1 Juan 3:4 - Zapotec Yareni

⁴ Iyába ka nu ruin tulha, rigu'uba ni'a ka nuná ka tisa bodha'an Tata Do Yebáha uinri'i, kumu tti rigu'u ni'ari'i nu bodha'an Tata Do Yebáha, tulhaba nuha chi ruinri'i.

1 Juan 3:4 Iomraidhean Croise

San Mateo 5:19

Laxkala ttu benne ganna abittu udoe tisa ge ttu ka nu ra lo bia bennabi‑na, meskiba ankana ttu tisa xka'a, lhe ganna benneha gágabe ka benne abittu udoke tisa ge nu ra loni, benne unie aníha, arlo adí ka benne rinnabia Tata Do Yebáha labí xxeni ra lebie. Ttaka benne gudobe tisa ge nu ra lo bia bennabiha lhe gule'enie adí ka benne ki uinke nu ra loni, benne uni aníha, xxeni ra le benneha arlo adí ka benne rinnabia Tata Do Yebáha.

Hechos 23:3

Ttaka Pabluha nna bekabina geni, rana na: ―¡Aaluxa nu regí xú loni! ¡Tata Do Yebáha kweabie gi ro'olu! Lu dolu kini uinlu elhuxtisi kia tti tte ra lo bia bennabi geri'i‑na, ttaka rutse'e loona lu rigu'ula ni'alu nu ra lo nuná tti ralu ka nuná: Gwalikwea gi ro'oni.

Romanos 3:20

Laxkala niruba ttu benne do, de rudobie tisa ge nu ra lo bia bennabi‑na, de nuha nna gapa Tata Do Yebáha bie kwenta deki chiba anke nu abitturu yua nuje ge nu runie. Kumu bia bennabi‑na sunruba rixú nuná kini yuri'i deki ankari'i benne runi tulha.

Romanos 4:15

Kumu bia bennabi‑na, tti abíba rudori'i tisa geni, la'ania nna nuná runi kini rugwe Tata Do Yebáha ri'i elha disa. Ttaka ata abí bia bennabi‑na tee, labí tee ttu bixa nu ukinnina ri'i de a rudori'i tisa geni.

2 Corintios 12:21

Anágaba rixxusagabati ni kina tti isiaya naa, ugwe Tata Do Yebaa kia neti elhittu tti dua lagwi gele. La'ania nna kwesia de elenti kumu de ixele axta ttuha dale ruinle tulha nna labí chi bodúna le ki udhanle iyá nu satsa ruinle, lhe labí chi bedhanle risále nu subi subi, lhe anágaba labí chi bedhanle ruinle nu retaba le latile ruinle lhe.

Santiago 5:15

Kumu ri'i tti rinnabari'i len Tata Xisiha, ganna ruxxen tsitsi leri'i deki gweyakaba benne raniha, la'ania nna gwelhidhaba Tata Xisiha benneha nna ganna benne raniha chi binittie benie tulha, la'ania nna gwadíbe elha xen lasi ge benneha.

1 Juan 5:17

Iyába nu satsa ruinri'i, tulhaba anka nuha, ttaka se'e ka tulha ka nu labí rigilakana elhutti geri'i.