San Juan 1:1 - Zapotec Yareni

¹ Attili lani kwe yiesi lo yu‑niha, chi do benne anke tisaha nna len Tata Do Yebáha‑ba doe nna la tisaha‑ba nuha anke Diosi.

San Juan 1:1 Iomraidhean Croise

San Mateo 1:23

Ttu nuila ribani abittu bixa chi benna, nuha uja xi'inni. Nianna gali ttu nuto biyú to. Nutoha nna kixxake lábi Emanuel. (Emanuel dienna innána: Tata Do Yebáha doe len ri'i.)

San Lucas 24:53

Ttu ttu sába se'eke lhe'e yotuha rulhake ge Tata Do Yebáha.

San Juan 1:14

Benne anke tisaha beyake ttu benne attiba ri'i nna udoe lenri'i. Uka xxatte benne si'i lasi lhe bele'ebie nu anka gwalí lhe. Ri'i bilenri'i nu xxeni ra leeha, delába nu xxeni ra lebie nu bete Tata geeha kumu de anke Xi'in ttu túbiru ge benneha.

San Juan 1:18

Tata Do Yebáha lanú nu chi bilenna benneha. Sunruba benne anke ttu túbiru Xi'inieha, delába benne due lenieha, benneha‑ruba nuha chi bele'enie ri'i Tata geeha.

San Juan 1:2

Lee nuha chi doe len Tata Do Yebáha attili lani kwe yiesi lo yu‑niha.

San Juan 16:28

Ata do Tataha‑ba biriaya daya nna bisiaya yiesi lo yu‑ni, nnanna nna udha'anaa yiesi lo yu‑ni nna eya'aya ata do Tataha.

San Juan 17:5

Nnanna nna xa Tata, ben kini neti eyakaa benne ra xxeni lasia arlolu, ben ki eyakaa atti tteba ankaa tti doa lenluha atti lanila kwe yiesi lo yu‑niha.

San Juan 20:28

Tomás‑ni nna bekabie ge Jesús‑ni, ree bie: ―Lu baninlu neti lhe ankalu Diosi kia lhe.

San Juan 8:58

Lee nna ree kana: ―Netiru ria, attili lani gali Abraham‑ni, neti chila doa la'ania.

Romanos 9:5

Anágaba lagabake nuha datiake ka benneola getu use'e itú ttuha, delába ka benne ukake xuttotuha lhe anágaba Cristuha, atti ulie yiesi lo yu‑ni, ka nu Israel‑nigaba nuha datiabie. Cristuha ankagabe Diosi rinnabie iyá tte nu se'e lhe satíaba ra xxeni lebie lhe. Amén.

Efesios 3:9

lhe anágaba iyá tte ka benne kixxi'ania ke ge Tata Do Yebáha, delába benne benie iyá tte nu se'e. Kixxi'ania ke gasina anka nu chi ga'ananie unie nu labí chi yu ka benne geni, delába nu tenie gatsi attili lani kwe yiesi lo yu‑niha,

Filipenses 2:6

Benneha, meskiba anke Diosi, labí benie deki lee anke turo'o len Tata Do Yebáha.

Colosenses 1:15

Tata Do Yebáha labí rilenri'i benneha, ttaka tti benbiari'i Cristuha, Tata Do Yebáha nuha benbiari'i la'ania, kumu Cristuha anke atti tteba anka benneha. Lee nuha chila doe attili lani kwe yiesi lo yu‑ni lhe anágaba ankagabe nu ra xxeniru leni delo iyá tte nu ben Tata Do Yebáha.

Colosenses 1:17

Cristuha chila do benneha attili lani aka iyá tte nu se'e, lhe anágaba de labie nna iyá tteba nu se'e, se'ebakana attiba ankaba geni.

1 Timoteo 3:16

Gwalí galá, itú ttuha xxeniba anka nu labí yu ka benne ge Cristuha, delába labí yuke deki benneha bisiabie yiesi lo yu‑ni uke benne attiba ankari'i, nna Espíritu ge Tata Do Yebáha bele'enie ri'i deki benneha uke benne tse. Anágaba nna bilágabin ka anjeli ge Tata Do Yebáha bie, lhe biyiengabani ka nu abittu ankakana ka nu Israel ka tisa geeha, lhe anágaba nna ugíagaba le ka benne se'e yiesi lo yu‑nie. Iki deliba nuha nna tti bedí Tata Do Yebáha bie kini besine yebáha.

Tito 2:13

lhe len elha gwedeaka lasi tse'eri'i kwedari'i la sá tti esia Jesucristuha dedábie lhe'e xiani geeha. Labie anke Diosi geri'i ra xxeni lebie lhe anke benne rodilábie ri'i lhe.

