1 Juan 3:2 - Zapotec Yareni

² Betsi to kia, nnanna ri'i chi ankari'i xi'in Tata Do Yebáha, ttaka labí chi bele'ena gaxattiga siná eyakari'i. Ttaka chiba yuri'i ganna chi esia Cristuha, la'ania nna eyakari'i ttiba ankeha, kumu la'ania ilenri'e gasinattiga anke.

1 Juan 3:2 Iomraidhean Croise

San Mateo 5:8

’Karubáru ka benne itú iki itú leke rudo leke Tata Do Yebáha, kumu lake nuná gwalákanie benneha.

San Lucas 17:30

Aníha‑ba aka ganna chi isia sá esiaya, neti benne daya yebáha.

San Lucas 20:36

Aní aka kumu labíru aka gattikana attu libe. Eyakabakana attiba anka ka anjeli ge Tata Do Yebáha lhe akagabakana ka xi'in Tata Do Yebáha de beyaka benkana lo elhuttiha.

San Juan 1:12

Ttaka iyába ka benne belabike bie lhe gwa ugía leke gebie lhe, ka benneha nuha begwebie ke lo neda kini akake xi'in Tata Do Yebáha.

San Juan 11:52

Anna laa sun ge ka benneha‑ga kixe, anágaba kixagabe ge iyá ka benne chi ankake xi'in Tata Do Yebáha, delába ka benne se'e gatti gattiba, ki ottupe ke nna eyakake ttúba.

San Juan 17:24

’Ka nu chi betelu len neti xa Tata, raka lasia ata dhoaha, niha‑gaba tse'ekana, ki ilákinna nu xxeni ra lasia nu chi betelu len neti, kumu lu rakinlu kia attili lani kwe yiesi lo yu‑niha.

Romanos 8:16

La kwinaba Espírituha rigixxi'anie ri'i ree deki ri'i ankari'i xi'in Tata Do Yebáha.

Romanos 8:18

Neti rudhaka lasia deki nu rateri'i nnanna, latti toba nuní ganna utsenri'i na len nu tse ute Tata Do Yebáha geri'i nu si daa.

Romanos 8:19

Kumu iyá tte ka nu benie se'e yiesi lo yu‑ni ubedaba chi se'ekana kumu ladeakakana ule'eni Tata Do Yebáha kana ka benne chi ankake xi'inie.

Romanos 8:29

Kumu ttuha‑li chi yubie deki tse'e ka benne akake gebie, ka benneha‑gaba nuha chi bedha'ane kini akake tti anka Xi'inieha, kini anáchu Xi'inieha ake nu loni ge ixe ka betsi to geri'i.

1 Corintios 13:12

Nnanna ttiba ttu nu rulanni lo ttu iyya gwana nu labí rilá tse loni, aníha‑ba rateri'i. Ttaka ganna chi bisia sáha, la'ania nna ilá tsenri'i. Neti nnanna lattiruba chi yua, ttaka la'ania isinaa uinbiaya iyá tte attiba Tata Do Yebáha chi ankabianie neti.

1 Corintios 15:49

Anába attiba nnanna rule'eri'i atti tteba uka benne ben Tata Do Yebáha len yu, anágaba isia sá ule'egabari'i tti tteba anka benne daa yebáha.

1 Corintios 2:9

Ttaka attiba ra lo ka yetsi ge Tata Do Yebáha ata dia ra: Ka benne rakakanie ge Tata Do Yebáha chiba ga'ananie ugwebie ke ttu nu labí chi bilákanie lhe nigaba labí chi biyienkanie geni lhe nigaba labí chi belaba leke deki dhike na lhe.

2 Corintios 3:18

De nuha nna iyábari'i labíru ankari'i ttiba ttu benne yaya loe ttu lari. Attiba lo ttu iyya gwana chiba rilá saabinri'i nu xxeni ra le Tata Xisiha. Kwa kwaba diari'i rule'e loori'i nu xxeni ra leeha nna kwa kwagaba risinri'i rakari'i attiba labie. Tata Xisiha benne anke Espírituha, benneha runie kini raka aní.

2 Corintios 4:17

Kumu nnanna nu ratetu yiesi lo yu‑ni, lattiba nuní lhe sattiba ratetu nuní lhe, ttaka nu dhitu ge nu ratetu‑ni xxenirula anka nuha lhe ttu dia liiba edí baatu geni yebáha lhe.

