tata Do Yebaa benne rigixxi'atu gebie, neti lhe Timoteo‑ni lhe Silvano‑ni lhe, benne rigixxi'atu geeha labí anke benne lade'axa innábie: “O”, delo nna edennábie: “Labí.” Benneha labí rotsea elha rinne gebie, satíaba ree: “Gwakaba.”

Hebreos 7:3

Melquisedec‑ni labí rigixxi'a nuxa uka xxudie lhe ixne lhe, nigaba a rigixxi'a nuxa uka ka benneola gebie lhe. Anágaba labí yuri'i nukaxa ulie lhe si uttie lhe. Ankabe bixxudi do ttu dia lii attiba Xi'in Tata Do Yebáha.

1 Juan 2:23

Nu rigu'u ni'ani Xi'in Tataha, labí du nuha len Tataha nna nu rana deki gwa riaba leni ge Xi'inieha, nuha gwa dúbana len Tataha.

1 Juan 3:8

Ttaka nu ruin tulhaha, ge nu xxegwiha‑ba anka nuha, kumu nu xxegwiha attili sisi'a tteha udulona ruinna tulha. De nuha nna bisia Xi'in Tata Do Yebáha yiesi lo yu‑ni kini betse'e loobie nu ruinnaha.

1 Juan 4:9

Labie udhelhe Xi'in ttu túbiru geeha yiesi lo yu‑ni. Xi'inieha uttie kini ri'i, de utti benneha nna gwaka benri'i ttu dia lii. Aníha ben Tata Do Yebáha kini bele'e looe deki rakanie geri'i.

1 Juan 5:20

lhe gwa yúgabari'i deki Xi'in Tata Do Yebáha bisiabie yiesi lo yu‑ni nna udhalie ikiri'i kini uinbiari'i benne gwalíga anka Diosiha. Nnanna chi se'eri'i len benneha de du lenri'i Xi'inie Jesucristuha. Tata Do Yebáha nuha anke gwalíga Diosi lhe anke benne rutebie elha nabani geri'i ttu dia lii lhe.

2 Juan 1:9

Iyába ka nu labí rudokana tisa ge nu bele'e Cristuha, sinuki attu nu subila ruinkana, ka nuha labí du lenkana Tata Do Yebáha nna ka nu gwa rudokana tisa ge nu bele'e Cristuha, ka nuha‑ligaba nna gwa du lenkana Tataha lhe gwa du lenkana Xi'inieha lhe.

El Apocalipsis 2:18

’Bengaba yetsi‑ni nna udhelha na ge anjeli ruyúe ka benne chi ria leke neti se'eke lhe'esi Tiatira. Usi ke: “Aní ra Xi'in Tata Do Yebaa benne anka ka iyya loeha xiná tú attiba belha ge gi, ka ni'eha nna raka lhalhabakana attiba raka lhalha iyya nu tee láni bronce: