1 Juan 4:4 - Zapotec Yareni

⁴ Lebi'i xa xi'ini to, chiba ankale ge Tata Do Yebáha nna chiba udaale bedúle lo ka nu ruin lekani reki naa, kumu benne do lhe'e lastole‑na xxenirula ra le benne‑na tti nu xxegwi reki yiesi lo yu‑ni.

1 Juan 4:4 Iomraidhean Croise

San Juan 12:31

Nnanna nuha chi bisia sá uin Tata Do Yebáha elhuxtisi ge ka benne se'e yiesi lo yu‑ni lhe nnanna nuha chi bisia sá kweabie nu rinnabiana yiesi lo yu‑ni, delába nu xxegwiha.

San Juan 14:30

’Labíru isá innea len lebi'i, kumu chiba daa nu xxegwi rinnabiana yiesi lo yu‑ni, neti niru latti labí dhaa nuha innabiana neti.

San Juan 16:11

lhe anágaba unie kini utte dáke deki ibixxi iginniba ka nu ruin tulha‑na, kumu nu xxegwi nu rinnabia yiesi lo yu‑ni chiba berixxi bekinni Tataha nuha.

San Juan 17:23

Lu dulu len neti; neti nna dhua lenkana, kini lakana nna gwalíga isinkana eyakakana attisidiba ttúba benne, kini anáchu adíru ka benne se'e yiesi lo yu‑ni tte dákanie deki luba udhelhalu neti lhe gwa rakabinlu ge ka nu tsia lekani kia attiba rakabinlu kia.

Romanos 8:31

Nianna, ¿bíla anka nu innári'i ganna? Ganna Tata Do Yebáha gwa dube lenri'i, la'ania nna lanú nu dhaana bixa udhakana ri'i.

Romanos 8:37

Ttaka de Jesucristu benne rakanie geri'iha, de benneha nna lo iyába nu rateri'i, gwa ridaabari'i loni.

1 Corintios 2:12

Ri'i laa nu anka elha rieni ge ka benne se'e yiesi lo yu‑niga uxíri'i. Ri'i uxílari'i Espíritu nu bete Tata Do Yebáha kini ute denri'i nu tse bedá lebie betebie geri'i.

1 Corintios 6:13

Ttibanka elho rori'i, elho‑na ankaba nuná ge tu'eri'i; anágaba tu'eri'i‑ni ankagabana ge elho rori'i. Ttaka Tata Do Yebáha ixpaba ka nuní utse'e loobie. Anágaba bela latiri'i‑ni, labí ixuinri'i nuní kini isári'i nu subi subi. Nuní ixúlana ge Tata Xisiha, nna labie ake Xxanani.

2 Corintios 4:4

Kumu nu xxegwiha, delába nu anka diosi rinnabiana yiesi lo yu‑ni, lana nuha bedheana elha rieni ge ka nu abittu ria lekinna kini abittu ute dákinna xiani nu runna ka tisa tseha, delába ka tisa ka nu rigixxi'ake ge nu xxeni ra le Cristuha. Labie nuní anke atti tteba Tata Do Yebáha.

2 Corintios 6:16

lhe anágaba labí raxxína yotu ge Tata Do Yebáha len ka nu labí gwalí ankakana diosi. Kumu ri'i nuní chi do Tata Do Yebaa benne anka baniha lhe'e lastori'i, delába ankari'i attiba yotu gebie attiba chi ree lo ka yetsi geeha: Neti dhoa lhe tsekia lagwi ge ka benne. Akaa Diosi geke, lake nna akake benne kia.

Efesios 2:2

Nuníba benle ugwekile itú ttuha. Benbale attiba ruin ka benne se'e yiesi lo yu‑ni. Benbale nu raba nu xxegwi rinnabiana adí ka espíritu satsa, ka nu labí rilenri'i rekikana lo be, delába nu xxegwi ruinna sina lhe'e lasto ka nu abittu rudokana tisa ge Tata Do Yebáha.