Gálatas 3:26

kumu lebi'i iyábale chi ankale xi'in Tata Do Yebáha de chi ria lele Jesucristuha.

Gálatas 4:6

Nnanna kumu de chi ankari'i xi'inie, de nuha nna udhelha Tata Do Yebáha Espíritu ge Xi'inieha lhe'e lastori'i. Espírituha nuní rinnebie tti rulisari'i Tata Do Yebáha, rari'e: “¡Tatoo!”

Filipenses 3:21

Labie otseabie latiri'i, delába latiri'i nu rise'e loo reyakana yu, nna eyonie na atti anka latie nu ra xxeni leni. Nuní unie len nu ra tsitsi leeha, delába nu rixúnie kini iyá tte nu se'e yiesi lo yu‑ni rudokana tisa gebie.

Colosenses 3:4

Tti esia Cristu benne rutebie elha nabani geri'iha, tti esie dedábie yebáha, anágaba lebi'i la'ania tse'egabale lenbie lhe'e xiani geeha.

Hebreos 9:28

aníha‑gaba nuha Cristuha, suna ttu libeba uttie kini betebie elha nabani gebie kini utuabie yua kwe'e ixeba ka benne ge ka tulha ruinke, iki deliba nuha nna atti esiabie yiesi lo yu‑ni attu libe. Ttaka labíru esiabie kini kixe ge ka tulha geri'i, sinuki esialee kini odilábie ka benne se'eke ubede.

2 Pedro 1:4

De nuha nna yalhá xxeni anka nu chi rabie utebie geri'i lhe yalhá lhe'e ankana lhe. Aníha unie kini lebi'i udhanle nu satsa reta lele ruinle yiesi lo yu‑ni, kini abitturu unnittina le, nna ganna chi bedhanle nu satsaha, la'ania nna isinle akale benne runi nu anka tse attiba Tata Do Yebáha anke benne runi nu anka tse.

1 Juan 2:28

Laxkala nnanna xa xi'ini to, gwaltse'e len Cristuha, kini ganna chi besieha, la'ania nna xen su lasiba tse'eri'i abittu ettuinri'i arloe.

1 Juan 2:7

Lebi'i xa betsi to kia, nu runia lo yetsi‑ni labí anka nuní ttu tisa kubi rodha'anaa ki uinle, sinuki chiba tee tisa‑ni len lebi'i axtali ttuha. La tisa‑niba nuha chi biyieninle sisi'a tteha.

1 Juan 3:1

¡Gwaluyúruga! ¡Kattiparuba rakani Tata Do Yebáha geri'i, axtaba xi'inie chi tee lári'i! Aná nna laa suna teega lári'i xi'inie, sinuki gwalíga ankari'i xi'inie. Ttaka ka nu abí ria lekani se'e yiesi lo yu‑ni labí yúkana nuxa ankari'i, kumu anágaba Tata Do Yebáha labígaba ankabiakinna benneha.

1 Juan 3:10

Laxkala iyába ka nu abittu ruinkana attiba ankaba geni lhe abittu rakakinna ge attu betsi to geri'i lhe, ka nuná labí ankakana ge Tata Do Yebáha. Aní nna rule'e gá se'e ka nu ankakana xi'in nu xxegwiha lhe gá se'e ka nu gwalíga ankakana xi'in Tata Do Yebáha lhe.

1 Juan 3:21

Betsi to kia, ganna ri'i rakinri'i abittuba rinittiri'i, la'ania nna xen su lasiba dhu leri'i arlo Tata Do Yebáha

1 Juan 5:1

Iyába ka benne ganna ria leke deki Jesús‑ni anke Cristu, ka benneha nuha gwankake xi'in Tata Do Yebáha nna iyába ka benne rakakanie ge Tataha, rakagabakanie ge ka benne chi ankake xi'in Tataha.

El Apocalipsis 2:28

Ugwea na lo neda ki innabiana attigaba neti bete Tata kia lo neda len neti ki innabiaya lhe anágaba nna ugwegabaa na beli riria chi daa tsanina.

El Apocalipsis 22:4

Niha ilákanie kwinaga Tata Do Yebáha nna tsia lábie lo xeake.