Hebreos 13:8

Jesucristuha ttúba benne anka benneha, labí reseabie. Labe nuha doe nnayaha lhe lagabe nuha doe nasá lhe lagabe nuha doe ttu dia lii lhe.

Hebreos 7:3

Melquisedec‑ni labí rigixxi'a nuxa uka xxudie lhe ixne lhe, nigaba a rigixxi'a nuxa uka ka benneola gebie lhe. Anágaba labí yuri'i nukaxa ulie lhe si uttie lhe. Ankabe bixxudi do ttu dia lii attiba Xi'in Tata Do Yebáha.

2 Pedro 1:1

Neti Simón Pedro, ankaa benne rixúni Jesucristuha lhe ankagabaa apóstol gebie lhe. Naa ridhelhaa yetsi‑ni gele, lebi'i ka benne chi ria lele attiba ri'itu. Ria leri'i kumu Jesucristu benne rodilábie ri'iha lhe anke Diosi geri'i lhe, benneha runie nu dika ixú.

1 Juan 5:20

lhe gwa yúgabari'i deki Xi'in Tata Do Yebáha bisiabie yiesi lo yu‑ni nna udhalie ikiri'i kini uinbiari'i benne gwalíga anka Diosiha. Nnanna chi se'eri'i len benneha de du lenri'i Xi'inie Jesucristuha. Tata Do Yebáha nuha anke gwalíga Diosi lhe anke benne rutebie elha nabani geri'i ttu dia lii lhe.

1 Juan 5:7

Tsunna loo ka benne runna liike nuxa anka Cristuha,

El Apocalipsis 1:11

Benne unneeha, ree: ―[Neti ankaa benne riduloa lhe ankaa benne rulhuxa looa lhe.] Nnanna ben lo yetsi iyá nu rilenlu‑ni nna udhelha na len gasi dhi ka benne chi ria leke Jesucristuha se'e lhe'e ka yiesi se'e daka Asia‑na, delába ka benne se'e lhe'esi Éfeso lhe ka benne se'e lhe'esi Esmirna lhe anágaba ka benne se'e lhe'esi Pérgamo lhe Tiatira lhe Sardis lhe anágaba ka benne se'e lhe'esi Filadelfia lhe Laodicea lhe.

El Apocalipsis 1:17

Atti bela'ati benneha, bere tteba loa arloe, ttiba ttu nu yatti ukaa. Labie nna uxxua ná banie ikia nna ree: ―Bittu gasinlu, kumu neti ankaa benne doa sisi'a tteha lhe ankaa benne doa ttu dia lii lhe,

El Apocalipsis 1:2

Neti nna rigixxi'abaa ge iyába nu bela'ati; delába nu utixxi'en Jesucristuha neti lhe nu unne Tata Do Yebáha lhe.

El Apocalipsis 1:8

Tata Do Yebaa benne anke Xxanari'iha lhe ra tsitsi xxatta lebie lhe, benneha ree: “Neti ankaa benne riduloa lhe ankaa benne rulhuxa looa lhe. Neti doa ttuha‑li lhe doa nnanna lhe dhoa nu si daa lhe.”

El Apocalipsis 19:13

Ka xo nuku benneha anka xxattakana reni nna tee lábie Tisa Ge Tata Do Yebáha.

El Apocalipsis 2:8

’Bengaba yetsi‑ni nna udhelha na ge anjeli ruyúe ka benne chi ria leke neti se'eke lhe'esi Esmirna. Usi ke: “Aní ra Jesús benne do sisi'a tteha lhe benne do ttu dia liiha lhe; delába benne uttieha, nianna beyaka benbe attu libe:

El Apocalipsis 21:6

Iki de nuha nna rabie neti: ―Chiba uluxa chá. Neti ankaa benne riduloa lhe ankaa benne rulhuxa looa lhe. Nu ebisina inda, neti kwentaba ugwea na inda i'iyana. Inda nu ugwea na i'iyanaha, nuha uinna kini aka benna ttu dia lii.

El Apocalipsis 22:13

Neti ankaa benne riduloa lhe ankaa benne rulhuxa looa lhe.

El Apocalipsis 3:14

’Bengaba yetsi‑ni nna udhelha na ge anjeli ruyúe ka benne chi ria leke neti se'eke lhe'esi Laodicea. Usi ke: “Aní ra Jesús benne tee lábie Amén, benne rigixxi'abie ge Tata Do Yebáha attiba ankaba geni lhe rinnebie nu ankaba gwalí lhe, benne bengabe len Tata Do Yebáha iyá tte nu se'e yiesi lo yu‑ni lhe iyá tte ka nu sia yebáha lhe,