Efesios 3:17

kini dho Cristuha lhe'e lastole de tsia lele gebie. Rinnabagabaa lenie kini lebi'i, de chi se'e tsitsile rakin ge luesile,

Efesios 6:10

Nnanna xa betsi to, gwaltse'e tsitsi lo neda ge Tata Do Yebáha de chi babale len Jesús benne anke Xxanari'iha. Gwaludaxxu nu ra tsitsi leeha.

1 Juan 2:1

Xa xi'ini to kia, runia nuní lo yetsi‑ni kini lebi'i bittu uinle tulha. Ganna nuxa ttúle uinle tulha, gwa doba benne edíbie ri'i arlo Tataha, delába Jesucristu benne runi attiba ankaba geni.

1 Juan 2:13

Lebi'i ka xxudi, len lebi'i ridhelhaa yetsi‑ni, kumu lebi'i chi ankabienle benne chi do sisi'a tteha attili lani kwe yiesi lo yu‑niha. Ridhelhagabaa yetsi‑ni len lebi'i nu kwiti, kumu lebi'i chi udaale lo nu xxegwiha abittu ruinle nu satsa raka leni, lhe anágaba ridhelhaa yetsi‑ni len lebi'i xa xi'ini to, kumu lebi'i nuná chi ankabienle Tataha.

1 Juan 3:20

meskiba ganna ri'i rakinri'i deki labí ruin tseri'i len ka benne, Tata Do Yebáha xxenirula ra le benneha attichula nu rulaba leri'i, kumu benneha iyába yue.

1 Juan 3:24

Ganna gwa rudobari'i tisa ge nu bodha'ane uinri'iha, la'ania nna gwa se'ebari'i lenie, lee nna gwa dúgabe lenri'i. Aníha nuha nna chi yuri'i deki gwa dube len ri'i kumu de do Espíritu chi beteeha lhe'e lastori'i.

1 Juan 4:13

Labie de chi betebie Espíritu geeha lenri'i, de nuha nna chi yuri'i deki gwa duba lenri'e nna labie nna gwa dúgabe lenri'i.

1 Juan 4:16

Ri'i chi yuri'i lhe ria leri'i deki Tata Do Yebáha rakanie geri'i. Benneha anke benne si'i lasi, laxkala benne gwa rakanie ge adí ka benne, benneha nuha gwa du lenie Tata Do Yebáha nna Tata Do Yebáha nna gwa dúgabe lenie.

1 Juan 4:6

Ri'i ankari'i ge Tata Do Yebáha nna iyába ka nu ankabiakinna Tata Do Yebáha gwa rudoba nagakani geri'i nna ka nu abittu ankakana ge Tata Do Yebáha labí rudo naga ka nuha geri'i. Aníha kini yuri'i gá se'e ka nu rinnekana nu anka gwalí lhe gá se'e ka nu rinnekana gwen lasi lhe.

1 Juan 5:19

Anágaba chigaba yuri'i deki ri'i chi ankari'i ge Tata Do Yebáha nna iyába ka benne se'e yiesi lo yu‑ni ka nu labí chi ankakana gebie, nu ra nu xxegwiha‑ba ruinkana,

1 Juan 5:4

Kumu iyába ka benne chi anka xi'in Tata Do Yebáha chiba udaa ka benneha use'e tsitsike, abittu rixú yieke uinke nu satsa raka yiesi lo yu‑ni. Kumu ri'i, de ruxxen leri'i ge Cristuha, de nuha nna gwa ridaabari'i abittu ruinri'i nu satsa raka yiesi lo yu‑ni.

El Apocalipsis 12:11

Ka betsi to geri'iha chiba udaake loni kumu de bixúkanie reni belali benne anke Neru toha lhe de utixxi'ake ka tisa geeha lhe. Labí gwatua leke latike, beria iki beria leke utixxi'ake gebie, meskila uttike.