San Juan 1:11 - Zapotec Yareni

¹¹ Len ka benne geeha‑ba bisiabie, ttaka ka benne geeha nna labí belabike bie.

San Juan 1:11 Iomraidhean Croise

San Mateo 15:24

Lee nna bekabie, ree: ―Tata Do Yebáha labí udhelhe neti len ka nu dittu‑na; suna len ka benne Israel ka benne chi bedhanke neda gebie, suna len ka benne‑niba udhelhe neti.

San Lucas 19:14

Ttaka ka benne lhe'esi geniha nna ritisibakanie nubiyúha. Nianna udhelhake ttu chupa ka nu ugíakana ata dia nubiyúha kini gákana ka uxtisi se'e niha: “Labí raka letu innabia nuná ri'itu.”

San Juan 1:10

Chiba do benneha yiesi lo yu‑ni nna labie bixuin Tata Do Yebáha kini benie yiesi lo yu‑ni, ttaka ka benne se'e yiesi lo yu‑ni labí chi ankabiakanie benneha.

San Juan 1:12

Ttaka iyába ka benne belabike bie lhe gwa ugía leke gebie lhe, ka benneha nuha begwebie ke lo neda kini akake xi'in Tata Do Yebáha.

San Juan 19:27

Nianna tti redeabie benne rudhetinieha: ―Ne nan gelu du naa. Debá la'ania nna deche benne rudhetinieha nan ge Jesús‑ni lisieha.

San Juan 3:32

Ge nu bilábanie lhe ge nu biyienbanie rigixxi'abie, ttaka ni ttú ka benne a ria leke ge nu rigixxi'a benneha.

Hechos 13:26

’Betsi to, lebi'i ka benne datiale Abraham‑ni lhe anágaba lebi'i ka benne dittu ka nu gwa rudole tisa ge Tata Do Yebáha, len iyá tteri'i nuní chi bisia ka tisa ka nu rigixxi'akana gasina odilá Tata Do Yebáha ri'i.

Hechos 13:46

Ttaka Pabluha lhe Bernabé‑ni lhe labí rasikinna rinnekana, rákana: ―Lebi'i ka benne Israel, lade'axa len lebi'i raka doelha kixxi'entu le ka tisa ge Tata Do Yebáha. Ttaka lebi'i rigu'ula ni'ale ka tisa‑ni lhe anágaba lhe ruinbale attisidiba labí elha ralhale aka benle ttu dia lii. De nuha nna ka benne abittu ankake ka benne Israel, ka benneha‑la tsiatu kixxi'entu ke ka tisa‑ni.

Hechos 21:6

Iki de nuha nna tti uchú tisa luesitu, nianna beyapitu lo barcuha. Ka benneha nna beyekibake deyya lisike.

Romanos 15:8

Neti kixxi'ania le: Cristuha bitee yiesi lo yu‑ni kini bixúbie ge ka benne Israel‑ni, benie nu chi ra Tata Do Yebáha ka benne uka xuttokeha. Aníha kini bela'a deki Tata Do Yebáha labí runnitti tisa gebie, gwa ruinbe nu chi rabie unie.

Romanos 9:1

Neti kumu de ria lasia Cristuha, de nuha nna rinnebaa nu ankaba gwalí; labí ruin lasia. Anágaba Espíritu ge Tata Do Yebáha rágabe neti deki gwa rinnebaa nu ankaba gwalí.

Romanos 9:5

Anágaba lagabake nuha datiake ka benneola getu use'e itú ttuha, delába ka benne ukake xuttotuha lhe anágaba Cristuha, atti ulie yiesi lo yu‑ni, ka nu Israel‑nigaba nuha datiabie. Cristuha ankagabe Diosi rinnabie iyá tte nu se'e lhe satíaba ra xxeni lebie lhe. Amén.

Gálatas 4:4

Ttaka tti chi gwadona sá atti chi ga'anani Tata Do Yebáha idhelhe Xi'inieha, la'ania udhelhe benneha. Benneha bija ttu benne nuilee nna udoe yiesi lo yu‑ni bedobie tisa ge nu ra lo bia bennabi bodha'an Tata Do Yebáha.